Messages : 1264 Date d'inscription : 28/02/2012 Localisation : quassù
Sujet: Frassati Michele Lun 28 Jan - 9:18
À SERGIU
Tù sì natu campagnolu
sbucciatu in la cuccagna
di l'alivi di Balagna
Ùn lu senti u paisolu
chì ti pienghje è chì si lagna
figliulellu di Balagna
Tù currii per e strette
eranu l'ore sebbiate
mezu à rise è ciarlate
Tù battii e cullette
di vaghjime inargintate
cusì care e to cuntrate
Da u pinzu à a vela u ventu
furiosu è scatinatu
manda via issu lamentu
lamentu di u disgraziatu
in lu frombu di u spaventu
da l'umanu stantaratu
Tù sì andatu à a scola
di corsa per a stradella
à latu di to surella
Per i chjassi di a scola
erate una manatella
per beie à a funtanella
Tù ai scupartu un ghjornu
l'amicizia a più cara
è i canti d'una tarra
Tù ai capitu un ghjornu
i culori d'una sarra
è l'adori d'una tarra
Da u pinzu à a vela u ventu
furiosu è scatinatu
manda via issu lamentu
lamentu di u disgraziatu
in lu frombu di u spaventu
da l'umanu stantaratu
Tù ch'ai vulsutu dà
à i toii u t'ardore
Eppò tantu è tantu amore
Tù ch'ai vulsutu dà
suminatu avii un fiore
ma hè granatu u dulore
Da u pinzu à a vela u ventu
furiosu è scatinatu
manda via issu lamentu
lamentu di u disgraziatu
in lu frombu di u spaventu
da l'umanu stantaratu.
À Sergiu Martinelli mortu luttendu contru à un incendiu u 25 d'agostu di u 1994 ind'è a piaghja di Felicetu.
Sumenta
Messages : 2052 Date d'inscription : 25/02/2012
Sujet: Re: Frassati Michele Lun 28 Jan - 10:30
Magnifica! un testu, una canzona cantata cù tanta simplicità! mi tocca assai.
Maria
Messages : 1264 Date d'inscription : 28/02/2012 Localisation : quassù
Sujet: Re: Frassati Michele Lun 28 Jan - 14:34
CUN TÈ
Ùn parleraghju micca per tè Donna di a Piazza di Maghju Anna, Maria o Lucia Temi ch'ùn sia compiu lu viaghju Di tante vite à l'angunia Ùn parleraghju micca per tè
Ùn parleraghju micca per tè Amica di la Piazza Rossa Quandi la notte senza stelle Copre di foscu la to mossa Chjama di speranze ribelle Ùn parleraghju micca per tè
Ùn parleraghju micca per tè Ombra di biancu vilata D'un paese ch'ùn si rammenta L'amore chè tù l'ai datu Si sente sempre la to pienta Ùn parleraghju micca per tè
Ùn parleraghju micca per tè Ma parleraghju cun tè...cun tè...
Bob a spunga
Messages : 25 Date d'inscription : 10/03/2012
Sujet: Re: Frassati Michele Lun 30 Déc - 14:27
CRIATURELLA
U ghjornu di lu prima pientu, Ti vogliu apre lu mio core Ti vogliu di ch'issu paese Hè in cerca di u so prim'albore Dopu fughjite le gruppate È dopu compiu lu furore.
Sè tù scopri oghje lu mondu S'ella principia la to vita Ascolta o criaturella Cum'ella và quessa la vita Carca di venti è di fiori È d'acque chjare à l'infinita, Carca di venti è di fiori È d'acque chjare à l'infinita.
Ti vogliu parlà una lingua Chì oghje hè guasi pruibbita Ma chì ci porta ad alta voce Un'antru versu di la vita Ella sarà per tè la luce Chì rende a strada più schjarita.
Sè tù scopri oghje lu mondu...
Ti vogliu dà un ideale Fattu di rispettu è d'amore Per ch'issa terra è 'ssa ghjente Scaccinu disprezzu è dulore È ch'ellu sbucci in lu to mondu U sole di lu prim'albore.
Accueil 
