Stranu fruttu

STRANU FRUTTU

L'alburi di quì danu un fruttu di strana apparenza
Sangue nant'e so radiche, sangue in a frundulanza
Corpi negri mangananu in l'alitu di u Sudu
Strani frutti appesi à e rambelle di u piobbu

Imaghjina pasturale di u Sudu valentu
Un omu bocchitortu cun l'ochji di u spaventu
Dolce è frescu prufume di magnolià sbucciata
È l'odore impruvisu di a carne brusgiata

Quì ci hè un fruttu chì l'acellu pizzicherà
Chì a pioggia annacquerà, chì u ventu liccherà
Chì u sole infracicherà, chì l'arburu ferà cascà
Quì ci hè una racolta amara...



STRANGE FRUIT

Southern trees bear a strange fruit
Blood on the leaves and blood at the root
Black bodies swingin' in the Southern breeze
Strange fruit hangin' from the poplar trees

Pastoral scene of the gallant South
The bulgin' eyes and the twisted mouth
Scent of magnolias sweet and fresh
Then the sudden smell of burnin' flesh

Here is a fruit for the crows to pluck
For the rain to gather, for the wind to suck
For the sun to rot, for the tree to drop
Here is a strange and bitter crop.

 

Durante a prima metà di u 20u seculu, in i Stati di u sudu di l'America, i Negri eranu vittime di linciaghji (più di 5000 morti trà 1882 et 1968).
Mutilati, impiccati, staffilati o brusgiati davanti à una folla impassibile, u so unicu tortu era d'esse nati negri nantu à e terre di un'America razzista.
I corpi marturiati eranu cunsiderati cum'è troffei chì certi ritrattavanu per avè li in i so albumi persunali.



U linciaghju di Thomas Shipp è Abram Smith, 7 d'agostu di u 1930 in Marion, Indiana.

 

STRANGE FRUIT scrittu da Lewis Allan (1937) è cantatu da Billie Holiday hè un famosu requisitoriu (forse u più famosu) contru à st'orenda pratica.

Iè una bella manera di luttà contr'à u razzisimu, u peghju di l'affare hè chì tandu u razzisimu era qualcosa di "culturale" è di naturale.  

È per disgrazia ci n'hè sempre oghje per parlacci di a supremazia di l'omu biancu nantu à l'altri...

Ci era dinù Missisipi Burning d'Alan Parker chì era un bellu filmu annant'à u stu sugettu.