Elezzione auropee

Isula hè un situ cunsacratu à a lingua, è ùn s'agisce micca quì di fà prupaganda eletturale, ognunu hè libaru d'avè e so idee.
Ma bisogna à ricunnosce chì ancu s'elle ùn passiuneghjanu a ghjente quant'è l'altre elezzione, è micca solu in Corsica, st'elezzione sò assai impurtante.

Certi media francesi riducenu a impurtanza di st'elezzione à a riprisintazione pulitica à u livellu naziunale. A so sola primura hè quella di i partiti, è soprattuttu di sapè s'emu da assiste à una vittoria di u FN davanti à l'altri partiti u PS è L'UMP.


Pè un'elezzione cum'è quella ùn s'agisce micca di vutà un partitu puliticu, ùn li bastaranu micca e prisidenziale e ligislative è e municipale - è ancu, pè e municipale ùn si vota micca sempre u partitu, a saparanu in Bastia - à i pulitichi francesi?


Riduce l'elezzione à u solu paisaghju puliticu francese à mè mi pare una cunnaria senza nome, ma lascemu corre.

Hè un'elezzione impurtante è mi pare chì in certi duminii cum'è quellu di a difesa di a diversità, è in particulare di e lingue minuritarie, u parlamentu auropeu pò esse quellu chì farà ghjimbà a Francia.

Per un'Auropa chì pigli in contu tutta a so diversità, chì sia quella di i populi, è vistu l'impegnu è u travagliu di Francescu Alfonsi à favore di a ricunniscenza di a nostra lingua, mi pare chjara a scelta chì s'impone dumenica.

In tutti i casi per mè hè chjara.

quandu vecu a manera di fà di certi, quelli chì priparanu l'inviluppi mandati in casa nanz'à l'elezzione, mi dumandu ciò ch'ellu hà da accade...
in paese emu ricevutu parechje volte a listessa lista (FN è a diritta), ma micca quella d'Alfonsi...
  

S'aghju capitu bè certi picculi partiti ùn l'anu micca fatte fà e so liste.

Costa caru è ùn hè micca eculogicu, mi pare u casu di u gruppu d'Alfonsi.

Ricevu stamane una carta pustale di Pam       


rinchere un lindumane d'elezzione ...

Circione a écrit:

S'aghju  capitu  bè  certi picculi partiti ùn l'anu micca  fatte fà e so liste.

Costa  caru  è  ùn  hè micca eculogicu, mi pare  u casu di u  gruppu  d'Alfonsi.

Alfonsi c'era ma d'altri nò.
ci vulia à "telecaricà" in merria e liste nant'à a tela   
infine...ùn pensu micca chì ghjè què chì hà scambiatu i risultati.
certi anu decisu di fà passà u FN cum'è si a causa di tutti i prublemi eranu i stranieri...
i soli rispunsevuli in Corsica sò i pinzuti è i corsi stessi, quelli chì anu vindutu anima è terra, quelli chì anu sminticatu a lingua è a cultura...per fà u riassuntu: quelli chì sò diventati francesi...

ùn possu micca capisce cumu omu pò vutà un cunnacciu chì hà dettu chì a Corsica era à i francesi!
ma saranu sordi o cechi tutti quessi?

Sè annarbata perchè ùn ai micca ricivutu a to carta pustale di Jude Law   

Circione a écrit:

Sè  annarbata perchè  ùn  ai micca ricivutu a to carta pustale di Jude Law   

era nant'à una lista?