ISULA
Vous souhaitez réagir à ce message ? Créez un compte en quelques clics ou connectez-vous pour continuer.


Lingua è cultura corsa
 
AccueilAccueil  Dernières imagesDernières images  RechercherRechercher  S'enregistrerS'enregistrer  ConnexionConnexion  
-31%
Le deal à ne pas rater :
PNY – CS900 – SSD – 1 To – 2,5″
56.99 € 82.05 €
Voir le deal

 

 E chjave

Aller en bas 
2 participants
AuteurMessage
Circione

Circione


Messages : 2212
Date d'inscription : 27/02/2012

E  chjave                      Empty
MessageSujet: E chjave    E  chjave                      EmptySam 4 Avr - 16:16

Prupongu   à  quelli  chì volenu  di  mette quì  puesia  o prosa  incù  duie  o trè  spiicazione.


l'aviamu fatta  annant'à  Foru Corsu +


ripigliu l'idea  quì – postu  ch'ella  era meia.


Per principià vi mettu quì a puesia CARMINA è duie chjave:


Carmina


Carmina
Issa naturale smania
Chì a musa accumpagna,
Issa brama d’armunia.

Carmina
L’estru tradimintosu,
Duve s’apre u chjosu
Di a mio franasia.

Carmina
Incritta in la mio mente,
Di l’anima surgente,
Antaghju fantasia.

Carmina
L’incantesimu arcanu
Chì guida a mio manu
È l’antica magia.

Carmina
U filu chì si tesse
Duve si spanna l’esse,
Universale via.

Carmina,
Disciogli l’elegia,
Campa o puesia
Di mimoria latina,
Carmina.


U tema hè a funzione di a puesia, una prova di difinizione.
A metafora hè classica, hè quella di l’orde, di u filà è di u tesse.
Si ghjoca dinù annant’à a pulissemia di a parolla :

1 Carmina: carminà a lana = pittinalla (carder)
2 Carmina: parolla latina (plurale di carmen) chì significheghja attempu incantesimi, canti è puesie.

Prima strufata :

naturale smania , prununcià incù a sineresi: smagna micca smanìa(dieresi).
Quì si tratta di u naturale, di u bisognu di sfucassi, di a puesia chì sorge da per ella, sta spezia di scrittura automatica.

Siconda strufata :

L’estru tradimintosu (la verve, l’inspiration) : tradimintosu perchè quandu ci hè quandu micca, hè ellu u maestru, u pueta n’hè schiavu. Tradimintosu forse dinù perchè face dì certe cose chì u pueta vularia tace, o ch’ellu dice pè a puesia senza pinsalle, ecc.

Duve s’apre u chjosu
Quì dinù pulissemia : chjosu le jardin (secret), l’intimu di u puetu ch’ellu apre à u littore, ossimora : s’apre u chjosu.

Franasia: si righjugne a prima idea di a smania, puesia chì sorge, statu sicondu di quellu chì scrive.

Terza strufata :

Incritta (interstice, fente) a puesia hè scritta cù a mente, ma dinù cù l’anima, u core, a puesia hè a incritta chì permette à l’anima « surgente » di passà, chì a puesia nasce anzu in core.

A incritta si face antaghju è s’apre à a fantasia, u puetu si lascia purtà da u so estru apre torna u chjosu: l’antaghju ( spezia di callaghja, di cataru).

Quarta strufata:

L'attavisimu di a puesia, u donu, u famosu "si nasce pueti"
è dinù sta manu chì scrive sola cum'è guidata da una spezia di forza arcana

Quinta strufata:

U puetu canta l'umanu, canta l'esse, i sintimi, ecc.
Universalità di a puesia, qualsiasi a lingua di u puetu.

Ultima strufata :

Disciogli l’elegia, à puesia ùn hè morta, vulintà di u puetu di rompe incù a tradizione elegiaca di a puesia corsa tradiziunale, ma senza rompene u filu, senza perde a mimoria.

Mimoria latina (carmen)


Dernière édition par Circione le Dim 5 Avr - 18:24, édité 1 fois
Revenir en haut Aller en bas
Sumenta

Sumenta


Messages : 2052
Date d'inscription : 25/02/2012

E  chjave                      Empty
MessageSujet: Re: E chjave    E  chjave                      EmptyDim 5 Avr - 12:31

voli fà travaglià a ghjente per Pasqua? sega
Revenir en haut Aller en bas
 
E chjave
Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
ISULA :: Lingua viva :: Scola :: Maestri (e)-
Sauter vers: