eccu una nutizia tremenda!
una tesa nant'à u mazzerisimu à l'università di Corsica
aghju avutu u piacè qualchi annu fà di scontrà à l'università
Olena BEREZVOSKA PICCIOCCHI chì ci hà da presentà un travagliu chì credu propiu tremendu. à l'epica aviamu evucatu l'impurtanza d'un omu cum'è Roccu Multedo, u so sapè è a so umilità cuncernendu stu sugettu. Referenze cum'è ellu ci vole à dì ci n'hè pocu (è micca). Olena vulia trattà u mazzerisimu à traversu un paragone fattu cù e società di u so rughjone d'origine. un puntu di vistu propiu interessante.
i populi guadagnanu sempre à scontrà d'altre culture è ciò chì vale per l'altri vale ancu per noi in Corsica. face prò ogni tantu dì guardà ciò ch'omu pò campà altrò. hè cusì è solu cusì chì pudemu capisce l'umanità sana sana.
bon...
...u minutu filosoficu di Petra Alta essendu compiu vi mettu u ligame per avè l'infurmazione necessarie nant'à sta tesa!
andate ci puru sè n'avete l'occasione!
http://www.univ-corse.fr/recherche-ecole-doctorale-soutenances-de-theses-soutenance-de-these-olena-berezvoska-picciocchi,-le-7-decembre-2012_4610.html