Mezanotte.
Nù a buatta di notte, dui gruppi si staccanu, e zitelle chì ballanu nant'à a pista, è i maschi chì s'inturcanu à u comptoir. Nù a so cabina, u spezia di DJ ballichjeghja nant'à a musicaccia ch'ellu face ingolle tutti i sabbati à i giovani di u rughjone.
Cada vez che te veo... L'hà vistu entre cun i s'amichi, u sgardu neru cum'è sempre, si sò messi in fondu di u comptoir, cum'è sempre. Hè da un pezzu ch'ella l'hà cannuchjulatu, sta sera hè a bona, a sente.
Trè ore di mane.
E buttiglie di vodka filanu una appressu à l'altru, hà rimarcatu sta zitella chì ballendu s'avvicina d'ellu, parla à l'arechja di u cumpagnu è a invita à beie un colpu.... No no no no es amore...
Sei ore di mane
Una strada di campagna, hè à pusà, sola, pienghje, mezu spugliata.
S'era prupostu di raccumpagnà la, poi avia chjappu 'ssa stradella, ella ridia, ùn si vulia dà à ellu a prima sera, ma unepoche di carezze ùn eranu per dispiace li.
Quand'ella l'hà dettu ch'elli ùn anderebbenu più luntanu sta mane, hè diventatu minacciosu, viulente, l'hà cacciata di vittura, hà strappatu u so vestitu, l'hà girata è furzata, ella pienghja, s'arricumandava, ma u imbuleghju di vodka è di coccaina è e so pulsioni animalesche eranu più forti chè tuttu, un piacè malsanu accendia a so faccia quand'ellu scrachjò.
A puntò in terra è si messe in vittura è si n'andò.
Tuttu pienghjendu, cantichjava una canzona, cada vez che te veo...