Surghjenti

Ùn ne scunveneraghju micca.

una canzona trimenda:

A lutta pupulari

Sentu pienghja u me paesu
Ma inertu ùn possu stà
Quandu u stintu porta u pesu
Mancu a pace pò campà
Sentu suffià lu rascesu
Chì in mè dici par ùn piegà
Quandu l'idea francesa
Ti custringhji à tribulà

"Fà chì a lutta pupulari
Si chjami rialità
È cù a lutta pupulari
A sintenza cascarà"

È issa luce ch'ùn s'hè mai spenta
M'hà svilatu a so vulintà
D'essa viva cum'è u tempu
Chì si chjama eternità
Com'è issu fossu chì s'hè fattu
Per pruvacci l'egualità
È incù a storia hè attrattu
Pà ch'eu pudessi chjamà

Fà chì a lutta pupulari
Diventi rialità
È incù a lutta pupulari
A sintenza cascarà

Quessi chì parlani d'amori
Vurianu veda cripà
I to fiddoli di cori
Par pudetti avvilinà
Tandu par chì a to Nazioni
Di u so populu ùn sia diserta
Scaccia a putenza ch'imponi
È per chjuda a so ferta

Fà chì a lutta pupulari
Sia custenti pà campà
È incù a lutta pupulari
A sintenza cascarà

U to lagnu cara Nazioni
Hè spartu in l'imensità
Corsu senti u rintronu
Mà sè tù u voli inghjurà
Sarè stuvu d'essa inumanu
Quandu a insulta t'agrancarà
Ma ùn aspittà d'essa vanu
Pà cunsenta à dichjarà

Femu a lutta pupulari
Par Nazioni eternità
È incù a lutta pupulari
A sintenza cascarà...

un'antra chì mi piace assai :



L'infernu Terranu

Sò solu u fratellu di i patriotti ghjusti
Di i vechji e di i zitelli di a natura è di a brusta
Di tutti l'inghjuliati sbagliati da l'umani
Po di ghjenti straziati da u casticu furdanu

Eiu sò lu fratellu di i criaturi santi
Nati in fosca matina chjamendu l'universu
Vogliu parlà di quelli tralasciati in un cantu
O quelli ch'ani persu è i mammi mai chjamatu

Eiu sò lu frateddu di u tintu paisanu
Chì si strappa u ciarbeddu d'inguernu fin'à branu
Chì vinci chè sudori è si vasta u sangu
Sapendu incù s'amori chì a so vita s'infanga

Eiu, Eiu sò u fratellu di l'umanu interu
Chì hà gudutu lu mali di l'infernu terranu
o Eiu per u mondu sanu vogliu scruchjà l'inghjustizia
Ma mi dumandu vanu induva sè ghjustizia?

È dapoi ch'e sò natu aghju vistu cristiani
Perdani sensu è fiatu per un megliu lindumani
Hè sempre u disgraziatu chì casca l'armi in manu
Cresci u campu sacratu è prufitta lu stranu

Tutti li patriotti volini fà intesa
Per fà ghjornu in issa notti campagnola è vrestesa
Difendu issa raghjoni è s'e ùn facciu uffesa
Sbandiscu i pratinsioni di u lacciu chì hè tesu

Per essa lu fratellu di ghjenti senza pani
Di tutti i puvarelli di quì è di luntanu
Per essa lu fratellu di ghjenti senza pani
Di tutti l'urfanelli di l'infernu terranu

Natali Valli


aghu scrittu ciò ch'e sintia, ùn sò tantu sicuru in particulare pè a nanzultima strufata.

a parolla vrestesa ùn la cunnoscu
aghju trovu "avresticu" annant'à u dizziunariu.

osinnò aghju messu e i finale ancu s'ellu dice pane, o male anannt'à a canzona
e doppie l l'aghju lasciate tale è quale

ùn la sò s'ellu parla cusì N.Valli, ùn pensu micca, sarà forse una spezia di mischiu à forza di batte cù i Fratelli Vincenti? almenu ch'ellu ùn sia cà ipercurrizzione à un'eplica chì annant'à i dischi u suttanacciu ùn era ancu accittatu ... Appena cum'è Cabrel chì canta "des milliers de roses" senza ò in Petite Marie, per fà piacè à i pruduttori parigini.

