ISULA
Vous souhaitez réagir à ce message ? Créez un compte en quelques clics ou connectez-vous pour continuer.


Lingua è cultura corsa
 
AccueilAccueil  Dernières imagesDernières images  RechercherRechercher  S'enregistrerS'enregistrer  ConnexionConnexion  
Le Deal du moment : -38%
PNY – Disque SSD Interne – CS900 – ...
Voir le deal
31.19 €

 

 L'arburu pueta

Aller en bas 
5 participants
AuteurMessage
Erbaghju

Erbaghju


Messages : 466
Date d'inscription : 29/02/2012

L'arburu pueta Empty
MessageSujet: L'arburu pueta   L'arburu pueta EmptyVen 9 Mar - 13:21

L'arburu pueta Chatai10

Mi piaceria di fà à l’usu di un scrivanu
Un puema inuratu d’albore sittimbrinu
Truvendu e parolle cum’è l’alburi danu
Ricchezza è pilone per veste ogni caminu

Arricoglie in sicretu l’inchjostru castagninu
È fanne un suchju d’oru chì corre ind’è a manu
Di quellu per amore chì cambia u distinu
Scrivendu i ricordi di un tempu luntanu

Tamanta la disgrazia maladettu ch’e socu
Di truvammi spugliatu da nuvembre sfrundatu
È d’avè u me ceppu da i mei squarratu

A me ultima risa di misteru è di lume
Cù l’adore turchina piacente di u fume
Sarà senza rancore di dalli fiara è focu



Ritrattu di Dominique Tison


Revenir en haut Aller en bas
http://erbaghju.unblog.fr/
di sfughjita

di sfughjita


Messages : 124
Date d'inscription : 06/03/2012
Localisation : Bastia

L'arburu pueta Empty
MessageSujet: Re: L'arburu pueta   L'arburu pueta EmptyLun 12 Mar - 13:35

À mè è senza fanne troppu àmbachi mipiace
ditone
Revenir en haut Aller en bas
Circione

Circione


Messages : 2212
Date d'inscription : 27/02/2012

L'arburu pueta Empty
MessageSujet: In un ame   L'arburu pueta EmptyLun 12 Mar - 17:19

L'arburu pueta Img_4312

In un ame

E mio radiche sò un eternu ligame,
È da mill’anni in quà, abbraccianu u mondu.
Da quant’e mi ricordu u passatu più fondu,
Vecu ballà viranu in punta à e mio rame.

È à tramule d’oru spuntanu tante brame
Di divizia, di pace è d’avvene giucondu.
È sottu à Monte Cintu, San Petrone o Ritondu,
À via di u celu sparghju ampiu reame.

È quandu l’auturnu arrussisce u frundame
Di l’alburi cumpagni chì mi stanu di tondu,
Lampu à unu à unu ogni gricciulu biondu,
È frutti inzuccarati da caccià ogni fame.

Eppo l’inguernu arvigne u mio tintu pillame,
Ingrisgia u mio frustu nudu è muribondu.
Ma sarà colpa soia s’e cambiu cera è sfrondu ?
O sarà chì u tempu hè fughjitu in un ame ?

E mio radiche sò un eternu ligame,
È da mill’anni in quà, abbraccianu u mondu.
Da quant’e mi ricordu u passatu più fondu,
Vecu ballà viranu in punta à e mio rame.



L'arburu pueta Img_1910
Revenir en haut Aller en bas
Sumenta

Sumenta


Messages : 2052
Date d'inscription : 25/02/2012

L'arburu pueta Empty
MessageSujet: Re: L'arburu pueta   L'arburu pueta EmptyMer 14 Mar - 13:48

L'arburu pueta Img_2710




E fronde cascanu


I primi fredi sò dighjà venuti,
A neve ha incasgiulatu l'alta sarra
E le fronde prima di tuccà tarra
Giranu cume li sacchi pinnuti.

U fredu pe le fronde è assai mastinu,
Ma ciò chi nasce e cresce deve more;
Campendu l'anni, le simane o l'ore
Ogni cosa segueta u so destinu.

A pera casca quand'ella è matura
Cume le fronde à principiu d'inguernu,
Lege cumposte da lu Padre Eternu
Chi guidanu l'umani e la natura.

Eranu, pocu fà, belle e pumpose
Ma si sò sculurite eppo' sò morte;
Sò sottumesse à la listessa sorte
Che le 'jente, la roba e l'altre cose.

E tutti quanti l'alburi fruttivi,
Chi per furtuna un sò ancu tagliati,
Videnduli cusì nudi e spugliati
Un si sà più s'elli sò morti o vivi.

Ma prestu u celu s'empierà di stelle
E spuntarà lu sole à l'alba chjara,
Sarà simata l'ultima fiumara
E vulteranu e prime rundinelle.

E videremu torna à l'infinita
D'altre fronde e cume sempre verde
Perchè nulla si crea ne si perde
Fora di la speranza e di la vita.


Peppu Flori
Revenir en haut Aller en bas
DIRUSIU




Messages : 11
Date d'inscription : 05/03/2012

L'arburu pueta Empty
MessageSujet: Re: L'arburu pueta   L'arburu pueta EmptyMer 14 Mar - 16:40

belle rime cheers
Revenir en haut Aller en bas
Erbaghju

Erbaghju


Messages : 466
Date d'inscription : 29/02/2012

L'arburu pueta Empty
MessageSujet: Re: L'arburu pueta   L'arburu pueta EmptyMer 14 Mar - 17:11

Revenir en haut Aller en bas
http://erbaghju.unblog.fr/
Contenu sponsorisé





L'arburu pueta Empty
MessageSujet: Re: L'arburu pueta   L'arburu pueta Empty

Revenir en haut Aller en bas
 
L'arburu pueta
Revenir en haut 
Page 1 sur 1

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Puesia-
Sauter vers: