Veghja à u grataghju, 1977. INA

MAGNIFICU

« Unepochi di Corsi impinzutiti cercanu à sbarazzàssi di ‘ssa lingua è ‘ssa lingua si vindicheghja quantunque… »

Inde stu filmu, dighjà ch'ella si sente (l'altri ùn a sò ma eiu a sentu) una sfarenza di cultura trà l'anziani è a leva nova mi dumandu ciò ch'ella saria oghje, 40 anni dopu, s'ella si filmava una veghja (ancu sì oghje saria più una sirata cà una veghja (pudemu ancu pinsà à l'evoluzione di e fiere)) trà l'anziani d'oghje (a leva di tandu) è a rileva ?

Ùn emu po persu tuttu quantunque, veghje incù canti , vechji è giovani adduniti per sparte a listessa passione ci n'hè sempre qualchì una, ma hè vera chì una veghja cusì s'è tù a faci oghje in cù i listessi vechji, i listessi paghjillaghji ma ch'è tù metti giovani di u vintunesimu seculu, incù e so cuppe è i su tattuasgi, invece di stà à sente fole è paghjelle parechji si staranu soli incù u Samsung o l' iPhone in manu perchè si faranu cacà.

Eiu per sente una paghjella cusì partu ancu à pedi da Aregnu sinamente à Tagliu. Ma bon ùn sò micca un giovanu di u vintunesimu seculu .

Sicura ch'ùn emu persu tuttu è andaraghju più luntanu : trovu chì a perdita (certi diciaranu ch'ella hè stata un'evoluzione) hè stata più grande (pigliemu stu filmu di u 77) trà a ginerazione di l'anziani è quelli di u riacquistu cà ciò ch'ella saria ( s'ella si facia una veghja) trà l'anziani d'oghje (ex di u riacquistu) è a giuvintù (chì canta sicuramente, ùn parlu micca di quellu chì si n'impippa).

iè  vecu  anch'eiu l'affari cusì...
certi di  sta  generazione custì (nati in l'anni 40, 50 )  chì  avianu  i babbi è  e mamme  chì  strappavanu u  francese  mi  dumandu  cum'elli anu fattu  à esse impinzutiti à stu puntu.
A colpa sarà  sicuramente di u Statu  chì ùn  ci hà micca  accurdatu  a cuufficialità.

Circione a écrit:

A colpa sarà  sicuramente di u Statu  chì ùn  ci hà micca  accurdatu  a cuufficialità.

Biati à elli chì cusì pudemu cuntinuà à parlà francese !!