Vi mettu a virsione di 1983





Tù babbu in 18

Aviu cinqui anni
Ùn sapiu parchì
Pienghjia zia Ghjustina
Incù ziu Francè
È mamma m'hà dittu
Parcìi voli sapè
Sì ghjà troppu afflittu
S'e capiscu bè
Saparè più tardi
Parchì ziu Francè
Incù zia Ghjustina
Dicia seti trè

Tù babbu in 18, fratellu in 43
È oghji fiddolu, oghji tocca à tè...

In faccia à u caminu
Pienghjia ziu Francè
È zia Ghjustina
Dicia o Ghjasè
Parchì u scumpientu
Ùn s'hè presu à mè
Chì dà issu mumentu
Hè persu ogni bè
Sè oghji in ramentu
Ùn hè incù piacè
Hè solu chì sentu
Issi paroddi in mè...

Tù babbu in 18, fratellu in 43
È oghji fiddolu, oghji tocca à tè...

È tù paisolu
Quandu u mali ci hè
Porti u to dolu
L'addisperu in tè
Cum'è issi ziteddi
Ch'anu cum'è mè
Vistu vichjuleddi
Pienghja à ùn più pudè
Ma no' zia Ghjustina
Avemu par tè
In cori una spina
Ch'ùn si sà parchì...

Tù babbu in 18, fratellu in 43
È oghji fiddolu, oghji tocca à tè...
Tù babbu in 18, fratellu in 43
È oghji fiddolu, oghji induva sè...

Natale Valli

Un natali d'altrò


Una volta dinò in u celu stiddatu
Chjuccarà a ciccona in segnu d'alegria
Pà imparà à u mondu chì u bambinu hè natu
Purtendu cù a gioia, a grazia è l'armunia

I cari criaturi in un sonniu nucenti
À u dulci calori di u cippu di Natali
Aspittarani à veda cù un sguardu lucenti
Chì un magu li purtessi i più beddi rigali

A notti scurrarà in a casa serena
Tuttu sarà dulcezza, tuttu serà amori
Ma in un cantu di u mondu pà d'altri animi in pena
Ùn sarani chè guai, dolu è crepacori

Ripiddu
Forsa un ghjornu natali sarà segnu di paci
Forsa si pisarà un alba di spiranza
Forsa pudarà fà chì a guerra si taci
È chì u mondu sanu cunnosci a fratiddanza

Culà quanti urfaneddi fighjularani u celi
Nò par senta cantà chì u bambinu hè natu
Ma sè a morti ceca i cuprarà d'un veli
Cusì voli u distinu in issu locu dannatu !

I mughja di u cannonu sarani i so cumpagni
U cippu di natali una casa usciata
Una fitta di pani pà fà cissà i lagna
È pà un tintu avvena, una vita straziata

Culà quanti urfaneddi bramarani un surrisu
Quiddu di una mamma chì li staria à latu
È culà quantu sguardi ricircarani un visu
Oramai sparitu ma mai sminticatu"

Forse què v'hà da piace

http://pluzz.francetv.fr/videos/par_un_dettu_,cafe_parundettu_ajaccio_130217_923_17022013122909_F3.html

Hè surtitu dinù u discu di i Surghjenti!
15 canzone à scopre ...è ch'ùn aghju ancu intesu ma chì saranu sicuramente cum'è sempre un incantu! (si qualchissia ci pò dà u so parè ...)

Raghjunà (N. Valli / G. Canarelli)
L'ultimi (G. F. Terrazzoni / B. Susini)
Di sangu e d'oru (G. F. Terrazzoni / G. Canarelli)
Nimu (G. F. Terrazzoni / G. Canarelli)
Ch'emu fattu (G. F. Terrazzoni / G. Canarelli)
Era mea (G. F. Terrazzoni / G. Canarelli)
Pà te (N. Valli)
Un vidaremu piu (N. Valli / G. Canarelli)
C'hè tantu amori (N. Valli)
Lamentu di u cabulatu (L. Marcellesi / G. Canarelli)
I nuttati (N. Valli / G. Canarelli)
Tandu (N. Valli)
Cuscenza (G. Canarelli)
For' di strada (G. F. Terrazzoni / G. Canarelli)
Cantà un innu (N. Valli)