Arte è robba di prima

Più sopra, in ‘lamentu di Marinella’ per risponde à Sperenza aghju mentuatu u ‘sechjale’
si cunosce a sechja, ma ùn sanu micca tutti ch’avia a so piazza in casa ?
in una nichja di u muru, à altura di pettu cu u so cochju di lama o di legnu per ch’ognunu possi beie .
cochju codiganciu per esse appicatu in un sechjale o puru à a sechja stessa

Cunfinatu à a scrittura ùn aghju arte à tuttu ma per quelli chi l’anu :
Buscateci una fotò d’un sechjale cù u so cochju ?

U primu chi spara hè u benvenutu !

Quellu chì spara più in furia chè a so ombra, per dà risposta à Sechja-Sperenza, hè sempre LÙLÙCKY LUKE !! 

[quote="Sperenza"]Quellu chì spara più in furia chè a so ombra, per dà risposta à Sechja-Sperenza, hè sempre LÙLÙCKY LUKE !! [/quote

Lùlù chi Look per sparà senza ferisce à nimu

ùn vi scurdate quantunque di a fotò di u sechjale !

Lùlù a écrit:

Sperenza a écrit:

Quellu chì spara più in furia chè a so ombra, per dà risposta à Sechja-Sperenza, hè sempre LÙLÙCKY LUKE !! 

Lùlù chi Look per sparà senza ferisce à nimu

ùn vi scurdate quantunque di a fotò di u sechjale !

sarebbe propiu curiosa (è cuntenta) di vede sta fottò!

petra alta a écrit:

Lùlù a écrit:

Sperenza a écrit:

Quellu chì spara più in furia chè a so ombra, per dà risposta à Sechja-Sperenza, hè sempre LÙLÙCKY LUKE !! 

Lùlù chi Look per sparà senza ferisce à nimu

ùn vi scurdate quantunque di a fotò di u sechjale !

sarebbe propiu curiosa (è cuntenta) di vede sta fottò!

 
Vaichi ! D’un tastu à l’altru, dà u privatu  à i fori qualcosa mi scrivu stu pocu !
Mi metteraghju torna in facenda per contàvila :
Per forza, à què i tempi, ci’eranu sechjali  quante calmini in tutte è case  
U più cho sò, sò quelli di e case di castagniccia ma u primu ch’aghju vistu m’hè stampatu à mente:  l’inguernu 73 /74 eramu collati in parechji artisgani ( m’eru tandu u cacani )à visità u casone di i Cipriani in piazza di Loretu per piglià seste,misure è fotos per u cartulare artisgianale .
ci’era più li tesori di robba in quella casa, chi dava pettu à u mare !
in una pezza à mezu muru ci’hè un sechjale cù a so sechja è u so cochju sechjale !
tal è quale ,pare che qualchissia vene di beie ,si capisce da per ellu, senza altru restu
I cochji sechjali s’assumiglianu à i pigliàfrutt,i manichi longhi codiganciu di lama o di legnu fatti à cochju o à coni mozzu  è quellu ch’avia un pò d’arte l’assestava à gustu soiu !
Aghju più le fotò è le videò in capu …. Qual’hè chi e mi caccia ?.. ?
Vi diceraghju cum’è u fungaghju chi ghjunghjia tricciulu di buletri è capi neri è chi dicia :
« Ci sò andà ! ma un a vi sò spiegà ! »
Fàtevi apre sta casa o fàtevi insegnà i sechjali per ‘ssi paesi, qualcosa buscherete sempre ....da ùn moresi ..bavùlu ?
 
Ps : nantu à : « ARTE è Robba di Prima . n’aghu un zanu colmu à contà
d'arriposami di e rime per un mezu tempu ( risposta à Circiò ‘ssu ghjornu :
cuntrastu trà tribbiu è sechja) ma forse seria megliu ch'ellu sia solu capu di capìtulu ?

Ritratti persunali ùn ne aghju   fidighjeraghju nantu à Tempi fà di Luccioni, qualcosa truveraghju...

Una bon'idea chè tù ai avutu o Lùlù !

Vengu di  fallu u  to sugettu di puesia  "faccende, arte  è  robba di prima " o Lulù

ma  sò puesie

s'è  tù  conti  di parlanne (micca in puesia) u megliu  hè  ch'è  tù  n'apri  un antru ch'è tù poi  chjamà listessu  "Faccende, arte  è  robba di prima" ma micca in la  sezzione  "puesia"



per  mè  a   so piazza saria  custì: https://isula.forumactif.com/f29-a-u-fucone

Circione a écrit:

Vengu di  fallu u  to sugettu di puesia  "faccende, arte  è  robba di prima " o Lulù

ma  sò puesie

s'è  tù  conti  di parlanne (micca in puesia) u megliu  hè  ch'è  tù  n'apri  un antru ch'è tù poi  chjamà listessu  "Faccende, arte  è  robba di prima" ma micca in la  sezzione  "puesia"



per  mè  a   so piazza saria  custì: https://isula.forumactif.com/f29-a-u-fucone

Ti ringraziu in aspettendu Posu è Pensu !

mi salutu listessu à Sperenza.. mi pare chi a so sechja pò fà una foto sopra locu chi tantu
Petra Alta ci conta..

