À BON PATTU !

ÒHIMÈ LA CORCIA !

U riacquistu ùn hà cunfine ? m’avegu chi ci’hè una cicc’americana Corsa
(u mo babbone dicia u cicciengoma) chi dice « mastucate corsu ! »
Da cunsiglià à i ‘meddia’è à tutti quelli chi chjamanu nantu a radio per fà cum’è
Cicerò è dilla più linda ! è forse per toccà l’aiutu à a vacca !
Zitelli mastucavamu u granu fin tantu ch’ellu diventi.. stinza ..ticciu !

Ghjente ricerche affachendu di Turchia sò scalate in Francia.. lisce lisce
S’ell’era statu un corsu solu, venendu di Corsica, averianu mandatu vinti parsone armati è tutti i MEDIA !... !

Attualità : RCFM hà festighjatu a so Instituzione in Citadella à paru à tutti i pulitichenti chi sò à pigione in i più belli lochi di u Casale !
M’hà fattu pensà à Napuleone chi avia chjamatu u Papa per incalfassi da di per ellu a curona d’Imperatore !
Cusi hanu fattu elli è si sò fatti serve a suppa da tutti quelli chi avianu qualcosa à vende, à nome di a cultura !
Dite a vostra hà tenutu u so livellu…. à pianu di u curtile ! è cacciati dui o trè hanu tutti marcatu u sette ! per u più i cantadori à u neru ch’ùn sò mancu dichjarati !
Unu di i ‘disanimatori’ hà dettu chi ghjera per dà un’imagina di a radio !
Fiura ùn averemu da fà prova ?
Oghje un altru hè ‘preocupatu per u Sud’ ? chì ùn ci’hè ‘penseru per u meziornu’ (l’antarticu ?)      
Rcfm : Radio corse FRANCS MAçONS !! avvedeci è tiremu l’usciu !
à BON PATTU ! …ci costa caru !

Runcate di Pallò !

E squadre d’Attila sò scalate per ste Francie per u campionatu d’Europa !
I ‘Djadisti di u pallò ùn hanu lacatu una à fà !
Eccu ghjente chi movenu di casa lachendu figlioli è travagliu per vene braganati  impapagallati è briachi di sumerismi per imbaruffassi cù i scrianzati di l’altre nazione ! …Ciarbelli maladi !
e‘FAN ZONE’ sò quesse chi hanu à fà l’Europa !
Un hè d’oghje chi simu sotta a tutella di u pallò è ùn si passa un ghjornu senza imbrogliu, scandalu morti è feriti in nome di u cromosomu in più per vene à cacà in u spazzatu cumunu !...cù a benedizzione di i puliticanti vistu chi quandu u populu s’acceca… ùn riflete micca per mormà !
Sò quessi chi hanu à fà l’interessu di i populi ?
Avemu à chi fà noi cù a Francia ch’ùn seguita mancu e lece di Brussellu à bon prò di e nostre libertà !  
(Fighjate chi noi a ‘Brusselosa’ l’emu avutu prima che tutti !)
Ùn aspettate l’avvene cù a speranza di u pallò !
Un contu fà una sucietà è una cultura cù quessa a ghjente !!!
22 milione per ‘l’or en blanc’ volesidì ‘platine’è micca Platini :
Ciarbelli maladi !
À quandu u NOBEL di u pallò ?....forse attempu à quellu di u Foru !

I bavuli di u Pallò :

campionatu di Pallò per u ‘purtacale’… a Francia si ferma à u càtaru !
baccalà purtuchese per a Francia !
sgonfia a buscica ….i puliticanti ùn si coglieranu un mèritu ch’ùn li tocca !

Fochi stellati sopra e manse di u lozzu ?

Fochi di u 14 di Lugliu ch’o chjamu eù i ‘fochi stellati’ !
Certi chi dicenu fochi d’artifici m’opponenu fochi di vampa o fochi avvampati !
Seria megliu di spende i soldi per aregulà l’imbrogliu di u lozzu à prò megliu di l’interessu generale !!
Tale e serate musicale, lacate quessi l’usi … à i privati !
In fattu di cultura ùn basta micca a cuofficialità di ‘e VIVE’ per sentesi corsu
è serve a suppa à i ‘mercanti di cannone’ !!