Ne mettu una anch'eiu, messa in rime da "U Sampetracciu" (Ghjannettu Notini).
Negoziu
Minutu, un bellu ghjornu, rientrava
Cù u so sumerellu senza ambastu.
Povera bestia! ogni costa affaccava!
Un corbu n'averebbe fattu un pastu.
Un zerbinottu, credendusi fine,
S'avvicinò è, tucchighjendu l'ossu
Apparente di e coste sumerine:
— O amicu, quantu i chjarchji? mi n'accorre,
Per chjarchjà a mio botte una duzina;
Dateli quì i mi portu in cantina,
Sò ghjusti di misura, ùn facciu errore!
Minutu seriu: "Sì... ci... accurderemu...
Ma ùn facciu prezzi in piazza à un furesteru!"
È pisendu a coda à u sumere:
"Entri in buttega chì neguziaremu!"
Accueil 
