Ghjochi ...........

"O zitelli di'stu mondu

Unitevi intondu intondu

Ingrandate sempr'arditi

Stringhjenduvi i vostri diti

Sin'à chì,omi maturi

Per altri ghjorni futuri

Griderete:Ô fame!ö guerra

Luntanu di a nostra terra!

Fora,fora,ö cupidizia

È prufittu cù malizia!

Ingrandate,risoluti

Per pudè campà ista vita

Cù lu goiu senza lita

Da omi forti ed astuti.

Di bon core,in ogni lochi,

Se vi piacenu e canzone,

Or cantate in unione

Frà li vosti sani ghjochi.

Ghjucate, soli o à la tonda

Chì u ghjocu dà putenza

-Una putenza feconda,-

Chì rinforza cù criscenza.

Acquisterete ancu sale

Cume u fecenu universale

Frà smenticoni è ceghi,

Orsù,voi d'età zitella

Per una vita nuvella!

Ricchi di issu Pane Santu

Onoratu è bè guadantu.

Appellamanu,P Casanova

postu chì simu in a parte "ghjochi" quale hè chì cunnosce attività per i zitelli, semplice, tradiziunale?...fora di u cacciafrù ben intesa :affraid:


aghju qualchi esempiu di ghjochi inventati sicondu l'estru è e stagione, esempiu trovi in u libru di Bastianu Tomasi Nos vertes années, sgaiuffate, scapochji, colpi è tambate:

- u sollu tufunatu adupratu cume una balla
- i patennostri aduprati cù una canna chì ghjuvava di "sarbacane"
- e carozze
- i chjerchji
- a capretta
- u ficchettu
- e pierrette

ci n'hè d'altri?

http://www.adecec.net/adecec-net/parutions/ghjocueghjoculi2.html

Citation :

LAMA DI TRE' O U TRE'

A lama di trè si ghjoca à dui. Ogni ghjucadore dispone di trè pedine di listessu culore.
A ferriata pussede nove crucivie. Ogni crucivia pò riceve una pedina.
U ghjocu cunsiste, per ogni ghjucadore, à mette trè pedine in linea diritta, circhendu à cuntrarià a tattica di l'aversariu.
I ghjucadori ponenu o tramuntanu una pedina à volta, unu dopu à l'altru. U primu à ghjucà hè sceltu à l'imbusche.
Dopu avè postu e trè pedine, a tramutera si face in qualunque direzzione, seguitendu u tracciatu di a ferriata, da una crucivia à a crucivia libera a più vicinu, senza trasaltà.
A partia hè guadanta quandu unu di i ghjucadori hà messu e so trè pedine in linea.
Si pò cunvene di riprincipià è fà 7, o 9, o 11, o 13, o 21 partite cunsecutive, cambiendu ogni volta u ghjucadore chì principia.

U trè vivu : U trè si pò ghjucà cù u 9 carreghje (poste seocndu u disegnu di a ferriata) è duie squadre di 3 zitelli ognuna, i bianchi (1, 2 è 3) è i neri (1, 2 è 3). U Direttore di ghjocu annunzia, ogni volta, u zitellu chì deve dispiazzassi (Es. Biancu 2, ecc.).

A PAICA O U TRE'

Prima variante :

A Paica si ghjoca à dui. Ogni ghjucadore dispone di trè pedine di listessu culore, poste capu nanzu nant'à a prima liena orizontale davanti à sè.
A ferriata hà sedeci crucivie.
U ghjocu cunsiste à cunduce e trè pedine nant'à a prime poste di l'aversariu.
U primu à ghjucà hè sceltu à l'imbusche.
E pedine si tramutanu in qualunque direzzione, da una crucivia à una crucivia libera accantu, seguitendu u tracciatu di a ferriata.

Seconda variante :

E pedine ùn sò micca poste capu nanzu. Sò poste una à una è si tramutanu cum'è in a prima variante.
U ghjocu cunsiste à mette, parechje volte, trè pedine in linea diritta, nant'à trè crucivie, seguitendu u tracciatu.
A partita si ghjoca in 9, 11, 13 o 21 puntu.

A PAICA O NOVE ANTICU O MULINELLU

U nove anticu si ghjoca à dui. Ogni ghjucadore dispone di nove pedine di listessu culore.
A ferriata pussede vintiquattru crucivie. Ogni crucivia pò riceve una pedina.
I ghjucadori, unu dopu à l'altru, ponenu e so pedine circhendu à mettene trè vicinu in liena diritta, ciò chì li permette di pigliassi una pedina di l'aversariu, è quessa à parte da u principiu.
U primu à ghjucà hè sceltu à l'imbusche.
Quandu un ghjucadore hà finitu di pone e so pedine, tramuta quelle chì sò state risparmiate, da una crucivia à una crucivia libera accantu, seguitendu u tracciatu di a ferriata, è sempre pruvendu à mettene trè in linea, cù listessu avantagiu chè nanzu.
E pedine si tramutanu in qualunque direzzione, senza trasaltà.
A partita hè guadanta quandu l'aversariu ùn hà più chè duie pedine.
Strattegia : u megliu hè di riesce à mette cinque pedine di tal manera chì a tramutera d'una sola pedina facci, ogni volta, marcà un puntu. Si dice avè " zingara ".

LAMA DI SEI O U SEI

A lama di sei si ghjoca à dui. Ogni ghjucadore dispone di sei pedine di listessu culore.
A ferriata pussede tredeci crucivie. Ogni crucivia pò riceve una pedina.
U ghjocu cunsiste, per ogni ghjucadore, à mette, parechje volte, trè pedine vivine in linea diritta, circhendu à cuntrarià a tattica di l'aversariu.
I ghjucadori ponenu o tramutanu una pedina à volta, unu dopu l'altru. U primu à ghjucà hè sceltu à l'imbusche.
Dopu avè postu e sei pedine, a tramutera si face in qualunque direzzione, seguitendu u tracciatu di a ferriata, da una crucivia à a crucivia a più vicinu, è senza trasaltà.
Ogni volta chì un ghjocadore mette trè pedine in liena, si piglia una pedina di l'aversariu.
A partita hè guadanta quandu l'aversariu ùn hà più chè duie pedine.
A lama di sei si pò ghjucà cù un'altra ferriata (quella di a paica).

U DECE O DAMA PAISANA

U dece si ghjoca à dui. Ogni ghjucadore dispone di dece pedine di listessu culore.
A ferriata pussede vinticinque crucivie, in cinque ranghi di cinque.
Avanti di principià, ogni ghjucadore pone e so dece pedine à e dece crucivie di i dui primi ranghi chì sò versu ellu. U primu à ghjucà hè sceltu à l'imbusche.
U ghjocu cunsiste à pigliassi e pedine di l'aversariu. Per vince una pedina, questa deve avè daretu, da l'altra parte di a pedina chì attacca, è in linea diritta, una crucivia libera. A pedina chì " manghja " salta sopr'à a pedina vinta (chì ghjè pigliata), è si mette nant'à a crucivia libera.
Ogni ghjucadore punta sempre e so pedine davanti, à a verticale o in diagunale, for' di quand'ellu " manghja ".
Quandu una pedina ghjunghje in a riga di fondu, ùn participeghja più à u ghjocu, ma conta un puntu cum'è e pedine vinte.
U ghjocu pianta quandu unu di i ghjucadori hà persu tutte e so pedine o ùn ne pò più move.

A VOLPE E' E GHJALLINE

U ghjocu di a volpe è di e ghjalline si ghjoca à dui. Un ghjucadore dispone d'una pedina (a volpe), l'altru di quindeci pedine ( e ghjalline).
E pedine sò poste capunanzu (v. u disegnu).
E pedine si tramutanu seguitendu u tracciatu di a ferriata, da una crucivia à una di e crucivie accantu, sì elle hè libera. U ghjucatore chì pussede e pedine ghjalline ghjoca u primu.
U ghjocu cunsiste à impedì a volpe di tramutassi.
E pedine ghjalline si tramutanu davanti o à latu, senza mai rinculà.
A volpe si tramuta in tutte e direzzioni.
A vompe pò " manghjà " una ghjallina à volta trasaltendu, per ponesi, in linea diritta, nant'à a crucivia libera chì ghjè subitu daretu. Guadagna quand'ell'ùn resta chè sei ghjalline.
E ghjalline vincenu quandu a volpe ùn si pò più move.


L'ACCAMPU

L'accampu si ghjoca à dui. Un ghjucadore dispone d'una pedina (u banditu), l'altru di trè pedine (i gendarmi).
E pedine si tramutanu seguitendu u tracciatu di a ferriata, da una crucivia à una di e crucivie accantu, sì elle hè libera. U g hjucadore chì hà e pedine gendarmi ghjoca u primu.
U ghjocu cunsiste à impedisce u banditu di tramutassi.
E pedine gendarmi si tramutanu davanti o à latu, senza mai rinculà. Vincenu quandu u banditu hè immubilizatu.
A pedina banditu si tramuta in tutte e direzzioni. Vince quand'ella hè passata daretu à i gendarmi.


U SEGNU DI SALOMONE

Prima variante :

U segnu di Salomone si ghjoca à dui. Ogni ghjucatore disone di trè pedine di listessu culore. E pedine sò poste una à una da i dui ghjucadori, un dopu à l'altru.
U primu à ghjucà hè sceltu à l'imbusche.
Una volta poste, e pedine sò tramutate da una crucivia à a crucivia libera accantu, seguitendu u tracciatu.
U ghjocu cunsiste à mette trè pedine in linea diritta, nant'à trè crucivie vicine, ciò chì permette di marcà un puntu.

Seconda variante :

In più di e pedine in liena diritta chì danu un puntu, i trianguli corti (a maghi) danu dui punti, è i trianguli longhi (o rizi) danu trè punti.

Terza variante :

Si pò ghjucà da per sè cù nove pedine poste capu nanzu.
Si caccia e pedine " manghjate " (una pedina ne " manghja " un'altra, trasaltendu in linea diritta, per cade nant'à una crucivia libera accantu).
U segnu cunsiste à ùn lascià chè una pedina nant'à u segnu di Salomone.

Si truverà sempre???

Saluta,

pinseti dinò ch'è vò pudeti telecarcà qualchì ghjochi di china (da stampà) à nantu à u situ parlamicorsu.com

petra alta a écrit:

postu chì simu in a parte "ghjochi" quale hè chì cunnosce attività per i zitelli, semplice, tradiziunale?...fora di u cacciafrù ben intesa :affraid:


aghju qualchi esempiu di ghjochi inventati sicondu l'estru è e stagione, esempiu trovi in u libru di Bastianu Tomasi Nos vertes années, sgaiuffate, scapochji, colpi è tambate:

- u sollu tufunatu adupratu cume una balla
- i patennostri aduprati cù una canna chì ghjuvava di "sarbacane"
- e carozze
- i chjerchji
- a capretta
- u ficchettu
- e pierrette

ci n'hè d'altri?

da quì à pocu (s'ella ùn hè fatta) Alain Piazzola escerà una nova edizione di "appellamanu" di Petru Casanova, tutti i ghjochi tradiziunali, in una presentazione più attrattiva chè u primu libru, è più faciule à aduprà

Cercu frase cum'è questa quì da travaglià a dicitura per un attellu teatru:
ne aghju une poche in francese ma in corsu ...

"Trè tazze strette nentru à trè strette tazze"

henry smart a écrit:

Cercu frase cum'è questa quì da travaglià a dicitura per un attellu teatru:
ne aghju une poche in francese ma in corsu ...

"Trè tazze strette nentru à trè strette tazze"

Bon, aghju capitu. Ci vulera forse da vistica ver di u talianu è traduce

henry smart a écrit:

henry smart a écrit:

Cercu frase cum'è questa quì da travaglià a dicitura per un attellu teatru:
ne aghju une poche in francese ma in corsu ...

"Trè tazze strette nentru à trè strette tazze"

Bon, aghju capitu. Ci vulera forse da vistica ver di u talianu è traduce

i tarcani di u foru ùn anu trovu nunda?
(sò talmente scionchi chì forse ùn anu mancu vistu a dumanda )

A mi pensu !
Allora aspettemu i tercani !!

henry smart a écrit:

A mi pensu !
Allora aspettemu i tercani !!

hè megliu chì eiu ghjovu solu per mette smileys è scrive c***
i nostri vechji cucchi tarcani anu da vultà a settimana chì vene