Mariani Bonaventure

Puesie muntagnole
maghju 1974

(scusate mi per a qualità di e fiure. aghju da pruvà à fà megliu )

Hè un piacè di leghje altre puesie di Bonaventura Mariani



À dilla franca eiu ùn cunniscia cà questa quì:

I paisoli d’Orezza

Tù chì da u to castellu
Vedi orizonti luntani
Aprendu u to purtellu
Scopri Orezza è l’ Ampugnani
E case di u Surbellu
L'ai à purtata di mani

S’è tù guardi à manu manca
Ci ai a Croce d'Ampugnani
Ci hè Casalta è Casabianca
U Silvarecciu accantu à Pianu
In cima di l'altra branca
Olmu, Scata è San Damianu

Supranisci u cantone
U luntanu è u vicinu
Da Pedicroce à Stazzona
Brusticu è Pedipartinu
Case in fondu di Carchetu
Ped'Orezza è Carpinetu

Di punta, à tiru d'acellu
Ben esposti in pienu sole
Granaghjola è u so castellu
Ci hè Monacia è Piazzole
Valle, Rapaghju è Parata
Piatti inde a so burgata

Bellu nidu di virdura
Paisoli furtunati
Ci hè silenziu è aria pura
L'usi sò pocu cambiati
Si vive incù a natura
cum’è i nostri antenati

Ti precu curagiu è forza
Per mantene sta surghjente
Quella di l'Anima Corsa
Cusì prufonda è putente
Ch'ella ùn cedi à nisun scossa
Sempre fiera è sempre ardente.

Puetu di talentu... Per parlà di "I paisoli d'Orezza", mi pare chì ghjè più longa cà cusì, hè stata accurtata per esse cantata. In tutti casi, u libru ùn si trova...

mi pare ancu à mè ci devesse una strufata o duie di più cà cusì.

Circione a écrit:

mi pare ancu à mè ci devesse una strufata o duie di più cà cusì.

avete a data di a canzona chì nant'à u mo libru ùn ci hè micca. sarà stata scritta dopu?