Ùn hè micca una fottò ma un disegnu trovu à a pagina 559 di u libru di Petru Casanova, MOTTI.  

Sechjaghju hè forse più ghjustu ma mi pare chi sechjale hè più dolce è più casanu
è ancu, tuttu parlendu mi pare chi u sechjaghju ghjè quellu chi face e sechje ( spurtellaghju
pignulaghju) è u sechjale u locu per tene a o e sechje !

per a foto :fàte cum'aghju dettu

risposta à Petra Alta

PASTURISMU :

Ben ch’o sia ‘foristu’ per u pasturismu… so à bastanza ‘nentristu’ per mezu, in fatti
d’usi è di cultura per pruvà di dàvi’aiutu :
Di manera generale si pò dì che i pasculi pecurini è capruni so sferente per via di i stinti
d’ogni razza : Campi aperti è prati per e pecure, dà pughjaletti à cime di machja è scogli
per e capre,Cio chi vene à dì chi e pecure sò piaghjinche è e capre pughjalesche è muntagnole .
Da prima à oghje e cose hanu cambiatu : primu i reghjoni ( locu di pascura) eranu scarsi
chi c’era di più pastori e bande d’animale ch’ùn ci’era piazza per tutti è nascianu cuntrasti è lite
per avèli !
Per a Castagniccia duve i paesi eranu numerosi è populati ùn ci’era piazza per tutti
da quessa l’abriu di l’arte è di e techniche artisgianale pignulaghji, spurtellaghji,careghjaghji
per pudè campà in addoprendu a materia prima d’ogni locu .
Per compie l’introitu generale di u pasturismu ci vole aghjustà quantunque u fattu di :
Impiaghjera è Muntagnera dimezate trà pasculi d’auturnu, inguernu è veranu è quelli di statina
in muntagni è quessa valia per a maiò parte di pecure è capre di tandu .
A scelta di i pasculi ùn era faciule chi listessu ch’à u mulinu :
« u primu ghjuntu, u primu macina ! » è l’ultimi à sceglie s’accunciavanu di cio chi firmava !
I belli reghjoni larghi è dancii eranu ricerchi è si trasmettianu da parente à parente è da paesanu
à paesanu ( ch’ognunu difende i soii ) chi si sà chi terre belle. . ùn sò tutte .
Per e pecure prima ci vole tene à contu s’ellu ci hè l’acqua o nò chi ghje bellu è bonu di pasce
ma s’ell’ùn si pò beie….addiu !
per e capre chi viaghjanu assai, listessa, li ci vole un ghjargallu, un vaglinu, una surgente
chi si sparghje fora o qualchi fiumicellu.
(U più chi cercanu l’acqua sò e vacche ) avà ch’avemu l’acqua fighjemu i cuntorni :
Per u più a pecura pasce l’arba ma li piace dinò i tenerone è s’ell’hà di troppu à manghjà si ghjoca à sbuchjà l’alburetti !
Si dice «Capra à reghjone è pecur’à buccone » volesidì chi a pecura pasce megliu in i chjosi (o lenze)è si facenu passà di unu à l’altru ch’ell’ùn ci ne sia unu trapasciutu !
ùn li valenu micca i lochi troppu crosci (padule) chi si chjappanu a ‘zoppaghja’
E capre battenu tanti prati che poghjali di machja mezzana piu faciule che a machja alta li piacenu i tenerone è e frasche è ci s’appichjanu di tutte e manere à quatru zocculi nantu una forca o d’un scogliu à l’altru è sò tremende per sbuchjà l’alburetti .
u spartenu in fondu è rinculoni tiranu sin’à strappàlu à quatru metri d’altu !

Manghjatu hanu .. ma li ci vole agrotti è lochi à ventu per merezà è riumà à l’aria fresca
Un bellu boscu li cunvene tantu di ghjornu che di notte
a capra mereza per i scogli chi cerca sempre l’aria
Si dice chjostra per e pecure è mandria per e capre, per u megliu in locu asciuttu ma à a pecura li piace esse à ‘ochju di sole’ per cogliesi i primi rasgi !
Ogni pastore duve avè un locu per fà u so fenu è un pagliaghju per tenelu .
Tuttu què ùn so micca andatu à circàli in i libri è si ne pò cuntà altretanti ma dopu à què se vo ne sapete pocu ùn serà culpa mea !
In casu mai li pudete sempre cuntà u più bellu reghjone per fà pasce i lettore !

Avà mi tocca à palisà u veru : per mè ùn hè che virtuale, chi l’ultimu cavallu,sumere, porcu,vacca, pecura o capra ch’hà vistu à mè …ùn hè ancu à nasce !... !

Duie rime inceppate à a seguita di Pasturismu
 
Piu ch’ù pastore a natura
à ognunu ci’a pensatu
à l’agnellu frisgiulatu
u so pratu di virdura
à caprettu scavestratu
Machja cu l’arburatura
    « PASCURA »

Salute ! Aghju un dovere a fà è cercu una personna chi mi po spiegà cum´ellu si face u casgiu. A ringraziavvi

Lauras a écrit:

Salute ! Aghju un dovere a fà è cercu una personna chi mi po spiegà cum´ellu si face u casgiu. A ringraziavvi

SoS Isula foru !

Salut’ò Lauras !spergu chi u to duver’ùn hè per dumane !
Isula ti vene in aiutu è ùn sterai senza casgiu è ben ch’ùn sò ma statu pastore ti possu quantunque infattoghjà qualcosa :
Si munghjenu e pecure in u compulu è e capre in a mandria è se prima si pigliava a tinella ( di legnu cù una manechja) oghje adopranu tutti i stagnoni apposta
Si scola u latte incù una pezza è appena di filetta annantu per ch’elli s’arripichi pelu è mulizzu

Ci vole tene contu di a temperatura per caghjà u latte cù l’impresu misuratu per ch’ellu caghji pianu pianu in a caghjatoghja.
Si rompe u caghjatu è si lampa in e fattoghje chi sgottanu u seru nantu a scafa
Sgottate ch’elle sò si giranu è si ne mette duie in una per caccia un bellu casgiu
Riposa un tempu prima d’esse salitu, datu di manu tutt’in giru
Eccu, u to casgiu frescu hè fattu, prontu à esse scucinatu o manghjatu di frescu
Per stagionalu (invechjalu) si salisce di più è si tene in u casgile per dalli a manu di tantu in tantu !
Hai u to casgiu ! è eù ….aghju fattu u mo duvere !
Sò 11 ore è mezu :"à chi dorme ùn face casgiu " !.....!

Salute o Laura S.

Sia a benvinuta quì, ti mettu quì dui ducumenti ch'aghju fattu pè e scole prufiziunale.

Spergu ch'elli ti pudaranu aiutà.


U casgiu :



U brocciu :

A ringraziavvi a voi dui
Tuttu què mi ferà prò !

Una fiura o un disegnu valenu megliu ch’un dettu longu !
Brav’à tè ma hè veru ch’in fattu di pasturismu u lume vene à spessu da niulinchi !
L’hanu di nascita ! fighjate che Circione hè pastore di scolari
ma casgiu ùn ne caccia chi « à ch’aleva ùn face casgiu ! »

ci'hè statu un tempu a fiura d'intoitu d'un'usciu ( o una porta chi ci'eranu dinò quelle di nentru)

a technica simplice di l'usi di tandu era d'adduppià e tavule : di fronte e di spinu : in largu contra longhe o u cuntrariu
è inchjovate inseme per u più cu i chjovi ribattuti in u spinu

i chjovi stazzunati avianu una testa rettangulare è si ficcavanu nentru u legnu cù una punta di farru
per i chjovi industriali ci vole incciaccàli a testa tonda per ch'elli intrenu

ci'eranu fatte di tavule in largu o 'a spina di pesciu'
Se qualchissia hà una foto da pone, ghjè u benvenutu
per u più ùn avianu tilaghju, eranu cù e mappe di faru nantu un carcagnolu ficcatu in u muru
Quella di Circione avia i chjovi ribattuti di fronte ? cio chi si vede pocu !

arte è robba di prima in una risposta di Lulù à Circione

@Lùlù a écrit:

feghja u PS :
* PS*Cochja* ‘cochja pasturina’ spezialità niulinca di lattuca o di ghjinaparu zuccatu
L’ultimu cochjaghju era u vechju Sabiani di Casamaccioli !"
[/size]
CIRCIONE hà scrittu

O Lulù chì chjami ùn cuchjaghju? Unu chì ùn faria cà cochje o affari cusì? vVogliu dì un artigianu chì u so mistieru saria di zuccà cochje?

Una spezia di Guy Degrenne Corsu?


Cochjaghju detta à a corta per fammi capi puru s’ell’era più un sapèfà che un arte postu chi si chjama cusi per ‘mistieru’
Cochjaghju quante tù sì ‘Foraghju’ (cf mammaghju è donnaghju !)
Sabiani era pastore è facia cochje per ellu è per d’altri
A Corsicata mantenia u sapèfà di i vechji artisgiani è Sabiani facia u so tantu di cochje à l’annu puru s’ell’ùn si vendianu ! pianu pianu compre, so state spraperse
per u piacè di quelli chi l’hanu
l’aghju cunnisciutu ma à tempu che tù mi ritrovi u so nome , buscaci qualchi ritratti di ste cochje niulinche cù u manicu ricamatu in punta !
ùn ci’era micca cultelaghju in a Petra Zitambuli ma ci’hà datu a prima ‘Cultella PITTUTA’ chi ghjova di sesta à tutte quelle d’oghje !

di sti ‘Degrenne’ lucali …. « pigliattine ..appena !.. ! »