Salvemu i castagni!

una nuvella pagina facebook è un nuvellu situ nant'à l'avvene di i nostri castagni è ciò chì pudemu fà per salvà li di u cynips!

https://www.facebook.com/SalvemuICastagniSauvonsLesChataigniers

http://www.aocfarinedechataignecorse.com/salvemuicastagni/quisommesnous.html


ci hè assai à dì nant'à stu sugettu ma lasciu un spezialistu spiegà vi u periculu chì minaccia à Corsica...
(ti si ricunnisciutu o Tittolu?  )

intantu mettu st'articulu - in francese - trovu in u Petit Bastiais circhendu un antru articulu (lugliu 1917)

(prima parte: leghje e duie colonne)





(seconda parte)

petra alta a écrit:

una nuvella pagina facebook è un nuvellu situ nant'à l'avvene di i nostri castagni è ciò chì pudemu fà per salvà li di u cynips!

https://www.facebook.com/SalvemuICastagniSauvonsLesChataigniers

http://www.aocfarinedechataignecorse.com/salvemuicastagni/quisommesnous.html  

è statu trovu per a prima volta u cynips ancu quì une pochi di ghjorni fà , digià chi l'inchjostru secca u mezu castagnetu (in più di u cancaru ma chi ellu viaghja più pianu) à mumenti un ci fermerà più che l'occhji per pienghje nant'à cio ch'elli ci avianu lecatu i vecchji ..

u Corsica Sera d'eri ne hà parlatu

http://corse.france3.fr/emissions/jt-1920-corse-corsica-sera

Chì ne dice a CTC?

Tavule è tavuloni, sola speranza....

U cynips (Cinipide dicenu i taliani) hè una piccula vespa (2 mm) chì face e so ove indu l'ochji di i castagni. Ùn ci hè cà femine chì si multiplicheghjanu per partenogenesa, ponu fà à sin'à centu ove à l'annu. In dui o trè anni face calà e racolte d'ottanta per centu è pò ancu mette in periculu a vita di l'alburi tralasciati in casu di sicchia forte. Mezi di lotta capunanzu à a so ghjunta ùn ci n'hè, a sola manera di cumbattelu hè di cappià un antru mignoculu, u Torymus, chì pianu pianu (da 5 à 10 anni) hà da affrinà a so crescita.
U cynips hè un casticu per i pruduttori di castagne ma dinù per quelli di mele o di salumeria. Aldilà d'elli hè un veru risicu per tutta a Corsica di vede smarisce u castagnu è forse di cambià l'ambiente è u clima di l'isula. Hè per quessa ch'è no circhemu à assucià u più ghjente pussibule in u cumbattu contru à sta pesta. U scopu di a dimarchja di u Gruppamentu regiunale di i pruduttori hè di racoglie 50 000 eurò per pudè fà un centu di lintate di Torymus quist'annu chì vene. Avemu digià l'assicuranza di u sustegnu di parechje intraprese è avemu scrittu à tutte e municipalità tocche oghje (160 à pocu pressu). L'idea d'assucià u "populu corsu" ci pare impurtantissima. Aviamu pussutu circà solu e cullettività o l'intraprese, ma u fattu di cumunicà nant'à stu prublemu è fà sente à a ghjente u periculu chjamendula à participà à a salvezza di un alburu cusì prisente in a nostra storia, ci hè parsu un evidenza. Ognunu pò dà qualcosa è aiutà à st'opara tamanta. Sapendu chì ancu fendu quessa simu à l'entre d'una stonda pessima per u castagnu è ch'ella sarà difficiule di salvalli tutti. L'astre malatie cum'è l'inchjostru è u cancaru anu digià fattu assai disguasti. È ùn parlu mancu di l'abandonu chì v'aghju fattu piegne abbastanza per sta sera...

Date dunque s'è vo pudete ! È di sicuru fate dumande di precisione, e vi daraghju vulinteri.

À  ringraziatti  per ste pricizione  o Tittolu,  ma  à  dilla  franca  ùn  ci ampari nulla, tuttu què  a  sapemu. Quale chì  ùn   sà  micca  ciò ch'ella  hè  a partenogenesa* aiò? siamu  serii.  


Ghjustappuntu,  per  esse  serii è  postu  ch'è  tù ci nviti  à  dumantatti pricisione  eiu ti  ne vularia dumandà una : cumu  hè   ch'è vo v'indirizzate  à i particulari? Hè  una  scelta  "militante" per  dì chì  u  patrimoniu custituitu da i nostri castagneti ùn  tocca micca  à u Statu francese à salvallu – avaria da tuccà piuttostu à  quellu  genuvese  – è  chì i pulitichi  lucali essendu tutti una mansa di clientelisti, ùn  vulete micca cascà  inde  sta intrappula?

O  hè  solu una suluzione B dopu  à un ricusu di u  Statu è di i puliticanti corsi?



À titulu parsunale  ciò chì  m'interessa hè  di sapè cumu si  ghjugne  à dumandà una  sottuscrizzione à  i Corsi  per 50 000 €  – una miseria quandu  si sà chì u  Giru di Francia hà custatu 4 milioni à  a CTC –  per  un prublema cum'è questu  quì chì cum'è  tù a dici un tocca micca solu i pruduttori di  pistuccina.


infine -vengu  di truvà  què annant'à u net:

http://www.fruits-et-legumes.net/revue_en_ligne/infos_ctifl/infospdf/infos%20282/282p31-35.pdf



à chì ne simu di  i prugetti Ecophyto  è   Casdar?





*

INFCOR a écrit:

Partenogenesa, partenogenesi:  

etimulugia: da u grecu partusis è l'inglese genesis

definizione: partusa maiò di parsone o  d'animali tutte (i)   di listessu  sessu, di preferenze  femine incù in  fondu  musicale misunderstanding   di Genesis.

A più  grande  usservazione  di partenogenesi  fù  fatta incù viole -tutte femine-  in cima  à u San Parteu da l'entomologistu Matteu Mattei:

Hè una scelta per parechje ragione. Prima, u statu ùn farà nulla per aiutà à salvà u castagnu nè quì nè astrò in Francia. Parlanu ancu di caccià u cynips di a lista di e peste priuritarie… L’agricultura francese hè cummandata da a FNSEA è i pruduttori di biade chì si n’impippanu pocu male di i picculi cum’è noi.

Dopu, ci vole à sapè chì a CTC è i dui cunsiglii generali si sò ingagiati per 4,5 miglioni d’eurò nant’à 6 anni per mantene puliti i castagneti sfruttati oghje. Hè a sola manera di sperà torna una pruduzzione quandu sarà passata a timpesta chì principia. Quale hè chì pò intrattene un locu ch’ùn li raporta nulla durante parechji anni ?

A terza ragione hè chì avemu pinsatu chì a ghjente in Corsica saria interressata da a salvezza di u nostru patrimoniu cumunu. Sapendu chì in tantu cà prufeziunali, c’imprimuremu prima di quelli chì campanu di quessa. Ma u castagnu hè in periculu è micca solu duve e castagne sò colte, imaginate appena a Castagniccia chì ùn rispira più…

À mè mi pare una bella idea ch’è no siamu noi à moveci per stu tamantu scopu.

Iè, hè forse un bellu simbulu di cuntà annant'à "u populu corsu" per un affare cusì ma ferma quantunque chì quand'è tù vedi tutti i soldi spulati tantu da u statu cà da e cullitività hè difficiule à ingolle.

è pè e viole ùn femu nulla?

Ùn parlu micca di simbuli, hè una stonda ch'o l'aghju rimessi in fondu à u scagnu... Parlu di a realità di stu "populu corsu" ch'è n'avemu pocu l'occasione di vede. Sicura ch'o i vecu anch'eiu i soldi lampati à ghjittera per tante pazzie ch'ùn ghjovanu à nulla, ch'ella hè sempre a povara ghjente à dà per cause ch'avarianu da esse chjappe in carica da u statu ma ùn possu impediscemi di pinsà chì l'idea hè bona per u castagnu è ancu per quellu "populu corsu"...

http://www.sc-bastia.net/v4/?p=23962

guardate puru a prima video!    
u Sporting è i riprisentanti di u "Groupement Régional des Producteurs et Transformateurs de Châtaignes et Marrons de Corse" sò tremendi!

 

qualchi nutizia cuncernendu "salvemu i castagni":

prima una serata culturale in Pedicroce u 19 d'aprile.
vi mettu l'affissu:




un articulu nant'à a lotta contr'à u cynips è l'impiegu di u torymus

http://www.corsenetinfos.fr/Chataigneraie-470-lachers-de-Torymus-pour-lutter-contre-le-le-Cynips-_a8607.html



L'azzione per quist'annu