Puesie per a festa di e mamme

Ne circhemu tutti l'anni,vi prupongu di fà una raccolta ...sarà cusì più facile à truvà...
   

iè o Michela, saria una bona idea di racoglie stu genaru di puesie, pensu chì e maestre ne anu unepoche innò?

bella idea! aghju da circà ciò ch'aghju!

Aghju pruvà di rilancià u sugettu postu chì l'ora s'avvicina...


Per dì « Mamma »

Basta per pudè dì « Mamma »
A appiccicà e labbre
Duie volte, eppo si chjama
U sole d’e nostre albe.



Ci sò lettere in « Mamma »
Quantu ci n’hè in « amore »
Quantu ci n’hè ind’è « brama »
Quantu ci n’hè ind’è « fiore »



Ci vole per scrive « Mamma »
« M » cumu ind’è « magia »
« A » perchè chì arricama
Di carezze a nostra via…
Qualchì « M » è qualchì « A »
Cum’è per scrive « amà ».




Tittò u 15 di maghju di u 2012.

Festa di e mamme





O mà t’aghju priparatu
Stu mazzulu culuritu
Ci aghju messu estru è fiatu
E un core infinitu
L’averai à u to latu
Ne serà u to invitu
Per un basgiu inzuccheratu
E per un basgiu salitu…