Trà tutti i predaghji nuttàmbuli i Ciocci o Chjonchji si cunnoscenu
à i so dui piumaciulelli in capu.
U petit duc Scops chjamatu ciocciu,hè u più chjucu di tutti.(19cm,75à90gr)
Areghjunatu o tramutantu,ghjè castaginu o grisgiu.Cumunu inde noì
si cumpiace vicinu à l'omu.Campa per u più d'insetti,o puru tupucci.
S'appaghja da maghju à ghjugnu è i chjuchi venenu di lugliu,in piena stagione
d'insetti. Di notte,l'insetti sò alettati da u lume, hè da quessa chì si vede
u ciocciu curalli à vicinu,tirendu i so fischji impachjùculi!
L'acellaghji pumuntinchi facenu l'"ettaru": viottùla à mezu a machja
per tende i cappii(lacci o calarelle).Mi cuntavanu che tutti s'impiccanu
ancu u topu.
Solu u ciocciu,tempu pigliatu si ferma appollatu in aspettendu d'esse discioltu!.!
PS Se qualchi pumuntinccu pò cuntanne di più nantu à l'ettaru è l'acellaghji ?
Ci sò è "video" nantu à Petit Duc SCOPS.
Accueil 
