A LINGUA CORSA

Pè a mo prima visita nantu à stu foru, mi permettu di creà un sugettu novu, chì mi pare di primura: A LINGUA CORSA. È di fà vi leghje una puesia di e meie, ch'aghju scrittu quist'annu. Siate indulgenti è bona lettura.

U LAMENTU DI A LINGUA

O quanti corsi fieri m'anu avutu in bocca
Da paisani ghjurnatanti à i Signori di a Rocca
Ind'i vostri primi mughji à i più landani canti
Sò sempre stata dinù in u serinatu di l'amanti

Di quanti ciucci in veculu, aghju siccatu li pienti
E mo nanne e più dolce, sempre impruvisate à mente
O quante generazione m'anu dettu « lingua materna »
Pè disgrazia, senza adopru ùn possu esse eterna.

Di quanti scritti è canti ne sò u sugettu
Ùn vole dì, oghje, sò quantunque in catalettu
M'anu incatagnatu in a riserva sculara
Ùn sentimu più rutulà in carrughju, a filetta hè amara.

Di quanti pueti è parullaghji, sò stata la musa
Pè fà mi una literatura, chì oramai hè cunfusa
Di quante mosse naziunaliste, sò stata a bandera
« Lingua corsa obligatoria »: n'era cusì fiera.

In lu '70, rivendicazione per un insignamentu
Parechji anni dopu, mi ne ritrovu à fà un lamentu
Per ch'o campi è ch'o sia a vostra « lingua viva »
Ùn abbiate a vergogna di mè, ancu di manera affettiva.

Infine, leghjerete forse sti versi cù negazione
Ùn aspettu di voi nè cumpassione, nemancu reazzione
Dì mi piuttostu O corsu, perchè cusì prestu m'ai ricusatu
Puru, per mè, sì sempre statu u mo figliolu tant'amatu.

Antone Vingliucoti

à ringrazià ti per a to puesia


una antra puesia nant'à a lingua trova da Michela

Ùn vogliu esse pessimistu, ma pensu, ch'è no' sentimu l'ultimi spatansci d'una lingua à l'agunia (pè ciò chì tocca à l'orale)!!!

Lingua Corsa


O Corsi li mio fratelli

Chì venite da luntanu

Cun li vechji è li zitelli

In terrenu paisanu.

O corsi li mio fratelli

Chì venite da luntanu.



Ùn parlemu di i strangeri

Venuti per spassighjà

Ridenu di li sumeri

È di u nostru parlà.

Ùn parlemu....



Hè sacru u nostru parlatu

Lasciatu da li babboni

Ma oghje hè sfrancisatu

È perde li so galloni

Hè sacru....



Issu mischju corsu è francese

Ne diventa un insalata

In ogni cità è paese

A nostra lingua hè malata

Issu mischju.....



O li voceri di Matteu

È di Paulu Maria

Quellu di u banditu reu

Chì notte è ghjornu fughjia

O li voceri....



O le rime di ziu santu

ùn si ne pò fà più belle

In celu colla u so cantu

È splende cume le stelle

O le rime....



Lasciatu da li babboni

Hè sacru u nostru parlatu

Emmu fattu ghjuramentu

In finchè n'avemu fiatu

Da Bonifaziu à Barcaghju

U corsu serà salvatu.

In Cantu Nustrale,Ghjermana de Zerbi,Albiana.

"Cumposta da Beatrice Casale (1892-1978).Messa in musica da Ghjacumu Luciani nantu à un versu tradiziunale è pupularizata da u gruppu A Mannella,in l'anni 1960,si pò dì chì Lingua Corsa hè unu di i primi canti indiati nanzu ch'ella sbucci a rivindicazione culturale è pulitica in u cantu corsu versu u 1974."

orezza29 a écrit:

Ùn vogliu esse pessimistu, ma pensu, ch'è no' sentimu l'ultimi spatansci d'una lingua à l'agunia (pè ciò chì tocca à l'orale)!!!

sarà à lagunia hè vera ma ci hè sempre a vulintà d'agisce, a sperenza di pudè fà qualcosa, persone mosse da a passione...
cù a passione omu pò fà assai...

Hè vera, ete a ragiò !!!! In più di a "Petra", ete dinù a saviezza alta !!!!

orezza29 a écrit:

Hè vera, ete a ragiò !!!! In più di a "Petra", ete dinù a saviezza alta !!!!

a scimizia dinù

[[/img]

ùn la cunniscia micca è mi piace assai! à ringrazià ti

E duie puesie sò magnifiche. Quella racolta in "cantu nustrale", a cunniscia, ma quella di Fusina nò. Per mè, Fusina hè un pueta attalentatu assai è in quant'à prufessore, riescia à sparghje a so passione pè a lingua corsa. Veradimente un spechju !!!

Si ne po esse perdutu
Eiu vi dicu,
Guasgi tuttu.

Ma qualchissia andata
Si po esse
Ritruvata.

Anc'a libertà amata,
Dopu spare
Hè turnata.

Una lingua,ch'hè ferita
S'ella parte
Hè partita.