ISULA
Vous souhaitez réagir à ce message ? Créez un compte en quelques clics ou connectez-vous pour continuer.


Lingua è cultura corsa
 
AccueilAccueil  RechercherRechercher  S'enregistrerS'enregistrer  ConnexionConnexion  
-48%
Le deal à ne pas rater :
Prix cassé sur la TV OLED LG 55BX3 55″ chez Cdiscount
879.99 € 1681.44 €
Voir le deal

 

 Fiure da fà rimà

Aller en bas 
2 participants
AuteurMessage
Sumenta

Sumenta

Messages : 2052
Date d'inscription : 25/02/2012

Fiure da fà rimà Empty
MessageSujet: Fiure da fà rimà   Fiure da fà rimà EmptyMar 29 Jan - 16:32

Mi permettu di mette quì un vechju sugettu creatu nant'à Old Pievan Chronicle.
U scopu era di prupone una fiura è di scrive à partesi di ciò ch'ella inspiriva.


a prima fiura pruposta era questa quì:

Fiure da fà rimà Bois_l14

ùn sò si stu sugettu piace sempre, ma vulia sopra tuttu permette di leghje quì ciò chì fù scrittu quallà Wink
Revenir en haut Aller en bas
Sumenta

Sumenta

Messages : 2052
Date d'inscription : 25/02/2012

Fiure da fà rimà Empty
MessageSujet: Re: Fiure da fà rimà   Fiure da fà rimà EmptyMar 29 Jan - 16:37



O' Malley

Filu di vita
Infinitu turchinu
Stò, in silenziu



Maestru Littlewhite

Anceladu... shit !

Socu sempri subr'à Anceladu...

Vicu 'ssa ligna di frattura di i ghjaccia da daretu à u hublò.

I geiser di u mari subghjacciariu chì sdrisgiani l'orizonti.

Munutunia di i stundi à bordu di u Space Endeavour.

Munutunia di l'anni luntanu da... luntanu da vo.

Senta i vosci boci, veda i vosci surrisa.

Aiò, torra una piddula di Sciuttor, m'accurtarà l'ingoscia.

Anceladu... stesa infinita di u turchinu 'lli ghjaccia.

Cinqui anni ch'e' ci socu.




John Irwin Waterbright


Marosulu zuccatu à seculi ingulliti
Stonde senza misura, silenzii à pare striti
Forse ne sarà d'acqua, di petra o di legnu
Forse d'un altru mondu a vistica d'un segnu...




U Ghjudice

Hè l'opera di u tempu chì passa
Nant'à ciò chì omu vole eternu,
E cun pacienza, fracassa
E nostre credenze, e manda à caternu.



Erbaghju


U tempu arriviglia a legna turcata
Chì di l'istate ùn cunnosce a stella
Pare a so scorza cusì stantarata
Chì ogni vetta diventa urfanella

Onda suchjosa di speme ribella
Quandu incù maghju a fantasia hè nata
Ghjunsi per rende a vita più bella
È fà un affrontu à quella invernata

Ma a natura hà scrittu ogni cosa
È cusì hè da chì u mondu hè mondu
Sempre u sirenu u s'aspetta un sprifondu

L'onda turchina hè firmata graziosa
Ma l'ochju chì di l'amore era natu
Anch'ellu oghje s'hè addurmintatu



Minchjudargentu ùn mi ne vulerà micca ma u so scrittu hè in francese. ùn lu possu mette quì imbarazzatu
Revenir en haut Aller en bas
Maria

Maria

Messages : 1264
Date d'inscription : 28/02/2012
Localisation : quassù

Fiure da fà rimà Empty
MessageSujet: Re: Fiure da fà rimà   Fiure da fà rimà EmptyMar 29 Jan - 17:10

Pò pruponeci una versione in corsu. ditone
Revenir en haut Aller en bas
http://isulana.blogspot.com
Contenu sponsorisé




Fiure da fà rimà Empty
MessageSujet: Re: Fiure da fà rimà   Fiure da fà rimà Empty

Revenir en haut Aller en bas
 
Fiure da fà rimà
Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Puesia-
Sauter vers: