ISULA
Vous souhaitez réagir à ce message ? Créez un compte en quelques clics ou connectez-vous pour continuer.


Lingua è cultura corsa
 
AccueilAccueil  Dernières imagesDernières images  RechercherRechercher  S'enregistrerS'enregistrer  ConnexionConnexion  
-56%
Le deal à ne pas rater :
Casque PC Sennheiser EPOS – GSP 300 BLUE
34.99 € 79.99 €
Voir le deal

 

 A rivolta paesana di u 1729

Aller en bas 
5 participants
AuteurMessage
Ruclinonu Solechjari

Ruclinonu Solechjari


Messages : 518
Date d'inscription : 27/02/2012
Localisation : Casinca

A rivolta paesana di u 1729 Empty
MessageSujet: A rivolta paesana di u 1729   A rivolta paesana di u 1729 EmptyJeu 8 Mar - 16:07

Tuttu principiò in u 1729, in u Boziu, sempiternu ribellu (ricurdatevi di Sambucucciu), in u paese di Bustanicu, duve un vechju cugnumatu Cardone avia ricusatu di pagà l’impositi, dettu di i Dui Seini, sempre di più inghjusti à un percettore genuvese.
Ùn bastava ch’e què per ch’e i so paesani venessinu à a so riscossa, lampendu fora i percettori. A mossa si sparghjì, à tal puntu chì, in pocu tempu, a maghjor parte di a Castagniccia diventessi ribella.
U guvernatore Felice Pinelli, una rubaccia nera chì odiava i Corsi assai di più ch’è i so predecessori, mandò allora u tenante Carbuccia, per assaltà i paesani rivultati, in Poghju di Tavagna, epicentru di a rivolta.
Quallà, Carbuccia fù scunfittu cun stuzia grazia à un certu Generale Pompiliani, chì avia fattu invinà i suldati genuvesi per scunghjurà a strage prevista. Pompiliani pigliò tandu u capu di l’insurezzione è pochi tempi dopu, s’impatruniscì di l’arsanale d’Aleria.

A mossa divintò sempre più pudente, è paesani, venuti di u Boziu, di sicuru, ma dinù di u Rustinu, di a Marana è di a Casinca, daretu à Pompiliani, ghjunsenu in Furiani duv’elli si stabillinu, per marchjà nant’à Bastia, sediu di u guvernatore genuvese Pinelli, è dinù di a maiorità di i burghesi, corsi o genuvesi. In Furiani, u 18 di ferraghju di u 1730, si ritruvonu cusì cinquemila omi armati per assaltà a cità di Bastia.

Mgr Saluzzo, u vescu di Mariana, fù tandu mandatu à scuntralli per pruvà di calmà u so ardore è a so rabbia accumulata da tanti seculi di suffrenza chì venia di schjattà d’un colpu, ancu s’ella ùn era ancu duvintata veramente rivuluziunaria è sicuramente micca indipendentista.
Mgr Saluzzo parlò à l’abboccu, chjamendu à a pace, ma in vanu. A risposta paesana fù ch’elli vulianu decemila arme, fin’à tandu pruibite da u guvernu genuvese, è ch’elli eranu pronti à marchjà nant’à Bastia per ottenenne.
U cleru tandu, ùn riescì ch’e à reduce u numaru d’arme riclamate da i ribelli, da dece milla à trè centu, ch’ellu era prontu à dàlli contr’à un ghjuramentu di fedeltà à Genuva.
U furbu Pinelli, ricevendu stu missaghju, priparava dighjà a so vindetta, è incaricò u vescu d’annuncià à i ribelli paesani ch’ùn riceverianu ne fucili ne danari – missaghju chì u vescu, impauritu da a riazzione di i paesani, ùn mandò micca, preferendu fughje a Corsica.

Tandu principionu i cumbatti. Pinelli fece tirà à u cannonu contr’à u poghju di Monserratu, duve s’eranu adduniti un gran numaru di ribelli, fendu assai morti è feriti, mentre ch’ellu arrulò di forza Corsi di Bastia, minaccenduli di castichi s’elli ùn andavanu à battesi contr’à i so fratelli di i paesi. A manuvra parse funziunà qualchì mumentu, chì i paesani ùn fecinu più nunda, finchè un paesanu di Castineta chjamessi à l’assaltu.

Tandu principiò l’assaltu di Bastia .

I paesani, pocu armati, ma assai numarosi, entronu in cità cù a forza di l’addisperu è a sperenza d’un avvene migliore per elli è i so zitelli. Malgradu a forza di i cannoni è di i fucili genuvesi, chì ne tumbedenu è ne feriscinu assai, elli perseguinu a so marchja in i carrughji bastiacci, pruvendu dinù, à cunvince i Corsi di Bastia di raghjunghjeli.
In lu frà tempu, a risposta si messe in piazza, è e barruffe diventonu più viulente. I ribelli paesani, resi accaniti, s’impatruninu di l’arme ch’elli avianu tantu bramatu, ma dinù di riserve di cibu, è di soldi. Parechji Bastiacci pruvonu à fughje in battellu. Bastia si ritruvò in vera situazione di guerra civila.

Puru ùn durò. À a fine di a ghjurnata di u 19 di ferraghju, ghjunse, inaspettatu, u vescu d’Aleria, Mgr Mari. Ellu riescì à fà accittà à u guvernore Pinelli un amnistia generale. D’un altru latu, riescì dinù à calmà i ribelli, adduniti versu u Cunventu Sant’Anghjulu, chì in magiurità, rivultonu in i so paesi u 20 di ferraghju, mentre chì unipochi, minuritarii, perseguinu l’assaltu.

I ribelli si ne riturnonu in paesi, ma u sintimu insurezziunale corsu era natu, è ùn si pudia più piantà. Malgradu a morte di Pompiliani in a battaglia, è malgradu chì tuttu ùn si fussi micca passatu cum’elli l’avianu vulsutu i paesani, a prova era stata fatta chì a forza di Genuva ùn era invincevule. U stintu corsu ùn si pudia più tace, è parechji Corsi, da i più umili à i più ricchi, avianu capitu chì qualcosa era natu ch’ùn si pudia più annegà, è ch’elli vulianu esseci. À pocu à pocu, a cuscenza d’una nazione s’era sviluppata, dapoi tanti seculi, è d’un colpu, paria quasi di vulè infine fàssi realità. A marchja nant’à Bastia, ch’ùn era prima chè una marchja di prutestu contr’à a rapacità di i percettori, avia permessu di fà schjattà tuttu. U scrittore anonimu, di a famosa canzona « A Palatina », l’avia capita. Cosa pinsà nant’à sta bella canzona anziana, scritta nant’à st’avenimenti, chè i scrive cusì bè, di manera cusì puetica, senza dimenticà a cuscenza naziunale corsa ? Ùn sò, ma u dibattu hè apertu.

A lotta ùn facia ch’e principià per cunduce à l’organisazione d’una nazione corsa ch’ùn era ancu nata, mancu in a mente di tutti. A ribellione diventò resistenza, a resistenza diventò guerra, è a guerra devia finalmente duvintà indipendenza
Revenir en haut Aller en bas
http://appuntamentu-corsu.forums-actifs.net
Dolod'Orezza

Dolod'Orezza


Messages : 26
Date d'inscription : 26/02/2012
Age : 54
Localisation : Bastia

A rivolta paesana di u 1729 Empty
MessageSujet: Re: A rivolta paesana di u 1729   A rivolta paesana di u 1729 EmptyJeu 8 Mar - 18:09

mipiace
Revenir en haut Aller en bas
Ruclinonu Solechjari

Ruclinonu Solechjari


Messages : 518
Date d'inscription : 27/02/2012
Localisation : Casinca

A rivolta paesana di u 1729 Empty
MessageSujet: Re: A rivolta paesana di u 1729   A rivolta paesana di u 1729 EmptyJeu 8 Mar - 18:21

Grazie.
Revenir en haut Aller en bas
http://appuntamentu-corsu.forums-actifs.net
Sumenta

Sumenta


Messages : 2052
Date d'inscription : 25/02/2012

A rivolta paesana di u 1729 Empty
MessageSujet: Re: A rivolta paesana di u 1729   A rivolta paesana di u 1729 EmptyVen 9 Mar - 12:41

Ci vole à sapè chì sta falata nant'à Bastia ùn s'hè micca fatta senza disguasti. Emu spessu in l'idea chì i patriotti corsi sò stati esemplarii. Studiendu a storia cum'è omu a deve fà, rimettendu i fatti in u so cuntestu, in a so epica, s'ampara chì per piglià Bastia anu ruvinatu e pieve di Lota, Brandu è Siscu. Anu attacatu u Capiscorsu sanu pigliendu l'arme in i depositi ma ancu ind'è i particulari... U prete Rostini aghjusta ancu: "dans cette incursion et surtout celle qui suivit l'honneur des femmes ne fut pas toujours respecté"

Revenir en haut Aller en bas
Ghjuvan Filici

Ghjuvan Filici


Messages : 194
Date d'inscription : 25/02/2012

A rivolta paesana di u 1729 Empty
MessageSujet: Re: A rivolta paesana di u 1729   A rivolta paesana di u 1729 EmptyVen 9 Mar - 12:59

petra alta a écrit:
Ci vole à sapè chì sta falata nant'à Bastia ùn s'hè micca fatta senza disguasti. Emu spessu in l'idea chì i patriotti corsi sò stati esemplarii. Studiendu a storia cum'è omu a deve fà, rimettendu i fatti in u so cuntestu, in a so epica, s'ampara chì per piglià Bastia anu ruvinatu e pieve di Lota, Brandu è Siscu. Anu attacatu u Capiscorsu sanu pigliendu l'arme in i depositi ma ancu ind'è i particulari... U prete Rostini aghjusta ancu: "dans cette incursion et surtout celle qui suivit l'honneur des femmes ne fut pas toujours respecté"


A rivuluzioni ùn hè micca una mirindella, dicia Arafat. :bom:
Revenir en haut Aller en bas
Sumenta

Sumenta


Messages : 2052
Date d'inscription : 25/02/2012

A rivolta paesana di u 1729 Empty
MessageSujet: Re: A rivolta paesana di u 1729   A rivolta paesana di u 1729 EmptyVen 9 Mar - 14:32

Ghjuvan Filici a écrit:
petra alta a écrit:
Ci vole à sapè chì sta falata nant'à Bastia ùn s'hè micca fatta senza disguasti. Emu spessu in l'idea chì i patriotti corsi sò stati esemplarii. Studiendu a storia cume omu a deve fà, rimettendu i fatti in u so cuntestu, in a so epica, s'ampara chì per piglià Bastia anu ruvinatu e pieve di Lota, Brandu è Siscu. Anu attacatu u Capiscorsu sanu pigliendu l'arme in i depositi ma ancu ind'è i particulari...U prete Rostini aghjusta ancu: "dans cette incursion et surtout celle qui suivit l'honneur des femmes ne fut pas toujours respecté"


A rivuluzioni ùn hè micca una mirindella, dicia Arafat. :bom:


Dopu à Aleria eranu 5000 omi nant'à e strade azzingati à a rivolta da l'inghjustizia è l'esasperazione, da a bruttalità di i genovesi è a curruzione. Pò fà nasce una revoluzione... Dopu à a reazzione di a Republica chì face brusgià parechji paesi saranu 10 000 à marchjà torna nant'à Bastia. 10000 ribelli ùn ponu esse 10000 tippi ben. C'era cum'è per tuttu l'interessu generale è u restu. A saperà Pasquale Paoli chì si misfidava guasi di più di i Corsi cà di i so nemichi :drunken:
Revenir en haut Aller en bas
Ruclinonu Solechjari

Ruclinonu Solechjari


Messages : 518
Date d'inscription : 27/02/2012
Localisation : Casinca

A rivolta paesana di u 1729 Empty
MessageSujet: Re: A rivolta paesana di u 1729   A rivolta paesana di u 1729 EmptyVen 9 Mar - 17:56

Tandu aghj'à risponde una cosa chì, s'ella era stata detta da n'importa quale ch'ùn seria micca statu corsu, l'averia pigliatu male : u prublemu maghjore di a Corsica, sò i Corsi.

Ma hè vera ch'e ci hè dinù statu u latu bughju di sta rivolta, è ùn devimu micca piattà. Ci hè statu u bè, ci hè statu u male, è forse ricunoscu chì u mio articulu manca un pocu d'oghjettività (è per quessa, aghju longu esitatu à mettellu), ma l'umanu hè cio ch'ellu hè, incù u so bene è u so male, cume a dica u vechju Zaratustrà. Sò in generale mentre l'abbenimentu viulente ch'e hè svelatu tuttu cio ch'e l'omu tene in ellu di bè è di male, incù e cunsequenze ch'e sapemu.
Ùn hè tantu gravu di tene in sè dinù a surghjente di u male. Cio chì hè assai più gravu hè d'ùn riesce à cuntrolàlla. Perchè l'omu bonu, ùn hè un omu senza male, ma un omu chì hà riescitu à cuntrolà u male chì hè in sè perch'ellu ùn si sprimessi micca per fà nasce u male.
Revenir en haut Aller en bas
http://appuntamentu-corsu.forums-actifs.net
SERRA

SERRA


Messages : 994
Date d'inscription : 25/02/2012

A rivolta paesana di u 1729 Empty
MessageSujet: Re: A rivolta paesana di u 1729   A rivolta paesana di u 1729 EmptyVen 9 Mar - 19:35

Ruclinonu Solechjari a écrit:

Ùn hè tantu gravu di tene in sè dinù a surghjente di u male. Cio chì hè assai più gravu hè d'ùn riesce à cuntrolàlla. Perchè l'omu bonu, ùn hè un omu senza male, ma un omu chì hà riescitu à cuntrolà u male chì hè in sè perch'ellu ùn si sprimessi micca per fà nasce u male.

O Ruclì si u nostru sabbiu cheers
per u restu aghju trovu à u cuntrariu di cio chi tu scrivie più sopra chi u t'articulu era oggettivu e chi si ghjuntu à parlà di sta rivolta d'una manera à bastanza "staccata" (e senza l'esaltazione ch'o t'aghju cunnisciutu qualchi volta .. serà l'età ? Wink )
Revenir en haut Aller en bas
Ruclinonu Solechjari

Ruclinonu Solechjari


Messages : 518
Date d'inscription : 27/02/2012
Localisation : Casinca

A rivolta paesana di u 1729 Empty
MessageSujet: Re: A rivolta paesana di u 1729   A rivolta paesana di u 1729 EmptySam 10 Mar - 8:57

Ghjallochju a écrit:
Ruclinonu Solechjari a écrit:

Ùn hè tantu gravu di tene in sè dinù a surghjente di u male. Cio chì hè assai più gravu hè d'ùn riesce à cuntrolàlla. Perchè l'omu bonu, ùn hè un omu senza male, ma un omu chì hà riescitu à cuntrolà u male chì hè in sè perch'ellu ùn si sprimessi micca per fà nasce u male.

O Ruclì si u nostru sabbiu cheers
per u restu aghju trovu à u cuntrariu di cio chi tu scrivie più sopra chi u t'articulu era oggettivu e chi si ghjuntu à parlà di sta rivolta d'una manera à bastanza "staccata" (e senza l'esaltazione ch'o t'aghju cunnisciutu qualchi volta .. serà l'età ? Wink )

Invechjendu, s'immaturisce è si capiscenu certe cose, chì tandu ùn si capiscianu, o allora d'una manera sfarente. Si perdenu certe illusione, è nant'à u mio casu, mi mettu à vergugnàmmi di certi scritti meii più anziani ch'ùn currispondenu più à a mio manera di pinsà.
Revenir en haut Aller en bas
http://appuntamentu-corsu.forums-actifs.net
SERRA

SERRA


Messages : 994
Date d'inscription : 25/02/2012

A rivolta paesana di u 1729 Empty
MessageSujet: Re: A rivolta paesana di u 1729   A rivolta paesana di u 1729 EmptySam 10 Mar - 11:06

o Rùclinò chi certi affari un currispondinu più à a to manera di pensà è affare normale ma un mi ricordu d'avè mai lettu da te cose chi t'averebbinu oghje da dà a vergogna (bon o allora ghjust'appena .. risa ), è solu chi nu a vita ci so e tappe .. e po avà t'aghj'à fà una cunfidenza (a so ch'hà da esse difficiule à crede Rolling Eyes ) , so statu giovanu dinò eo .. lacrime
Revenir en haut Aller en bas
Sumenta

Sumenta


Messages : 2052
Date d'inscription : 25/02/2012

A rivolta paesana di u 1729 Empty
MessageSujet: Re: A rivolta paesana di u 1729   A rivolta paesana di u 1729 EmptySam 10 Mar - 11:18

Ghjallochju a écrit:

O Ruclì si u nostru sabbiu cheers
per u restu aghju trovu à u cuntrariu di cio chi tu scrivie più sopra chi u t'articulu era oggettivu e chi si ghjuntu à parlà di sta rivolta d'una manera à bastanza "staccata" (e senza l'esaltazione ch'o t'aghju cunnisciutu qualchi volta .. serà l'età ? Wink )

mipiace
mi ci mettu anch'eiu risa
Revenir en haut Aller en bas
Ruclinonu Solechjari

Ruclinonu Solechjari


Messages : 518
Date d'inscription : 27/02/2012
Localisation : Casinca

A rivolta paesana di u 1729 Empty
MessageSujet: Re: A rivolta paesana di u 1729   A rivolta paesana di u 1729 EmptySam 10 Mar - 11:22

Ghjallochju a écrit:
o Rùclinò chi certi affari un currispondinu più à a to manera di pensà è affare normale ma un mi ricordu d'avè mai lettu da te cose chi t'averebbinu oghje da dà a vergogna (bon o allora ghjust'appena .. risa ), è solu chi nu a vita ci so e tappe .. e po avà t'aghj'à fà una cunfidenza (a so ch'hà da esse difficiule à crede Rolling Eyes ) , so statu giovanu dinò eo .. lacrime

Grazie per sta risposta è sta testimunianza di l'universalità di l'evoluzione di a mente (ben ch'e certi, ùn mi parenu mai immaturisce... ma hè un altru dibattu).
Certe volte, mi pare d'avè assai di più anni ch'e i mio 25 anni (ma què dinù, hè un altru dibattu).

Pensu ch'e simu parechji quì (forse ancu tutti), à tene rigretti è un sguardu duru nant'à u nostru passatu.
Revenir en haut Aller en bas
http://appuntamentu-corsu.forums-actifs.net
SERRA

SERRA


Messages : 994
Date d'inscription : 25/02/2012

A rivolta paesana di u 1729 Empty
MessageSujet: Re: A rivolta paesana di u 1729   A rivolta paesana di u 1729 EmptySam 10 Mar - 11:31

quandu e lode so meritate un ci vole micca à risparàlle evviva cheers geek basgiu eviva salutu2

u prussimu prugressu chi mi piacerebbe à ritrovà nu i to scritti : appena di cuerenza linguistica scemu .. (u parlà casinchese è bellu , no ❤ ?)
Revenir en haut Aller en bas
Ruclinonu Solechjari

Ruclinonu Solechjari


Messages : 518
Date d'inscription : 27/02/2012
Localisation : Casinca

A rivolta paesana di u 1729 Empty
MessageSujet: Re: A rivolta paesana di u 1729   A rivolta paesana di u 1729 EmptySam 10 Mar - 11:39

  1. Grazie.
  2. L'aghj'à pruvà.
Revenir en haut Aller en bas
http://appuntamentu-corsu.forums-actifs.net
Contenu sponsorisé





A rivolta paesana di u 1729 Empty
MessageSujet: Re: A rivolta paesana di u 1729   A rivolta paesana di u 1729 Empty

Revenir en haut Aller en bas
 
A rivolta paesana di u 1729
Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
ISULA :: Per isse sponde è da mare in là... :: Cultura :: Storia-
Sauter vers: