Tino Rossi

Ùn sò mai  statu  un  fan  di  Tino

Vogliu dì  di  e so  canzone in  francese Marinella o Catalinetta bella tchi tchi

Ma  e  canzone  corse ch'ellu hà  cantatu  l' hà  cantate  propiu  bè.



Questa quì, una  di e più  belle  canzone  di stu  ripertoriu, " In casa  à mè " o  " la complainte corse" a  cantava  binissimu, in particulare in sta  virsione,  stratta  di " L'île d'amour" un  filmu di 1944,  ciò chì spieca  a pessima qualità  sunora, piccatu.  Osinnò custì ci hè tuttu : una billissima  canzona, una voce  piena, un versu lindu, a  grazia,  a classa, tuttu  ciò chì mi piace  in lu  cantu  nustrale.

In casa à mè (complainte corse)

In casa à mè nascì un bell'amore
In casa à mè  canta u russignolu
Ma sò dighjà culor di dolu
U russignolu ùn pò campà

In core à mè  canta una malacella
In core à mè  spiranza ùn ci n'hè più
Addiu o la me bella ghjuventù
Paese caru addiu à tè addiu

Comu lascià sti lochi tanti amati
Muntagne care è machjoni fiuriti
Duve sò l'acelli è li banditi
Cumpagni arditi persi per mè

Comu lasciatti o mari luminosu
in la to schiuma amara vogliu andà
Per batte i scogli senza mai chetà
Da tè mi vene amore è si ne và

Carulu Giovoni/Roger Antoine Lucchesi

un classicu U lamentu di u banditu

Parolle di Maistrale.