"Armunisazione" di a scrittura

Strampalatu a écrit:

- Un pudemu micca fà l'ecunumia di a regula acittata da tuttu u mondu

- ùn basta micca d' avè raghjoni di u puntu di vista di l'etimologia o di a logica , ci voli dino à fà simplici chè u mondu d'oghji a ci dumanda .

Dui punti maiò, tutti strampalati cum'è voi.

O Circiò, quand'è tù ti metti à spiegà punti di lingua hè veramente interessante. Ùn cunniscia l'apocupe (cum'è regula stabilita vogliu dì) è mi cacci un grattacapu.
S'o aghju capitu bè, si scrive : for di strada, chjar di luna è fior di primavera.

È quandu si scrive "ver di", s'amozza cacciendu duie lettere, hè sempre apocupe o nò? Nant'à infcor scrivenu verdi appiccicatu.

D'altronde, ver di s'adopra sempre cun un prunome persunale dopu?

Isulanu a écrit:

Ùn cunniscia l'apocupe

Ma chì t'hà amparatu u to prufissore di corsu aiooooooooooooooò

Circione a écrit:

Isulanu a écrit:

Ùn cunniscia l'apocupe

Ma chì t'hà amparatu u to prufissore di corsu aiooooooooooooooò

Isulanu a écrit:

S'o aghju capitu bè, si scrive : for di strada, chjar di luna è fior di primavera.

È quandu si scrive "ver di", s'amozza cacciendu duie lettere, hè sempre apocupe o nò? Nant'à infcor scrivenu verdi appiccicatu.

D'altronde, ver di s'adopra sempre cun un prunome persunale dopu?

Hè cusì ch'ellu s'hè più o menu scrittu u corsu dipoi tant'anni.

À parè meiu ciò chì si passa pè l'apostrufe - vale à dì chì ognunu scrivi à so modu oghje - vene da u fattu chì incù u cuncettu di a pulinumia simu intruti in una logica di "l'accittazione".
È emu piglià u mendu d'accittà appena tuttu è n'importa chè... è di una certa manera di ricusà "a regula" o "a norma".

Per ciò chì tocca à a pulinumia hè ghjusta d'accittà tuttu, invece per tutt'altru restu una piccula norma po si pudia impone...

tutti sti picculi punti (di nulla) cum'è l'apostrufe in casu d'apocupe, a inclisi, l'appiccichera di i numari (centu mila o centumila), a scrittura incù l'alette nentru à e parolle (Còrsica), ecc.

Sò tutti punti chì si mirdarianu una piccula regula stabulita da un inseme di ghjente capace incù argumenti veri per ghjugne, cum'ellu a dice Strampalatu in un altru missagiu, à una suluzione chì cunvenghi à tutti o ancu s'ella hè nicissaria à una simplificazione di certi affari.

Vogliu vene à dì chì s'ellu si decide di mette sempre l'apostrufe (ancu in casu d'apocupe) per simplificà e cose, siguitaraghju anch'eiu... ma e dicisione ci vole ch'elle s'arrembinu à veri argumenti è ch'elle sianu u fruttu di una riflissione cumuna.

Accittà parechje forme quand'ella bastaria una mi pare ch'ella cumplicheghji a scrittura di a lingua è mi pare d'avella digià detta parechje volte : Prestu ci hà da esse di più manere di scrive a nostra lingua cà ghjente per scrivela.


Osinnò, per "ver di" si scrive cusì d'appressu à mè.

Riteni chì l'elisione hè quand'ellu si caccia a vucale finale di a parolla nanzu à un'antra vucale per ch'ellu ùn ci sia micca iatu (hiatus).

eiu aghju dinù intesu senza u prunome in certi casi:

"ci truvemu ver di trè ore"

O chì faci?
sò digià duie ore è mezu...

Circione a écrit:

O chì faci?
sò digià duie ore è mezu...

quant'à me t'hà postu un cunigliulu .. , ma bon cume chi l'hai dettu "ver di" ..

pè u fattu avà ch'o ci pensu (a so , anderebbe piuttostu nu a sezzione "vocabulariu") voi cumu impiecate "versu " e "voltu" ? perchi à RCFM ( :affraid: ) sentu spessu dì "à trovàcci voltu quattru ore" invece eo un dicu voltu che quandu ci è un idea di direzzione , per esempui "voltu bastia" , altrimente dicu "versu" .

ete lampatu un ochju à stu libru?

"La langue corse en 23 lettres"

http://www.albiana.fr/Les-outils-de-la-langue/La-langue-corse-en-23-lettres-br/-Precis-alphabetique-de-grammaire-br/-dusage-et-de-vocabulaire-du-corse.html

Prupone risposte à assai questione!

ùn aghju lettu tuttu ma mi piace l'andatura : precisione, rigore, è attempu prudenza è appoghju nantu à a lingua INTESA IN A VITA (precisamente in u so rughjone di Marignana, bò nimu hè perfettu )

Eiu ùn l'aghju ancu à leghje sanu
aghju bardatu appena cusì

ma a sò ancu senza avellu lettu ch'ellu hè ben fattu.

Circione a écrit:

l'appiccichera di i numari (centu mila o centumila)

M'arricordu di u sugettu ghjuvativu scrittu calchì annu fà annant'à i sciffri è i numari. Ùn l'aghju più lettu in locu, chì sarà divintatu?
Sì tù a ti senti di fallu torna...

Face parte di i sugetti ch'avia fattu à l'eplica di u primu Foru corsu
ma u s'anu scammattatu.

A socu bè, l'aghju detta apposta!!

[quote="Strampalatu"]è salutu à tuttu u mondu...

V'aghju da di cio chè pensu annantu à l'affari di a grafia di u corsu ughjincu. Avali hè vinutu u tempu di simplificà un pocu, postu chè no semu guasgi à l'ora di l'ufficialità...S'è tutt'ugnunu si metti à fà soiu una regula ùn ci ni surtaremu mai...mai mai....Semu trecentu milla è t'avemu deci manera di scriva...! U bisognu si faci senta di metta in strada una speccia d'academia fatta d'aghjenti di tutti i loca par di una volta pà sempri comu si dia scriva ! Un pudemu micca fà l'ecunumia di a regula acittata da tuttu u mondu è s'è ùn a femu micca semu andati una volta par sempri.

Sionti à mè divariani essa prisenti : i prufussori, l'autori è ancu l'aghjenti chi ani par mistieri di simplificà (pensu à i spicialisti di a cummunicazioni è di a pedagugia...)parchi ùn basta micca d' avè raghjoni di u puntu di vista di l'etimologia o di a logica , ci voli dino à fà simplici chè u mondu d'oghji a ci dumanda . Un bastarà à veda a lingua inglesa o spaniola com'eddi so simplici à scriva par bè capiscia l'impurtenza di a simplicità. Allora: spiccà o micca spiccà ? metta l'aletta o ùn a metta micca ? Eiu ùn aghju micca avisu spiciali ma aspettu una dicizioni sinnata è forsa...accitata da tutti.
Mi scusu d'avessi statu un pocu longu.                                                                                                                                                                                                                                                                                                                                                                                                                                                                    Vengu di leghja u vostru messagiu è soiu d'accordu c'un voi a 100% (2012).   Cio chi mi stona ghje chi l'universitai ùn aghji ancu organizatu ghjustamenti un gennaru d'academia di u corsu comu "l'academie française" par stabiliscià reguli chjari induva tutu u mondu si po ritruvà . Mi pari ch'edda he a prima cosa a fa inanzi di insignà una lingua d'una manera seria .