Sujet: U marcatu di u SCB 2013-2014 Sam 29 Juin - 17:42
Hè un piacè di vede affaccà – o piuttostu vultà – à François Modesto, ghjucadore di classa è cù assai spirienza, è si sà chì in difesa a spirienza hè a virtù chì ci vole, Landreau ci ne dede a prova annu.
Modesto rientre è Modeste riparte, allora cursizazione di l'impiechi? scrittura tuscanizata di i patronimi? ùn si sà, ma bisogna à salutà stu ghjucadore spessu criticatu à tortu annu – l'attaccanti sò sempre sposti à e critiche – è chì à mè m'hè piaciutu assai, micca solu pè e so quindeci rializazione ma dinù pè u so ingagiamentu è a so rigularità. Modeste ùn hè micca di quelli chì marchjanu tuttu u macciu aspittendu ch'ellu li ghjunghi u ballò inde i pedi per marcà. Modeste si battia, difindia, participava à u ghjocu è pisava annant'à e difese. Allora iè a sapiamu ch'ellu avia da parte, era privista, ma quantunque, mi pare ch'ellu ùn s'hè micca parlatu abbastanza di stu ghjucadore chì à purtatu tantu à u Sporting è hà da mancà, cum'elli anu da mancà Rothen è Thauvin in lu dispusitivu uffensivu di i Bastiacci.
Avà aspittemu di vede à quale elli anu da fà vene per rimpiazzallu à u so postu...
intantu è più cà mai:
Dernière édition par Circione le Ven 13 Juin - 14:04, édité 1 fois
Sumenta
Messages : 2052 Date d'inscription : 25/02/2012
Sujet: Re: U marcatu di u SCB 2013-2014 Sam 29 Juin - 21:33
Landreau in Bastia torna quist'annu!!! Eccu una bella nutizia
Circione
Messages : 2212 Date d'inscription : 27/02/2012
Sujet: Re: U marcatu di u SCB 2013-2014 Lun 1 Juil - 23:08
l'altri ghjucadori novi :
Drissa Diakité, un mizanu di 24 anni, internaziunale malianu – dunque un cumpatriottu di Sambou Yatabaré – hà ghjucatu in Nizza, ci vene anch'ellu cum'è Modesto di l'Olympiakos.
Claudiu Keserü, un attaccante rumenu di 26 anni, hà ghjucatu parechji anni in L1 cù Nantes, ci vene d'Angers induv'ellu hà marcatu 17 volte annu in L2.
Florian Raspentino, un antru attaccante di 24 anni, impristatu da l'OM chì hà ghjucatu anch'ellu à Nantes.
ùn bastarà forse micca per rimpiazzà u trio Rothen, Thauvin, Modeste... infine, vidaremu, eppo' ci hè dinù Ilan chì ghjucarà forse appena di più quist'annu – ciò chì à dilla franca ùn mi dispiaciaria micca.
Ghjuvan Filici
Messages : 194 Date d'inscription : 25/02/2012
Sujet: Re: U marcatu di u SCB 2013-2014 Lun 1 Juil - 23:58
Parlaiani dinò di Squilacci in difesa, ma bò, sò dui anni ch'ùn ghjoca più à Arsenal...
Circione
Messages : 2212 Date d'inscription : 27/02/2012
Sujet: Re: U marcatu di u SCB 2013-2014 Mar 2 Juil - 12:35
Ancu assai ch'elli ùn sò micca quelli di u Giru di Francia chì facenu i cummenti di i macci annant'à Being
osinnò avariamu dirittu à Ceaucescu è Raspoutine invece di Keserü è Raspentino
O Petra Alta... mettami puru un puntu
innò dui postu chèi ci hè duie cacciate
Circione
Messages : 2212 Date d'inscription : 27/02/2012
Sujet: Re: U marcatu di u SCB 2013-2014 Sam 6 Juil - 16:25
Gianni Bruno attaccante belgicu di 21 annu vene d'esse impristatu da Lille.
Marschall ellu si ne và.
ciò chì face per avà :
Spergu ch'ellu mi scusarà u Ghjudice d'avè messu dinù à Aiacciu, ma eranu ghjustu accantu allora...
Circione
Messages : 2212 Date d'inscription : 27/02/2012
Sujet: Re: U marcatu di u SCB 2013-2014 Mar 3 Sep - 10:40
Stavolta ùn mettu cà Bastia, ùn hè micca per fà piacè à u Ghjudice ma solu perchè à dilla franca ùn ci aghju mancu pinsatu à l'Aiaccini eppo' a palesu, mi ne battu i di l'ACA
Di lugliu era appena inchietu di vede parte à Rothen,Thauvin è Modeste
ma pensu chì Bastia hà fattu unu di i più belli marcati di liga 1 è à bon pattu
daretu, Squillacci s'hè digià impostu da veru patrone di a difesa, Modesto ùn starà tantu à imponesi dinù ellu, è ùn ci scurdemu micca di Landreau chì anch'ellu hè una pezza maestra di a nostra difesa.
Palmieri è Hareck eranu quelli chì ci vulia à tene, Hareck ancu s'ellu ùn ghjucarà tutti i macci ci rindarà i sirvizii quandu per rimpiazzà à Palmieri s'ellu ci mette torna dui calci cum'è quellu ch'ellu hà sciaccatu contr'à Tolosa quandu per rimpiazzà à Modesto o à Squilacci. Diakitè pensu ch'ellu pò purtà un più à diritta, hè un bellu ghjucadore, si batte è purtarà forse l'echilibriu chì mancava.
Dipoi a ripresa devu dì chì u più chì m'hà imprissiunatu incù Squillacci hè statu Romaric ancu sì un macciu - ma chì macciu! - hè appena cortu per ghjudicà hè in stu sittore quì ch'eramu appena debbuli annu. Ma a v'aghju detta, a paura ch'avia di lugliu era di vede parte u terzettu uffensivu Rothen/Thauvin/Modeste
Cù ciò ch'aghju vistu di Keserü per avà saria piuttostu uttimistu, hè un ghjucadore vivu chì porta assai à l'animazione di l'attacca, un bellu macciu dinù di Raspentino contr'à Tolosa è issu Bruno dinù, in un antru rigistru chì pò purtà anch'ellu. Ma ciò chì mi face dì chì u settore uffensivu ùn sarà micca un puntu debule quist'annu sò l'ultime duie signature di Milos Krasic "u figliolu di u ventu" è di Ryad Boudebouz è, quantunque a partanza di Yatabaré ci tinimu à Khazri, senza surdacci di Maoulida è di Ilan chì ùn sò micca n'importa quale.
trè filmetti per favvi vede a putenza di Romaric a tecnica d i boudebouz è a classa di Krasic:
Dunque o Ghjente più cà mai :
PS: u prima chì mi chjama Pierre Menez o Didier Roustan u smontu
Sumenta
Messages : 2052 Date d'inscription : 25/02/2012
Sujet: Re: U marcatu di u SCB 2013-2014 Mar 3 Sep - 11:04
À ringrazià ti o Didier Roustons per st'articulu assai cumplettu è obbiettivu
u ghjudice
Messages : 200 Date d'inscription : 26/02/2012
Sujet: Re: U marcatu di u SCB 2013-2014 Mar 3 Sep - 13:15
Circione a écrit:
PS: u prima chì mi chjama Pierre Menez o Didier Roustan u smontu
Eo trovu chè tù ai un'aria di Denis Balbir.
Circione
Messages : 2212 Date d'inscription : 27/02/2012
Sujet: Re: U marcatu di u SCB 2013-2014 Mar 3 Sep - 13:24
Tù o Saccomano faci megliu à facci u puntu annant'à u ricrutamentu di l'ACA
inquant'à Petra Menez - ch'ella sgia stinta - ch'ella ci parli piuttostu di l'ecchippa di Francia di e femine
Accueil 
