Bluegrass

Messages : 2212 Date d'inscription : 27/02/2012

vene di more una legenda di a musica bluegrass tristu

Doc Watson.

salutu2

Messages : 2212 Date d'inscription : 27/02/2012

Ch'è vo ùn'appiate da crede ch'ellu sia Eric Noleau u cantadore di l'ultima videò, hè Dan Tyminsky, a canzona hè quella di u filmu di i fratelli Cohen, O' Brother. ditone

L'altri musicanti sò tutti tarcani di u Bluegrass, Jerry Douglas (dobrò) Tim o Brien, Darell Scott ch'anu francatu l'atlanticu per arrigistrà cù i puntelli di a musica di a vechja Auropa, Aly Bain à u viulinu per u indettu (Boys of the Lought).

Allora mi diciarete: perchè un titulu cusì à u mo missagiu ?

Simpliciamente perchè i trè primi (Douglas, O Brien è Scott) facenu parte di quelli chì mi piacenu assai in stu genaru musicale, mi parenu (è sò) l'eredi di una vechja tradizione musicale è a so rinomina hè internaziunale, ancu s'elli ùn sò micca cunnisciuti quant'è una Madonna (ùn vi parlu di a Santa di u Niolu risa

) o una Lady Gaga... È perchè quandu aghju scupartu l'ultime videò (e trè di Transatlantic Sessions)induv'elli francanu u pozzu per sunà incù i so parenti irlandesi è ch'aghju vistu à Aly Bain, m'hà fattu qualcosa in veru, chì eiu à Aly avia avutu u piacè di incuntrallu sguasi vint'anni fà.

Vi contu a passata: era andatu à cantà incù Tavagna à u Falun Folk Festival (in Svezia)in 1994 hè custì ch'aghju intesu è vistu pè a prima volta gruppi cum'è Boys of the Lought o Taraf de Haidouks chì parechji anni dopu sò vinuti ancu in Pigna à pruducesi.

Dopu i cuncerti certe volte ci truvavamu per stonde di spartera è di cantu, m'arricordu di ste sirate incù frà altri l'amichi irlandesi di Boys of the Lought, Taraff de Haidouks, Vasen, ecc. è vi possu dì chì tutti quant'elli eranu s'arricurdaranu di e nostre paghjelle è di i nostri vechji lamenti cum'è no ci arricurdaremu noi di e so musiche è di i so canti. salutu2

Tuttu què per divvi chì videndu à Aly Bain sunà incù Jerry Douglas aghju pigliatu cuscenza ancu di più di u tisoru ch'è no avemu in "manu" incù a paghjella, è chì, in musica, in tutti i casi pè e musiche pupulare è tradiziunale, fruntiere ùn ci n'hè.

Messages : 2212 Date d'inscription : 27/02/2012

Lascatemi prisintavvi avà i Steeldrivers, per mè hè ciò chì si facia di megliu in bluegrass oghjincu, dicu "si facia " chì u cantadore Chris Sapleton hà chitatu u gruppu per muntà un gruppu di rock "The Jompson Brothers" è chì benchì bon cantadore, quellu chì l'hà rimpiazzatu ùn hà micca a prisenza è a classa di Chris...

Si face chì dopu dui primi dischi d'antulugia ch'è vo pudete sente custì :
http://www.deezer.com/fr/music/the-steeldrivers/the-steeldrivers-277304
http://www.deezer.com/fr/music/the-steeldrivers/reckless-644392 )
The Steeldrivers hè digià un gruppu miticu (omancu per mè risa

)

Eccu torna dui ligami per favvi vede ciò ch'ellu diventa u m'amicacciu Chris.

solu:

Midnight train to Memphis virsione rock

Eccu.

Messages : 2212 Date d'inscription : 27/02/2012

Nata in 1991 in Austin, Texas, "zitella prudigiu", Sarah Jarosz hè sicuramente, in lu paisaghju attuale di a Bluegrass, a giuvanotta dunata u più di a so generazione.

Multistrumentista - sona di mandulina, di banjo è di ghitara - , sà cantà è face e so canzone, un'artista cumpiita, via, una spezia di Norah Jones virsione bluegrass.

U so primu discu arrigistratu à l'età di 17 anni cuntene veri giuvelli cum'è:

Hà fattu ancu una canzona annant'à a Corsica: U lamentu di Broussard lol!

:

È cosa pinsà di u so sicondu discu è di canzone cum'è :

Eccu, avà s'aspetta cun brama u prossimu dischettu.

salutu2

Messages : 2212 Date d'inscription : 27/02/2012

Sò parechji i gruppi di bluegrass à ripiglià e canzone di i Beatles:

punch brothers:

beatlegrass:

Messages : 2212 Date d'inscription : 27/02/2012

Sara Watkins hè nata in 1981, dopu avè cuminciatu a so carriera bluegrass incù u gruppu Nickel Creek in cumpagnia di u so fratellu Sean Watkins è di u cantadore è mandulinista Chris Thile – quellu di i Punch Brother ch'è vo cunniscite s'è vo lighjite i mo missagi è in particulare quellu ghjustu sopra. lingua

Nickel Creek:

per principià dui pezzi strumintali per favvi vede tutta a maistria di sti giovani musicanti:

un pezzu tradiziunale :

è canzone più dolce:

Sara Watkins hà cacciatu ùn hè tantu u so sicondu discu, hè una zitella assai attalintata, sona di viulinu , canta benissimu, è scrive da per ella e so canzone, ciò chì li face in più di u genaru di voce è di musica tanti punti cumuni incù Sarah Jarosz .

questa quì a trovu magnifica:

À nutà annant’à un titulu di l'ultimu dischettu a prisenza di una guest di qualità Fiona Apple:

tinè vi ne mettu una di Fiona, una interpretazione trimenda di un standard After you've gone:

iè a sò ùn hè micca bluegrass ma i puristi ùn mi ne vularanu micca lingua