In mimoria di Rosa Sereni di i Caldani.
S’hè firmatu lu tempu accantu à la surghjenti
Ùn si senti più voci, hè sparita la ghjenti
S’hè svanitu lu sonniu fendu piazza à li pienti
È la machja silenziu ripidda u so cantu
Un ghjacaru furiosu abbaghja ogni tantu
Prisenza di a vita in stu biotu tamantu
A rosula sirena prufumaia lu branu
Arrichendu i sintori di un tempu luntanu
Balsamu di dulcezza per ogni cori umanu
L’onda hà corsu li vaddi, i piani di l’internu
Cuddendu si lu fiori à l’entra di l’invernu
U s’hà purtatu schiettu da l’immersu à l’eternu.
Francescu Ferrara
Rosa Sereni hè sparita di Nuvembre di u 1993 durante e fiumare ch’anu culpitu a Corsica suttana.
Francescu Ferrara, autore è pueta, hà participatu à u Riacquistu in u 1975 cum’è cantadore è cantore pulifonicu.
Hà publicatu una racolta di puesie in u 2013,
A fanga è l’oru, tradutta in francese è in inglese, da duve hè strattu
Da l’immersu à l’eternu.
Accueil 
