Sò andatu in Parigi a simana scorsa, facia un bellu pezzu chì ùn ci era più andatu è aghju vulsutu vede s'ellu si magnava sempre cusì bè ind'è Astier, unu di i risturanti chì mi piacenu u più quallà, locu predilettu di i mo viaghji parigini dipoi più di vinti anni. Hè una vechja insegna parigina chì hà sempre tinutu u listessu filu da u 1956 in quà: robba di qualità, cucina francese tradiziunale, prezzi altru cà ragiunevuli, una carta chì cambia sicondu l'astagione è i prudutti è una cantina è una carta di vini eccezziunale.
![Indirizzi boni 50584010](https://i.servimg.com/u/f78/11/63/19/96/50584010.jpg)
U locu hè abbastanza pupulare mancu appena "ghindatu" - un pensu micca ch'ella si possi dì ghindatu à u sensu figuratu
![geek](https://2img.net/i/fa/i/smiles/icon_geek.png)
- incù una clientella d'abituati, ghjente di u quartieru, bocchifini, amatori di vinu, è dinù qualchì turistu.
Dui sceffi à i furnelli, Cyril Boulet (ex Robuchon, Troisgros, Marc Meneau) è Nicolas Frezal (ex Ritz).
Si ci magna à bon pattu - dicu à bon pattu perchè s'e femu u paragone cù i stabilimenti corsi truvatemi puru un locu induv'è vo magnate qualcosa chì s'assumigli à què incù una intrata, un piattu è un dulciume per 26.50€ – à miziornu è 33 € à cena.
esempii d'intrate:
Suppa ghjalata di sparagi
![Indirizzi boni Img_5710](https://i.servimg.com/u/f78/11/63/19/96/img_5710.jpg)
Sfugliatu di lumache
![Indirizzi boni Img_5711](https://i.servimg.com/u/f78/11/63/19/96/img_5711.jpg)
Animella d'agnellu
1 incù u so suchju di carne.
Esempii di piatti:
Spinu di merluzzu nant'à un lettu di spinaci è i so musculi
2![Indirizzi boni Img_5611](https://i.servimg.com/u/f78/11/63/19/96/img_5611.jpg)
Gambari incù palpina
3 di pomi è fave
![Indirizzi boni Img_5812](https://i.servimg.com/u/f78/11/63/19/96/img_5812.jpg)
Cazzarola pullina, maccaroni è ghjallistorzi
![Indirizzi boni Img_5612](https://i.servimg.com/u/f78/11/63/19/96/img_5612.jpg)
Costa di purchettu, pulindina è ghjete. (un diliziu
![lingua](/users/3016/19/45/52/smiles/2687919445.gif)
)
![Indirizzi boni Img_5813](https://i.servimg.com/u/f78/11/63/19/96/img_5813.jpg)
Fecatu di vitella à l'uva (una maraviglia
![lingua](/users/3016/19/45/52/smiles/2687919445.gif)
)
Esempii di dulciumi:
Pera "bella Lena"
![Indirizzi boni Img_5815](https://i.servimg.com/u/f78/11/63/19/96/img_5815.jpg)
"Pane persu" fragule è mele
![Indirizzi boni Img_5712](https://i.servimg.com/u/f78/11/63/19/96/img_5712.jpg)
Babà à u rumbu (un maccellu
4 ![lingua](/users/3016/19/45/52/smiles/2687919445.gif)
)
![Indirizzi boni Img_5816](https://i.servimg.com/u/f78/11/63/19/96/img_5816.jpg)
Ananassu arrustitu è meringa taliana ( no comment
![lingua](/users/3016/19/45/52/smiles/2687919445.gif)
)
![Indirizzi boni Img_5818](https://i.servimg.com/u/f78/11/63/19/96/img_5818.jpg)
Eccu piantu quì ma ci hè torna assai scelta
Allora mi dicarete ch'è vo ùn vidite micca u raportu cù a cucina corsa ecc. ecc.
![Indirizzi boni 1390006889](/users/3016/19/45/52/smiles/1390006889.gif)
hè vera , mi diciarete dinù chì s'aghju apartu sta rubrica hè soprattuttu per favvi biscà, quessa dinù hè vera
![lingua](/users/3016/19/45/52/smiles/2687919445.gif)
, ma micca solu, l'idea hè di fà scopre un locu induv'ellu si magna bè è micca troppu caru, s'è vo ne cunniscite saria bè di falli scopre quì ch'elli sianu in Corsica o micca, à dilla franca in Corsica dimula cum'ella hè hè difficiule di magnà bè pè 30 € (intrata, piattu è dulciume) ma s'è vo truvate u paragone d'Astier in Corsica, ci andaraghju à u più prestu.
1 ris d'agneau
2 s'è vo site di a generazione di Popeye dumandarete à Petra Alta ch'ella mi dia un puntu
3 Cumu a chjamate voi a purée in corsu?
4 une tuerie ( Petra un antru puntu per piacè
)