Cumu si dice ?

Circione a écrit:

O Slulù

Ind'è  noi si dice assai  sguasi


in altrò :  sguasgi /  guasgi / guasi / basi


cum'avaremu da fà? avaremu da dì  "prescu" per mette  à  tutti d'accordu?

a Lingua hè linda, simplice è corta, ùn'a s’allonga micca per nunda
parechje sferenze sò venute di u parlà di a ghjente è di a so manera di fà sunnà
e parulle : guasi, à spessu cambiatu in uasi, vuasi è basi
una verità conta, pigliata,ripigliata è ripetuta finisce sempre inchjaccata
sguasi s’arripicca à sente è ancu di più scrittu .
tuttu ognunu accunsente u dettu
« vestiti à gustu di l’altri, è manghja à gustu toiu »
ùn cuntate micca facc’ingolle una lingua mal vistuta !... quandu sentite altrò Latinu : quasi,Aragonesu : cuasi Asturianu: cuasi Catalanu : quasi, Spagnolu : casi Talianu : quasi.... tutti guasi latini!
Per mè sguasi ùn hè che guasi ghjustu è ‘smezu’ falsu per ùn avè à scumbatte cù... SQUASIMODO !

à quantu à 'PRESCA"...a mi sbuchju à l'enemicu !

Iè s'è tù voli o Lulù, ma u fattu si stà chì i mei anu sempre dettu Sguasi, allora ùn contu micca di cambià a mo manera di parlà per entre in la norma.

dopu u prublemu di a scrittura hè vera ch'ellu si pone

s'hè postu per mè quandu aghju pigliatu a dicisione di fà un libru.

pè u più cercu à scrive cum'e parlu

quistione di scrittura d'altronde ciò chì hè più o menu cunsigliatu hè quessa, si chjama a pulinumia. Hè ciò chì rege a scrittura di u corsu dipoi parechji anni.

quellu chì dice: cavallu scrive cavallu
quellu chì dice cavaddu scrive cavaddu

listessu affare pè sguasi / guasi /guasgi/basi
o pè tarra /terra
o ancu andarè anderai
ecc.

dopu hè vera chì in certi casi riflettu
è m'accade si sceglie a scrittura aduprata u più

cum'è per biancu, biotu ch'avaria forse da scrive ghjancu, ghjotu o partenu /partanu.
mettiti/mettati, ecc.




Ma n'emu digià parlatu di tuttu què o Lulù, è u fattu si stà chì per mè "sguasi" ùn stice (sdice?) micca, dettu o lettu ch'ellu sia.

Sì guasi bravu ! ma se tu sì sguasi bravu.....pover'à tè

TORTUE in corsu...

Eccu ciò ch'ellu ne dice INFCOR:

bizzuga, bizzua, bizua, bizula, vizuva, bizuva
francais : tortue
définition : lat.sc. Charax puntazzo. ZOOLUGIA. ICTIOLUGIA. Animale acquaticu o terrestru à collu assai duru è à capu di serpu. Bizuga o salpa sulla, o zulla.

cuperchiata
francais : tortue
définition : Altru nome di a cuppulata.- ZOOLUGIA. Rettile à corpu rinchjusu dentru à una chjoppula zeppa, da duve escenu capu, coda è zampe: ci sò e cuperchjate di terra, di fiumi, è di mare; certe cuperchjate misuranu più d’un metru è pesanu sin’à 300 chilò.

cuppulata, coppulata
francais : tortue
définition : ZOOLUGIA. Nome cumunu di i rettili cheloni, à corpu cortu rinchjusu dentru à una chjoppula zeppa da duve escenu capu, coda, è zampe: ci sò e cuppulate di terra, di fiumi, è di mare; certe cuppulate terrestre sò longhe più d’un metru è pesanu sin’à 300 chilò.

tartaruga
francais : tortue
définition : ZOOLUGIA. Nome cumunu di i rettili cheloni, à corpu rinchjusu dentru à una chjoppula zeppa da duve escenu capu, coda è zampe: ci sò e tartarughe di terra, di fiumi, è di mare; certe tartarughe terrestre sò longhe più d'un metru è pesanu sin'à 300 chilò.

tertuga
francais : tortue
définition : ZOOLUGIA. Nome cumunu di i rettili cheloni, à copru rinchjusu dentru à una chjoppula zeppa da duve escenu capu, coda, è zampe: ci sò e cuppulate di terra, di fiumi, è di mare; certe cuppulate terrestre sò longhe più d'un metru è pesanu sin'à 300 chilò.

testughjina, testughja, testuga, testughina
francais : tortue
définition : ZOOLUGIA. Nome cumunu di rettili cheloni, à corpu rinchjusu dentru à una chjoppula zeppa da duve escenu capu, coda, è zampe: ci sò e cuppulate di terra, di fiumi, è di mare; certe cuppulate terrestre sò longhe più d'un metru è pesanu sin'à 300 chilò.

vizua, vizula, vizura, vizzua, vizzuva, vizzula, vizzura
francais : tortue
définition : ZOOLUGIA. Nome cumunu di i rettili cheloni, à corpu cortu rinchjusu dentru à una chjoppula zeppa da duve escenu capu, coda, è zampe: ci sò e vizue di terra, di fiumi, è di mare; certe vizue terrestre sò longhe più d’un metru è pesanu sin’à 300 chilò.

Carlu Piroddi, In cor' di Cirnu