ISULA
Vous souhaitez réagir à ce message ? Créez un compte en quelques clics ou connectez-vous pour continuer.


Lingua è cultura corsa
 
AccueilAccueil  Dernières imagesDernières images  RechercherRechercher  S'enregistrerS'enregistrer  ConnexionConnexion  
Le Deal du moment : -20%
-20% sur le Lot de 2 écrans PC GIGABYTE ...
Voir le deal
429 €

 

 Johnny got his gun

Aller en bas 
3 participants
AuteurMessage
AnghjuluSantu

AnghjuluSantu


Messages : 1
Date d'inscription : 07/02/2014

Johnny got his gun Empty
MessageSujet: Johnny got his gun   Johnny got his gun EmptyVen 7 Fév - 17:44

Storia bella particulare pè "Johnny got his gun". Rumanzu trattendu di a Prima Guerra mundiale, publicatu à u principiu di a Siconda (1939), hè diventatu infine durante l'anni settanta u portabandera ideale pè tutti i muvimenti pacifisti è antimilitaristi mentre chì un terzu cunflittu, quellu di u Vietnam, scuzzulava torna l'America.
Sunniendu issu prugettu dapoi parechje annate, ghjè u so autore, Dalton Trumbo, unu di i tristamente famosi "Dece di Hollywood" maladetti da u maccarthysimu chì realizò l'adattazione di u so libru, cù l'aiutu d'un certu Luis Buñuel.


Johnny got his gun Johnny-got-his-gun


"Johnny got his gun" conta a storia d'un omu sfiguratu, senza bracci nè gambe, ridutu à u statu di tronculu dopu à un obus ricevutu pè isse trincee. Inchjudatu nant'à un lettu d'ospidale, incapace di parlà, diventatu ancu un legumu pè i so duttori unicamente primurosi di fà prugressà a scienza, Johnny ùn n’hà in fin'di contu di spressione ch'è a so voce interna empiendu u spettatore durante a maioparte di u filmu.
Cù quella voce interna, Trumbo svela e so immense facultà di cuntore, detagliendu cù una precisione d'orefice a lenta presa di cuscenza ch'eseguisce u so persunnagiu in raportu à a so infirmità. Una infirmità d’altronde mai esplicitata direttamente ; u cineastu à u cuntrariu, s’attacca à ùn mustrà ch'è e parte salvate, piattendu accuratamente à u sguardu e zone atrufizzate. In què, "Johnny got his gun" hè propiu un elogiu di u pudore, è sta spezia di pudore cinematugrafficu, tuccante è ammirabile, ùn face in fine ch'è rinfurzà a prufundezza psicologica di a so lente introspezzione, appurata è difficilmente sustenevule.
In un stridu d'addisperu, u cineastu parvene cù ritenuta à tesse un doppiu sguardu, ghjucatu agilmente nant'à i culori ; negru è biancu per e scene d'ospidale, culori per e scene d'antiguerra, quesse finiscendu ancu per tuccà rapidamente una visione ireale, fantasmata, ciuttendu u poveru Johnny in la cunfusione a più tutale. Imagine qualchì volte dissennate d’un passatu ingarbugliatu è sinuosu, altieramente incarnatu da Donald Sutherland in a pelle d’un Cristu accumpagnendu cù cinismu u macellu.
Surtitu face avà quaranta-trè anni, pudemu fà senza prublema a scumessa chì "Johnny got his gun" sippia esatament u listessu da quì à un mezu seculu ; a so putenza emuziunale ùn hà difatti di paru ch'è a so intempuralità, a so capacità scema à fà soie tutte l'eppiche, tutti i cunflitti.


Johnny got his gun Johnnygun-in3
Revenir en haut Aller en bas
Circione

Circione


Messages : 2212
Date d'inscription : 27/02/2012

Johnny got his gun Empty
MessageSujet: Re: Johnny got his gun   Johnny got his gun EmptyVen 7 Fév - 19:45

U titulu , l'affissu è soprattututu a storia ch'è tù conti mi dicenu qualcosa, l'aghju forse vistu tanti anni fà... ùn la sò.

In listessu tempu d'appreessu à ciò ch'è tù ci spiechi, un filmu cusì, pensu chì ancu per avellu vistu parechji anni fà deve marcà.




À ringraziatti per sta bella cronaca o Agnulu Sà... salutu2





Revenir en haut Aller en bas
Sumenta

Sumenta


Messages : 2052
Date d'inscription : 25/02/2012

Johnny got his gun Empty
MessageSujet: Re: Johnny got his gun   Johnny got his gun EmptyVen 7 Fév - 20:42

una cronica propiu interessante! cù un'atmusfera simile ùn mi stona manc'appena di ritruvà u nome di Buñuel.
 ditone 
Revenir en haut Aller en bas
Contenu sponsorisé





Johnny got his gun Empty
MessageSujet: Re: Johnny got his gun   Johnny got his gun Empty

Revenir en haut Aller en bas
 
Johnny got his gun
Revenir en haut 
Page 1 sur 1
 Sujets similaires
-
» Johnny Stecchino

Permission de ce forum:Vous ne pouvez pas répondre aux sujets dans ce forum
ISULA :: Per isse sponde è da mare in là... :: Cultura :: Sinemà-
Sauter vers: