Sò assai cuntentu di pudè sparte cun voi stu tisoru di a nostra tradizione.
Hè un vechju arrigistramentu di 1956 incù una tribbiera cantata da babbu è figlioli : Filippu Maria Taddei dettu ziu Filippolu è dui di i so figlioli Marcu Auleriu è Anghjulu, trè gicanti di a paghjella è di u cantu nustrale.
Anghjulellu s'hè sempre vivu è canta sempre – n'emu fattu una l'altreri – hè sempre cusì passiunatu di paghjella è di puesia, cunnosce tanti è tanti cuncetti... Face parte di l'ultime legende vive di a paghjella. Face parte dinù di sti paghjillaghji aparti è generosi sempre primurosi di trasmette a so arte à i più giovani, un veru maestru. Fù sempre prisente è sempre prontu à cantà in tutte isse feste è isse fiere induve no ci ritruvavamu tutti parechji anni fà. Fù unu di quelli chì m'anu "avviatu" dipoi i mo primi passi di cantadore di paghjella. À ringraziallu d'avemmi datu u permessu di publicalle annant'à internet moltu più chì oghje sò parechji quelli chì anu i vechji fondi ma chì i si tenenu per elli, piatti in fondu à i so scagni quandu sparte è tramandà stu patrimoniu saria un duvere.
Aghju trascrittu e parolle e vi mettu quì :
Ziu Filippolu :
Tribbiatela o tribbiadori Lu frescu hè pè li signori I signori d’Alisgiani Tribbiatela o li fasgiani Tribbiatela in tondu in tondu Chì lu tribbiu pigli fondu !
Anghjulu Taddei :
Ch’ell’eviva i gran boi Chì tutte le sanu fà Elli ci aiutanu à rompe À ritrasge è suminà S’elli avianu le so mani Ci aiutavanu à spulà
Ziu Filippolu :
Tribbiatela tribbiulenti La paglia sin’à i denti Da i denti à e manselle L’aghja colma di grannelle
Marcu Auleriu Taddei :
I boi chì sò scurnati Tribbianu cum’è dannati È quelli chì anu le corne In l’aghja nun stanu à dorme
Ziu Filippolu :
O tribbiera eppo’ tribbiera Ch’o ne carchimu la fera Ch’ella sia una fera inglese Ci ne sia per un paese!
Eccu, vi mittaraghju a seguita – paghjelle è canti – pianu pianu.
Circione
Messages : 2212 Date d'inscription : 27/02/2012
Sujet: Paghjelle - U core manda suspiri Jeu 27 Fév - 15:32
Un antru giuvellu: a paghjella virtuosa di Marcu Auleriu Taddei
D'appressu à Anghjulu Taddei i bassi sò ellu, u fratellu Sgiosè è Carlu Defranchi.
In Terza Andria Ruggeri.
Enjoyate
Parolle magnifiche, a prima strufata hè cantata assai anc'oghje, a siconda ùn la cunniscia micca:
U core manda suspiri È l’ochji versanu larme D’isse ghjurnatacce triste N’aviamu da passà inseme Cosi ghjuste u Signore Ùn hà più curagiu à fanne
O chì ghjurnate scuntente O chì nuttate crudeli O chì simane d’affanni O chì mesi di penseri Chì si passa frà l’amanti Quand’elli ùn sò sinceri
Sumenta
Messages : 2052 Date d'inscription : 25/02/2012
Sujet: Re: Bustanicu 1956 Jeu 27 Fév - 17:11
ci ai rigalatu quì veri gioelli!
Circione
Messages : 2212 Date d'inscription : 27/02/2012
Sujet: Paghjelle - Quand'è tù ghjunghji in Marseglia Jeu 27 Fév - 18:41
A grazia di a siconda di paghjella d'Agnulellu, un versu magnificu.
Sempre in Bustanicu, sempre in 56.
(canzone di cuscritti)
Quand’è tù ghjunghji in marseglia À u forte à san Ghjuvanni Ti parleranu francese Ti cambieranu i panni Li ti mustreranu scritti O chéri Ii to trè anni
Appena ghjuntu quallane Mi manderai un filare È nantu ci scriverai La to traversata in mare O chéri di lu mio core Chì t’averà fattu male
Pratese
Messages : 3 Date d'inscription : 27/02/2014
Sujet: Re: Bustanicu 1956 Jeu 27 Fév - 20:55
Tanti ringrazzi pè 'sse meraviglie
Circione
Messages : 2212 Date d'inscription : 27/02/2012
Sujet: Re: Bustanicu 1956 Jeu 27 Fév - 21:19
Era scunsulatu di vede chì Youtube s'avia scamattatu a to paghjella cù Ghjallochju è Jean-Do in Fiera di Niolu
Sujet: Paghjelle - Quandu lu mese d’aprile Jeu 27 Fév - 22:55
Paghjelle (dumanda in matrimoniu) Bustanicu 1956, dopu i figlioli eccu a siconda di u babbu, Ziu Filippolu... un mitu di a Paghjella.
Quandu lu mese d’aprile Fattu aghju la mio dumanda Mi sò inclinatu à lu babbu À i fratelli è à a mamma La mio ghjinestra fiurita N’aghju da pate a brama
La mio ghjinestra fiurita Carca di fiori muscanti Ch’ella ùn soffri d’istatina Sempre ci vole ch’eo l’annacqui Di lacrime è di suspiri Di i più prufondi pienti
Pratese
Messages : 3 Date d'inscription : 27/02/2014
Sujet: Re: Bustanicu 1956 Ven 28 Fév - 21:30
Ghjallochju a écrit:
Circione a écrit:
Era scunsulatu di vede chì Youtube s'avia scamattatu a to paghjella cù Ghjallochju è Jean-Do in Fiera di Niolu
Accueil 
– hè sempre cusì passiunatu di paghjella è di puesia, cunnosce tanti è tanti cuncetti... Face parte di l'ultime legende vive di a paghjella. Face parte dinù di sti paghjillaghji aparti è generosi sempre primurosi di trasmette a so arte à i più giovani, un veru maestru. Fù sempre prisente è sempre prontu à cantà in tutte isse feste è isse fiere induve no ci ritruvavamu tutti parechji anni fà. Fù unu di quelli chì m'anu "avviatu" dipoi i mo primi passi di cantadore di paghjella. À ringraziallu d'avemmi datu u permessu di publicalle annant'à internet moltu più chì oghje sò parechji quelli chì anu i vechji fondi ma chì i si tenenu per elli, piatti in fondu à i so scagni quandu sparte è tramandà stu patrimoniu saria un duvere. 
? 
Felice d'esse cun voi amichi