U malmignattu

U malmignattu hè  un marmaruculu stranu, pare tuttu un furmiculone – d’altronde i Francesi u chjamanu "furmicula di villutu" – ma invece saria pittostu di a famiglia di  e  vespe.  
In Aregnu u chjamanu u ‘nafantatu, ma  in Niolu, Falasorma  è pò esse ancu in  astrò  u chjamanu u malmignattu. Avarà  sicuramente  altri  nomi.
À  mè  mi paria ch’elli  m’avissinu avirtitu e mo  vechje quand’era zitellu «  Ùn lu tuccà micca vè ! Dio mi ne guardi ! »  ma à dilla  franca  ùn  la sapia micca s’ell’era un  vechju ricordu  di  zitillina o  s’avia sunniatu. Eppo’ un  ghjornu, una dicina d’anni fà eccu  ch’e  ne sculineghju unu in Niolu – fù un  sullevu per mè di vede chì ùn  era micca mittò, na  a  vi  piattu micca   . Tandu postu  ch’era sicuru ch’ellu isistia aghju  fattu e  ricerche  annant’à internet  è  aghju finitu per identificallu.  Hè un imenotteru* di a  famiglia di i mutillidae.



Eccu un picculu  filmettu, si ci  vede  bè  u barbigliulu  è  s'è  vo tindite bè l'Arechje  u sintarete stridà – una spezia di "ccccrrrrrrriii ccrrrrriiii cccccrrrrri". Spergu  chèi  a SPA  ùn mi rumparà micca i    



L’avete capirossi ma dinù capineri. Inde u  filmettu dicu  ch’elli  sò forse  i masci  i capineri ma infatti innò,  d’appressu à ciò ch’aghju  lettu, di regula i masci  sò  aluti è  e femine micca. U culore di u  capu devesse un affare di spezia ùn la sò.



*Ordine di l'ape, e furmicule, e vespe...