Ghjocu : u grattacapu!

L'idea hè quessa : qualchissia prupone unepoche di quistione nant'à un sughjettu è l'altri provanu à dà e risposte. Tocc'à quellu chì ne hà datu u più di prupone un quistiunariu novu.
Principiu eiu chì ùn ci la feraghju spessu à prupone qualcosa.

U primu sughjettu serà E NANNE CORSE :

1) Tutte e nanne corse sò esciute à principiu da una valle, chjamata in francese "la vallée des berçeuses", cume si chjama sta valle?
2) Datemi u titulu di a prima nanna stampata è l'annu sè vo ci ghjunghjite.
3) Chì hè u nome di a prima canzona corsa arregistrata? Da quale fù cantata? Quì dinù dateci l'annu sè vo l'avete.
4) Di sicuru, a risposta à a quistione 3) hè una nanna ma sta nanna, hè di fatti esciuta da una antra nanna, assai più longa. Chì hè sta nanna? Da quale hè stata scritta? L'annu?
5) Datemi u nome di stu vescu chì hà scrittu e "Poesie giocose" (ùn cunfundite micca cù e Poesie giocose di Salvatore Viale!) ma chì ùn hà mai vulsutu publicalle fora di un picculu librettu per a ghjente di a so parochja. È per compie sta sturietta, hè u so nipote, anch'ellu prete, chì, benchì u so ziu l'interdissi di falla, publicò l'opera. Mentre chì annu?

Eccu, à voi!

5. E "Poesie giocose" di Mgre Paulu Matteu de la Foata sò state publicate in lu 1973.

Per u restu ci vole ch'o rifletti...

Brava!

Era faciule.

V'aiutu appena :
1) Sta valle hè quella di u paese nativu di PM Della Foata.
2)Sta nanna hè stata publicata in "Voyages en Corse et en Sardaigne" di Valery
3) Stu cantadore hà cantatu dinù "U lamentu di u banditu".

2. Nanna di u Cuscionu ?

3. Tino Rossi hà cantatu U lamentu di u banditu è in lu 1932 hà arregistratu duie nanne : O Ciucciarella è Ninni Nanna.

Certi versi di O Ciucciarella s'assumiglianu à quelli di Nanna di u Bambinu, scritta da de la Foata.

"Ci sò i lefri è li cunigli/corri appressu,sì tù li pigli" (Nanna di u Bambinu).
"Quassù sò li trè cunigli/corri tù s'è tù li pigli" (O Ciucciarella).

A Nanna di de la Foata averà ispiratu a seconda ?

2) Iè, hè bè A Nanna di u Cuscionu publicata per a prima volta da Valery in "Voyages en Corse et en Sardaigne" in u 1837 è po dopu da Niccolo Tommaseo in "canti populari corsi" in u 1841.

3) Hè vera m'era scurdatu di a seconda! Parlava bè di "O Ciucciarella".

4) Eccu ciò ch'ella dice Ghjermana de Zerbi in Cantu nustrale, parlendu di "O Ciucciarella" :

Citation :

"U geniu pupulare hà forse simplificatu a Nanna di u Bambinu ritenendùne solu qualchì ballata cù u nome di Ciucciarella. Ma si pò ancu ch'ella sia u cuntrariu è chì Pàulu Matteu de La Foata, partendu da Ciucciarella, appia cumpostu A Nanna di U Bambinu."

È ciò ch'ellu dice G.M. Weber in 21 pièces pour découvrir la musique corse traditionnelle, u libru di u CRDP di Corsica :

Citation :

Connue sous l'appelation Ciucciarella, cette berçeuse est la plus emblématique, celle que le monde rural et urbain a retenue. Nous l'avons vu, l'inspiration de cette berçeuse provient de celle écrite par Della Foata [A nanna d'llu Bambinu]. La première trace écrite de cette version à cinq couplets est donnée par Xavier Tomasi, en 1932, dans l'ouvrage "les chansons de Cyrnos". Elle lui a été transmise par Mr Santini, de Corti, qui en indiqua son origine balanine.
Des versions proches ont cependant été collectées dès 1924, à Portivechju ou Chjatra di Verde, puis plus tard à Zicavu, Ascu ou calacuccia.

D'altronde, e sumiglie sò prufonde :

O ciucciarella
Nun sai quantu t'adoru
Le to bellezze
Le to cullane d'oru

Or pargulettu, tù sa quant'è t'adoru !
La me viletta , la me cuddana d'oru,



Cullà ne vogliu
Quassù per sse cullette
Ci sò le capre
Le muvre è le cervette
Quassù sò li trè cuniglii
Corri tù, sè tù ti piglii
Fà la ninna fà la nanna
U to babbu hè à la campagna

Par quissi punti, par sopra issi cuddetti,
Vi sò li muvri, li ronchi, è li cirvetti ;
Quì ci pascini l'agneddi,
Culà pascini i capretti;
Quì sò i lefri è li cunigli :
Corri appressu, stù li pigli.



Trovu aghju un nidu
Nentru c'era duie ove
Sò statu à vede
L'acellu chì le cova
Era un nidu di culomba
È trè volte l'aghju trova
O culomba cullerata
Cusì longa sta nuttata

Sò un altru nidu, è dentru v'hè dui ova ;
Sò stata à veda l'acedda chì li cova,
Ed hè un nidu di culomba,
Ghjà trè volti l'aghju trova :
O culomba cuddarata,
Cusì longa sta nuttata !



So statu à l'ortu
Stamane di bon'ora
Ciucciu nun c'era
Chì era andatu à la scola
Tuttu era per vede à tene
O màzzulu di viole
Fà la ninna fà la nanna
U to babbu hè à la campagna

Sì tù vol' dorma, dumani di bon'ora,
Ti ghjugnaraghju un mazzulu di fiora



Zifulà puru
È mughja o tramuntana
Filgu lu linu
È carmingu la lana
Fattu t'aghju lu mantellu
È guarnitu la suttana
Lu to mantellu fatatu
Tutt'intornu riccamatu.

Lu linu hè compiu, è carminu la lana;
Or mughji puri, zifuli a tramuntana.
Avarè lu to manteddu,
Avarè la to suttana ;
Lu manteddu hè ghjà finitu,
Varda ghjà cusì fiuritu !



O Ciucciarella in rossu
Nanna dlu Bambinu in turchinu


Ai trovu guasi tuttu, ùn manca più chè a prima quistione!

bellu ghjocu ch'ai prupostu o isulanu! hè l'occasione d'amparà parechje cose
eiu ùn cunnosce nunda! per furtuna sperenza salva u nivellu di e donne

m'ete arricatu u sonnu incù u vostru ghjocu

à bonanotte

Isulanu a écrit:

V'aiutu appena :
1) Sta valle hè quella di u paese nativu di PM Della Foata.
2)Sta nanna hè stata publicata in "Voyages en Corse et en Sardaigne" di Valery
3) Stu cantadore hà cantatu dinù "U lamentu di u banditu".

I Forinchi anu fattu tuttu u travagliu !
Un piace a scrittura di e nanne in culori

1)= a pieve di Celavu

petra alta a écrit:

bellu ghjocu ch'ai prupostu o isulanu! hè l'occasione d'amparà parechje cose
eiu ùn cunnosce nunda! per furtuna sperenza salva u nivellu di e donne

Aiò ùn aghju tantu meritu ! E risposte à a seconda è à a quattresima l'aghju trove in Cantu Nustrale.

L' rivene à Ghjermana de Zerbi ch'hà fattu un travagliu magnificu di ricerca è di racolta di testi.

petra alta a écrit:

bellu ghjocu ch'ai prupostu o isulanu! hè l'occasione d'amparà parechje cose
eiu ùn cunnosce nunda! per furtuna sperenza salva u nivellu di e donne

Ùn cunnoscu nunda dinù ma mi piace à spalmà a cunfitura

Circione a écrit:

m'ete arricatu u sonnu incù u vostru ghjocu

à bonanotte

À quantu cacciate ne sì avà?

ciocciu a écrit:

Isulanu a écrit:

V'aiutu appena :
1) Sta valle hè quella di u paese nativu di PM Della Foata.
2)Sta nanna hè stata publicata in "Voyages en Corse et en Sardaigne" di Valery
3) Stu cantadore hà cantatu dinù "U lamentu di u banditu".

I Forinchi anu fattu tuttu u travagliu !
Un piace a scrittura di e nanne in culori

1)= a pieve di Celavu

Parlava di a valle di u Taravu ma forse chè tù ne sai di più chè mè. Chì ci hè statu in sta pieve?

O Sperenza, avà tocc'à tè!

Approntu qualcosa...

Isulanu a écrit:

Circione a écrit:

m'ete arricatu u sonnu incù u vostru ghjocu

à bonanotte

À quantu cacciate ne sì avà?

per quessa ci vulerebbe à caccià li un puntu