Si n'hè lettu talmente annant'à Internet è in particulare annant'à facebook chì à mè m'hà cacciatu a voglia di parlanne quì, troppu pulemiche, troppu billichisimu incù i famosi "Eiu ùn sò micca Charlie" chì vi spiecanu u so parcorsu parsunale, siccume sò grandi filosofi o parsunagi publichi chì u so avisu interessa à tutti. Ma, mi diciarete, hè dinù què a libertà di sprissione. Dunque lascemu corre. È ùn vi parlu mancu di quelli chì facianu irunia dicendu chì à a Francia li stava bè mentre chì i corpi di e vittime (omi è donne) eranu sempre caldi. Vargogna à elli.
Eiu ùn contu micca si sprimemi annant'à stu sugettu postu chì à u fondu l'affare hè bellu simplice o sè "Charlie" è t'inchini davanti à e vittime di isse strage, dinunziendune a barbaria è u fattu ch'ell'ùn hè micca accittevule di stinzà ghjente di Kalachnikov per duie scrivacciate o ùn sè micca "Charlie" è trovi chì i giurnalisti sò andati troppu luntanu è chì in fin di contu a s'anu cerca.
Quelli chì cercanu u pelu inde l'ovu sò quelli chì li piace à fassi vede d'altronde rimarcarete ch'elli ùn dicenu micca "sò charlie" ma " EIU sò Charlie" o "EIU ùn sò micca Charlie" dendu tutti quant'elli sò più impurtanza à a prima parolla cà à quill'altre...
Ma lascemu corre.
Ùn hè tempu di lite o di pulemiche ma solu di dolu di rispettu.
Ùn ne parlaraghju micca ma aghju pinsatu chì u più bellu umagiu ch'e li pudiamu fà à sta ghjente era d'apre un sugettu di Caricature – in lingua corsa ben'intesa:
https://isula.forumactif.com/t747-umagiu-a-charlie-hebdo
Accueil 
? permetti ch'o ne dubbiteghji .. 
: (si troppu bravu 
)