--Anfarte--

Eccu a puisia ch'aghju mandatu à u 20imu cuncorsu Lungoni. Hè vera ch'e l'avia mandata in suttanacciu da ingannà P.Leca è GM.Arrighi

À quellu omu chì gode e stonde cusì care
Di e merle chjirlendu e cantate giuiose
Senza pudè risponde à ste voce curiose
U ventu in u frundame calchì rimbeccu pare

Cum’è un celu immensu chì cutteghja u mare
Senza mai tuccà e so sponde graziose
Sempre mandi un’uchjata à e ninfe ritrose
Fendu ballà a luna annant’à l’onde pare

Quant’è lu sole porta u lume à i cristiani
Fascendu di carezze fureste è oceani
Porghji un ragiu di vita è d’amore dinù

Quant’è la musa rende a parolla à u mutu
È à l’innamurati sempre vene in aiutu
Canta à voce rivolta chì l’avvene sè tù

è ai vintu?

vai à circà annant'à u situ di Santa Teresa di Gallura sì tù a voli sapè

È fideghja ch'ùn sò micca vultatu da fammi ziricà, sì tù cuntinueghji cusì, mi ne vacu annant'à u foru d'Estrimmmei

un trovu nulla annant'à google
metti ùn ligame s'è tù sè troppu mudestu per dilla quì ch'è t'ai vintu.

Eiu a ti dicu franca, piuttostu more cà di traduce e mo puesie in suttanacciu per vince.

Di scrive in suttanacciu
L'affare ùn si deve teme
Chì quandu omu hè pueta
Tutte e lingue sò di l'emme
Ma di tutte u viculacciu
Hà fattu fiurì e so gemme

Ch'è tù sè statu premiatu
O Erbaghju avà a socu!
Anzora aghju fidiatu
Caru amicu u to blogu
U t'anu datu in Lungoni
Ma anch'eiu u ti docu

Chì Circione hè un pultrone
Tuttu u mondu a sapia
Cusì và nant'à me blogu
È quallà face a spia
Par ùn circà micca u premiu
Datu à a puisia

Bravu o Erbà! Un bellu sunettu !