Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 CORSCIA - Pueti curscinchi

Voir le sujet précédent Voir le sujet suivant Aller en bas 
AuteurMessage
sidussincu



Messages : 252
Date d'inscription : 14/03/2012

MessageSujet: CORSCIA - Pueti curscinchi   Dim 16 Sep - 14:59

Sunettu per i cultivadori

Avanti maritati
Chì vene lu veranu
Per lavurà i prati
Suminate lu granu

Ma quelli fatigati
Andendu pianu pianu
Cù i strumenti usati
O chì lavoru in vanu

Ci vole la mascina
Per quelle tarre forte
La sera è la matina

Vole cusì la sorte
Tempu manda in ruvina
Le inacciarate porte.

Carlu Maestracci

Dettu "ziu Carlinu" di a Cavalleraccie. Publicatu in l'Artigiano, 1922.
Revenir en haut Aller en bas
Voir le profil de l'utilisateur
sidussincu



Messages : 252
Date d'inscription : 14/03/2012

MessageSujet: Ghjaseppu Maestracci - U Strittacciu   Dim 16 Sep - 15:37






Ghjaseppu Maestracci - u Strittacciu nu a Muvra (1932). Di a Stretta di Cavalleraccie. Mortu in guerra in l'annate 40.
Revenir en haut Aller en bas
Voir le profil de l'utilisateur
Circione



Messages : 2156
Date d'inscription : 27/02/2012

MessageSujet: Re: CORSCIA - Pueti curscinchi   Dim 16 Sep - 16:48

ditone

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
sidussincu



Messages : 252
Date d'inscription : 14/03/2012

MessageSujet: Ghjaseppu Maestracci - U Strittacciu (2)   Mar 18 Sep - 22:16





Ghjaseppu Maestracci - U Strittacciu.
Revenir en haut Aller en bas
Voir le profil de l'utilisateur
sidussincu



Messages : 252
Date d'inscription : 14/03/2012

MessageSujet: Lucia MAESTRACCI (zia Mora)   Ven 16 Nov - 11:53

Vuciaratu per u so maritu Petru Francescu Maestracci :

E quandu Petru Francescu
Ghjunghjia di fà a partita
Mi truvava mai scuntenta
Mai una volta tradita
Un pudia dì di più
Quand'ellu dicia Lucia

A mè mi dava li soldi
Quandu la Santa vinia
E à mè Petru Francescu
Pè billezza mi tinia

Ma sarratemi ste porte
Quelle di lu campusantu
Duve lu m'avete da mette
Lu fiore ch'amava tantu
Stamane o Petru Francescu
Fà chè mi ne vengu accantu

O s'ella era pè soldi
O puru pè pezze d'oru
Mai ùn lu lasciava sorte
Di casa lu mio tisoru

Di marmaru sò le mure
Di farru ne sò le porte
Di tanti chì ci ne hè
Più manc'unu ùn ci ne sorte.

Lucia Maestracci, era a cugnata di Carlinu Maestracci.


Dernière édition par sidussincu le Mer 3 Juin - 23:41, édité 2 fois
Revenir en haut Aller en bas
Voir le profil de l'utilisateur
sidussincu



Messages : 252
Date d'inscription : 14/03/2012

MessageSujet: Saveria Santucci   Sam 8 Déc - 15:26

Vuciaratu di Saveria Santucci (zia "Saleria", cumu dimu in Corscia) fattu per u so figliolu Antone mortu u ghjornu di a Candilara in 1914. A so figliola Libarata Santucci (maritata Albertini), puetessa anc'ella, hè stata arrigistrata da a famiglia, è cusì hà tramandatu ssu vuciaratu fattu pè u so fratellu. U purfigliulinu di Saveria, Cristofanu Santucci, l'hà cantatu cù u gruppu I Cunfratelli nu u discu "Ci sò eiu è manchi tù" (cusì li facciu dinù appena di publicità !).

Ghjornu di la Candilara
O lu dui di ferraghju
Intoniu lu mio figliolu
Mai più mi ne scurderaghju
Chì curaggiu aghju d'avè
A di questu à lu to babbu !

Partuta hè la dipescia
Incù la lettera di dolu
Mai più la pinsarà
Ch'ella hè per lu so figliolu
Quale lu cunsularà
In Tunisi cusì solu ?

Nimu si possa truvà
O ghjente indù lu mio statu
Cù lu mio figliolu mortu
Lu babbu mubulizatu.

Cumu la possu piglià
Eiu la dicizione
Ma di cacciallu di casa
S'ellu ùn ghjunghje lu patrone ?
Si sperà chì li daranu
Ancu la permissione
Ma ne sarà troppu tardi
Per vedeti lu mio Antone.

La piazza hè piena di ghjente
La casa hè tutta in dolu
Chè tù ci aghji da chità
O nimu nùn la pò crede
Chì ghjunghjarà lu to babbu
E nùn t'aghja più da vede.

Sentu sunà le campane
Di u prete sentu lu cantu
T'avaremu da purtà
Caru indù lu campusantu
Chì culà c'hè lu to ziu
T'avemu da pone accantu
T'emu chjamatu per ellu
L'omu chì valia tantu.

Per tuttu l'oru di Francia
Di Spagna è di la Turchia
Figliulucciu di la mamma
Chì eiu datu nùn t'avia
Oghje ti docu per nulla
E ci vole ch'o ci stia.


(l'ultima ballata ùn hè micca addossu à l'arrigistramentu, ma c'hè nu u discu)


Dernière édition par sidussincu le Mer 19 Déc - 16:08, édité 1 fois
Revenir en haut Aller en bas
Voir le profil de l'utilisateur
sidussincu



Messages : 252
Date d'inscription : 14/03/2012

MessageSujet: Ghjuvan Vitu Grimaldi - Bartulumea   Lun 17 Déc - 22:10

Un capu d'opera, Bartulumea di Ghjuvan Vitu Grimaldi (di u paisolu di a Piana) :











Revenir en haut Aller en bas
Voir le profil de l'utilisateur
sidussincu



Messages : 252
Date d'inscription : 14/03/2012

MessageSujet: Ghjuvan Vitu Grimaldi   Lun 17 Déc - 22:13

Revenir en haut Aller en bas
Voir le profil de l'utilisateur
sidussincu



Messages : 252
Date d'inscription : 14/03/2012

MessageSujet: Carlinu Maestracci - A testa di a vechjaccia   Mer 16 Jan - 21:04

Avà una puesia appena speziale, mi sò dumandatu s'o l'avia da mette, eppo' mi sò dettu chì si a Muvra l'avia stampata, hè ch'ella currispundia à una certa puesia assai in disprezzu chì hà esistutu à una cert'epica. Di più ch'aghju amparatu di pocu quale era ssa vechjaccia... ch'ùn hà mai esistutu ! Avianu fattu crede à ziu Carlinu chì una donna di Balagna avia fattu una canzona contr’à ellu. Hà dettu : « ah bon ! hà fattu a canzona ? L’aghju da risponde… ! » Sta puesia hè stata stampata nu u giurnale A Muvra.

A testa di a vechjaccia.



A testa di la vechjaccia
Chì vole fà le canzone !...
Cum’ell’hè brutta di faccia !
Eppo’ tamantu nasone !
Si vo’ ci farete casu
Pare un manechju di vasu.

Porta una gobbia à lu ficu
Chì pare un pane di sela
(Un sò fole in ciò ch’o dicu)
E la so barba la pela
Vole fà l’innamurata
Pare una purcina osciata.

U mentu pare un aratu
Si ne pò fà le maghjere
Cum’ella ùn aghju truvatu
Frà le più belle sumere
E sarebbe un attu vile
Di ludà u so muccichile.

Hà quattru dite di labbre
Una vera maraviglia
Quand’ella le chjode o l’apre
Un trovu la so sumiglia
A me mi parenu uguale
A quelle di u carnavale.

Quand’ella scopre li denti
Parenu una cartuccera
Bench’ella abbia molti amanti
A tutti li face guerra
E più li trova putenti
Più sò belli li mumenti.

A so lingua ùn posa mai
Più discorre è più l’arrota
E lla ùn pensa à li so guai
Stà sempre nantu la porta
A ride di questu è quellu
S’è li pare boffu o bellu.

Le s’arechje à teleffonu
Mi stanu sempre à sentori
Quand’ella affacca lu ghjornu
Aspetta li cacciadori
Ghjugnenu i turisti inglesi
Li taliani è li francesi.

Collanu li so cigliacci
Finu à tuccà li capelli
Si diciarebbe mustacci
Tantu sò lucenti è belli
Certe pinnechjate bianche
Parenu nate trà l’anche.

La so fronte fatta à ovu
Hà righe cum’è scalelli
Si c’hè qualcosa di novu
Quistiona vechji è zitelli
Cù la so manera lesta
L’invita tutti à fà festa.

Bench’ella sia cristiana
Ella ùn cunnosce onestà
Ch’ella sia turca o pagana
Dunque lascemula stà
Hà ciarbellu d’una ghjatta
Face sempre ciò chì piatta.

Credu ch’avarei capitu
Ch’ùn sò in pena di risponde
E s’è tù ùn ai finitu
Cantu lu giardinu è l’onde
Perchè pè le to difese
Un basta a marina inglese.

Un vogliu dì lu to nome
Perchè ùn ne sariste degna
Ma porti più d’un cugnome
Perchè nùn vali una legna
Dunque impara li duveri
E rispetta i fristeri.

Scusatemi o camerati
Perchè mi sò ripusatu
D’i mio amici fidati
Un mi sò micca scurdatu
Chì di satere è canzone
S’avvicina la stagione.

Carlu Maestracci.


Dernière édition par sidussincu le Mer 16 Jan - 21:31, édité 1 fois
Revenir en haut Aller en bas
Voir le profil de l'utilisateur
sidussincu



Messages : 252
Date d'inscription : 14/03/2012

MessageSujet: Carlinu Maestracci - La speranza   Mer 16 Jan - 21:14

Mi pentu... Per quessa chì ne prupongu un antra di listessu puetu ch'ùn hà nulla à chì vede !

La speranza


Cù la speranza nasce la furtuna
Chè ognunu cerca per celu è per terra
A chì studia lu sole chì la luna
Chì lavora chì pensa mane è sera

Mille culori è mille strade in una
Nisunu cunosce la so bandiera
La prova chì resta sempre cumuna
Ci mostra chì à nisunu fù sincera

Quattru giganti in arme rinumati
Chì furtuna tinianu sicura
Annibal restò frà l’avvelenati

La vita d’Alessandru ùn fù matura
Cesare uccisu da i so camarati
Bonaparte esiliatu in quattru mura.

Carlu Maestracci
Revenir en haut Aller en bas
Voir le profil de l'utilisateur
Sumenta



Messages : 2050
Date d'inscription : 25/02/2012

MessageSujet: Re: CORSCIA - Pueti curscinchi   Mer 16 Jan - 21:18

cridia chì in stu pese eramu soli banditi imbarazzatu ... scopru chì c'eranu ancu i pueti ditone
Revenir en haut Aller en bas
Voir le profil de l'utilisateur
Circione



Messages : 2156
Date d'inscription : 27/02/2012

MessageSujet: Re: CORSCIA - Pueti curscinchi   Mer 16 Jan - 21:22

ùn ti pente micca
sò belle traminduie!

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
sidussincu



Messages : 252
Date d'inscription : 14/03/2012

MessageSujet: Re: CORSCIA - Pueti curscinchi   Mer 16 Jan - 21:23

Capiscu ! Per avà, aghju cuntatu quaranta-quattru pueti è vinti-trè puetesse. Ch'anu publicatu ùn sò stati chè trè o quattru, ma ci n'era assai chì sapianu impruvisà, donne chì vuciaravanu, etc. Avà, per parechji ùn aghju nulla, è crergu chì ùn truveraghju nulla, perchè i figlioli mi dicenu ch'ùn anu tinutu nulla à mente, ma ne scopru tutti i ghjorni...
Revenir en haut Aller en bas
Voir le profil de l'utilisateur
Circione



Messages : 2156
Date d'inscription : 27/02/2012

MessageSujet: Re: CORSCIA - Pueti curscinchi   Mer 16 Jan - 21:34

quella di u manechju di vasu hè d'antulugia surrisu

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
sidussincu



Messages : 252
Date d'inscription : 14/03/2012

MessageSujet: Re: CORSCIA - Pueti curscinchi   Mer 16 Jan - 21:37

U più chì mi face ride hè d'avè amparatu chì ssa donna ùn esistia micca. Mi figuru u puetu cridendu in veru chì c'era una donna chì si ridia d'ellu, è chì li facia u so ritrattu, arrabiatu !
Revenir en haut Aller en bas
Voir le profil de l'utilisateur
sidussincu



Messages : 252
Date d'inscription : 14/03/2012

MessageSujet: Cuchjarellu di a Cavalleraccie   Lun 18 Mar - 19:37

Una puesia ch'era stata publicata nu a rivista corsa "A chjamata", nant'à l'impiccati di a Leccia di 1774, chì eranu, per u più, curscinchi. Hè stata scritta sta puesia appena nanzu quella, famosa, di Ghjuvan Teramu Rocchi, anch'ellu di razza curscinca. L'autore m'hà dettu di mette u so nome di puetu, "Cuchjarellu di a Cavalleraccie". Eccu dunque sta puesia :

Cari antenati
Hè per voi ch’eo cantu
Dulor di mamme
Quant’ellu fù tamantu
Li vostri figlioli tombi
Pè stu nome ghjustu è santu
Libertà tù nun smarrisci
A a porta d’un campusantu.

Corscia paese
Espostu à a sulana
Fù discitatu
C’un chjoccu di campana
Si sintia lu murtoriu
Da u Prunu à Costa suttana
E corse pè lu paese
« Impiccaranu à a Piana ».

Sopra à a Piana
Un ghjargalellu corre
Quand’ellu s’empie
Ellu vole discorre
Vole cantà di l’eroi
E suffranze è lu dulore
U fustu di stu castagnu
A mè mi stringhje lu core.

E stu pullone
Crisciutu ind’u vaglinu
Chì di castagne
Lampò più d’un bacinu
Ma li frutti di quist’annu
Un ne cresce più vicinu
Sò tant’omi risaluti
Un poveru quindecianninu.

E senza prove
E pocu ghjudicamenti
Funu impiccati
A mezu à li parenti
Le so osse funu tronche
Davant’à le mamme in pienti
E duie centu anni dopu
O Corsu, sta pena a senti ?

Cuchjarellu di a Cavalleraccie
Revenir en haut Aller en bas
Voir le profil de l'utilisateur
sidussincu



Messages : 252
Date d'inscription : 14/03/2012

MessageSujet: Ceccu Calisti   Mer 3 Juin - 23:57

Canzona pè a cignalotta.



A cignalotta

O amicu cacciadore
Stà à sente i mio lagni
Sò una cignalotta ferita
Sola incù quattru arfagni
Ti dumandu chè t’aspetti
L’ingrandinu i mo purchetti.

U cacciadore

Allora cara purchetta
Prufitta di l’occasione
Stà à sente i mio cunsigli
Cerca à cambià di rughjone
Perchè quì li cacciadori
N’anu poca frizione.

A cignalotta

Duve vulete ch’e voca
Chì ne sò magra inchjudata
Un possu più viaghjà
N’aghju un anca sbranculata
O l’indegnu cacciadore
M’hà messu una fucilata.

U cacciadore

O voi astri cignalacci
Quantu ghjente casticate !
U ghjornu durmite à u sole
E a notte vuculate
Ne fate tanti disguasti
Pè ste loche suminate !

Ma avà cara purchetta
Tù mi pigli u ciarbellu
Ti vogliu piglià incù mè
E metteti in casarellu
Epoi fà in Natale
Salticcie cùn figatelli.

A cignalotta

Avà sì ci ai capitu
E cusì ne nùn ti sbagli
Mettimi in casarellu
E dammi à manghjà assai
Cusì saraghju in Natale
A più bella di u lucale.

U cacciadore

Spergu tù rispetterai
O le nostre cundizione
E ch’è tù ùn cerchi à scappà
A la prima occasione
Chì tandu ti tirgu in capu
Senza fatti sumazione !



Ceccu Calisti dettu Fanfanellu. Marzu 2013.
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: CORSCIA - Pueti curscinchi   Aujourd'hui à 12:35

Revenir en haut Aller en bas
 
CORSCIA - Pueti curscinchi
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» Amichi pueti, aiutu.
» Chjama à i pueti.

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Antulugia-
Sauter vers: