ISULA
Vous souhaitez réagir à ce message ? Créez un compte en quelques clics ou connectez-vous pour continuer.


Lingua è cultura corsa
 
AccueilAccueil  RechercherRechercher  S'enregistrerS'enregistrer  ConnexionConnexion  
Le Deal du moment : -40%
40% de remise sur les Nike Air Max 90 FlyEase
Voir le deal
83.97 €

 

 Isula

Aller en bas 
AuteurMessage
Sumenta

Sumenta

Messages : 2052
Date d'inscription : 25/02/2012

Isula      Empty
MessageSujet: Isula    Isula      EmptyDim 4 Mar - 14:56

Isula      Img_5410

Isula citadella


Sè celu carcu di stelle
Chì l’altri paesi ùn anu
Ghjunte l’albe cusì belle
Smariscenu pianu pianu
È tornanu rundinelle
Quandu vene u viranu

Sè a tarra ch’e laboru
E mio lenze suminate
Sè u paese ch’e adoru
I mio lochi e mio cuntrate
Di tè torna m’innamoru
Quand’ella affacca l’estate

Sè fiume chì corri è salti
È fali da l’alte cime
Da i monti i più alti
In un buleghju di rime
È di prufumi ti carchi
Quandu vene u vaghjime

Sè a nostra tradizione
Sè u spechju di l’eternu
Chì l’altre generazione
Anu impastatu fraternu
A sera à u fucone
Quandu vinia l’inguernu

Sè muntagna chì s’accorda
Cun quelli tempi beati
Eppoi chì s’arricorda
Chì i mio antichi sò nati
À u pede di Baglia Orba
Monte Cintu è Cinque Frati

Sè l’isula citadella
Arradicata à u mare
A mio unica prichera
È e mio brame più care
Sè a mio più bella ghjesgia
U più splundurante altare

A mio Cursichella a mio Cursichella


Olivier Ancey







Isula      Img_4311



O tarra isula matre


O tarra isula matre,
M’arrembu à u to scogliu
Induve travu suchju
È l’amore ch’e cogliu
Hè mazzulu di speme,
Di filetta è di muchju,
Ch’e tengu forte in manu
O tarra isula matre.
È s’andessi luntanu
O s’e vinissi à more,
Partariamu inseme,
Perchè ti portu in core.

Vecu stantare arcane,
Sicrete citadelle
È torre inariulate,
Eterne bardiane
È mute sintinelle
Di e stonde impastate
È di guerre è di patti
O tarra isula matre.
O tarra isula matre,
M’arrembu à a to storia,
Da fà chì nimu smatti
A fiaccula mimoria.

O tarra isula matre,
L’orizonte spalanchi,
Quandu sfrisgendu l’onde,
U primu ragiu vene
À tuccà e to sponde
È m’arrembu à l’avvene
Chì nasce à i to fianchi
O tarra isula matre.
Digià l’alba pettina
U to celu chì s’apre ;
In un nominepatre
L’aria si culurisce…
Ma prima di smarisce,
Ti basgiarà e labre
U mio sonniu in pulvina.


Olivier Ancey

Isula      Img_9510









Isula      Img_6310


L’ISULA SOLA

O quantu vuleria scrive chì a mio storia hè di pace
Chì l’albori ch’aghju vistu si sò pisati sereni
Ma à empie a mio mente sò centu mila e strage
È di fiure sanguinose i mio ricordi sò pieni

Aghju vistu tantu volte u mio mondu piccià focu
Per una croce, un spechju o per un palmu di terra
Per una fede, un’idea, per u pusessu d’un locu
L’omi move e battaglie, l’omi dà si à a Guerra

Eiu sò l’isula sola
Locu di tanti sicreti
Un’isulella di fola
Musa di tanti pueti
Sò un’isula sulella
Mi chjamanu a più bella

Aghju vistu à l’orisonte ghjungne tanti battilloni
È i sullati à millaie calpighjà e mio marine
Aghju in core e vinice di ‘ssi tempi bughjiconi
È piengu à fiumi pieni e mio pene senza fine

Da sempre sò stata eiu ogettu di ogni imbliglia
Quella chì omu vulia cumprà, vende o cunquistà
Quella stella ch’in lu celu di più c’à l’altre spampiglia
È ch’ognunu vuleria di e so mani tuccà

Eiu sò l’isula sola
Locu di tanti sicreti
Un’isulella di fola
Musa di tanti pueti
Sò un’isula sulella
Mi chjamanu a più bella

Ma vogliu sperà e crede in un dumane sfarente
Sunnià di l’ore à vene cum’è di tant’allegrie
Vede e so albe chjare è di pace splendurente
Pisà si à l’infinita cum’è in le puesie

È vogliu dì à i mei, à i mio figlioli cari
In un cantu di sperenza, in un’ardente prighera
Di francà mi à l’ora mai di tanti ricordi amari
È di tene caru à mè di più c’à a mio bandera

Eiu sò l’isula sola
Locu di tanti sicreti
Un’isulella di fola
Musa di tanti pueti
Sò un’isula sulella
Mi chjamanu a più bella…

Jean Yves Acquaviva


Dernière édition par petra alta le Lun 5 Mar - 12:00, édité 6 fois
Revenir en haut Aller en bas
Circione

Circione

Messages : 2212
Date d'inscription : 27/02/2012

Isula      Empty
MessageSujet: Re: Isula    Isula      EmptyDim 4 Mar - 15:44

Isula      Img_7711


Isula idea

Isula idea di la mio alba
Rosula altea è la vitalba
Fiore chì sbuccia è chì ci chjama
Fiore chì s’apre è dà la brama
Isula

Isula radica di a mio vita
Rispiru d’una acqua salita
Basgiu lampatu da i zitelli
Basgiu cascatu da i battelli
Isula

Isula idea di u viaghju
Di l’odissea ch’eo feraghju
Mandile spartu di li mio sogni
Mandile crosciu ùn ti vergogni
Isula

Isula celu tintu di sole
Ancu quandi un nulu dole
Chì a frasca s’alza è ci balla
Cum’è un penseru di farfalla
Isula

Isula idea di li mio strazii
A voglia mea, mai ch’è tù sazii
Ochju abbagliulatu da u sole
Ochju calatu di ogni amore
Isula

Isula fata è mai morta
Cuscogliula chì u ventu porta
À u locu ascosu di u core
Duve u ricordu ùn pò mai more
Isula

Ghjacumu Fusina


_________________
Spunsurizatu  da l'UNESCO


Dernière édition par Circione le Lun 12 Mar - 18:42, édité 1 fois
Revenir en haut Aller en bas
Circione

Circione

Messages : 2212
Date d'inscription : 27/02/2012

Isula      Empty
MessageSujet: Re: Isula    Isula      EmptyDim 4 Mar - 17:09

Isula      Isula_10

_________________
Spunsurizatu  da l'UNESCO
Revenir en haut Aller en bas
Maria

Maria

Messages : 1264
Date d'inscription : 28/02/2012
Localisation : quassù

Isula      Empty
MessageSujet: Re: Isula    Isula      EmptyLun 29 Oct - 16:40

ISULA

Isula...
Per mè si lu viaghju
si quellu ch'io feraghju
quellu chì mi chjama
cun l'antica brama

Isula radica di la mio vita
terra persa in l'acqua salita
tanti venti da calmà
è marosuli à francà Isula...

Isula...
celu tintu di sole
terra incantata da e fole
tante ricchezze à salvà
u mio sognu da riccamà Isula...

Si un basgiu mandatu
battellu sbandunatu
ind'un mare di brama
cù l'eccu di a chjama Isula....


G.FUSINA

Isula      Images10
Revenir en haut Aller en bas
http://isulana.blogspot.com
Contenu sponsorisé




Isula      Empty
MessageSujet: Re: Isula    Isula      Empty

Revenir en haut Aller en bas
 
Isula
Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Puesia-
Sauter vers: