Vita pratica

U turchinettu (chì tene u so nome d'u so culore) era  una sustanza aduprata per a lisciva. Secondu a vechjetta chì mi n'hà parlatu era di a taglia di un "petit-suisse"  è ingutuppatu in un pezzucciu di tissutu. D'estatina, quandu lavavanu i so panni à u fiume, e donne mettianu i lenzoli dà richjarà in e pozze d'acqua, à mezu à i scogli è lampavanu 'ssu famosu turchinettu chì ridava u so biancore à i panni. Ùn sò s'ellu era un pruduttu chimicu o naturale ma si vendia in paese in a buttega di una chjamata Paulina.

Per me u turchinettu hè d'una certa manera l'antenatu di e dosettes d'oghje.

 
per fà a lisciva ùn cunniscia micca sta manera di fà. spessu aghju intesu parlà (cù nustalgia) di a lisciva cù e cendere, in fiume, per a roba bianca (lenzoli, asciogni, tuvaglie è traversini). una volta lavati c'era un cuncone cù un tufone ind'è u mezu. si mettia un lenzole chì pigliava tuttu l'interiore di a conca. s'impillava a roba nentru è dopu, sopra, si mettianu stracci, parechji affari per pudè fà un generu di stacciu. dopu si mettianu e cendere è si ricupria torna di roba (stracci). una volta tuttu cupertu si cumenciava cù a cazzarola è si lampava pianu pianu l'acqua bullente. in fine a roba era richjarata à u fiume.
è què ghjè l'antenatu di chè?  

Brava, duie ver spizialiste, mandate puru i vostri CV à a Casa di a Mimoria, forse vi faranu travaglià à u mese d'aostu !

 

d'altronde l'acqua di sta "lisciva " incù a cennara a chjamavanu a sciondara (parolla sguillula)


si sente spessu pè u caffè


"stu caffè hè sciondara"

Serà megliu à beie sciondara o à beie cutrogliuli ? 

chjamavanu 'bucata' quandu pulianu i panni cù a cenera è l'acqua calda
puru avà senza cenera si pò chjamà bucata listessa

pfuuu quessu un è micca un affare tantu vecchju quandu adopravanu u turchinettu per richjarà e lenzole , mi n'arricordu eo (e so bellu giovanu purtantu  ) chi l'acqua di e vasche escia bleue . à dìlla franca à l'epica m'interessava ancu pocu à e vecchje chi scumbattianu in l'acque cotrate di u lavatoghju ma face piacè di vede chi e nostre giovane amiche so quì pronte à ripiglià i nostri antichi  usi e tralascià ste mascine à lavà cunsumatrici d'eletricità e generatrici di tante polluzioni .. à quandu u ritornu di a capagnula   per trascinà e bassine in capu  cume e nostre care mamone  ?

Mi piacerebbe di truvà ne una fottò. Sì qualchissia a pò impustà...

Sperenza a écrit:

Mi piacerebbe di truvà ne una fottò. Sì qualchissia a pò impustà...

http://www.droguerie-de-marine.fr/2012/10/09/le-retour-du-bleu-pour-la-lessive/

eccu

ma bon se tu cerchi piuttostu una mascina à lavà à bon pattu c'è But o puru  U Faillitaire , se tu voli u ligame ...  

Avete decisu di caccià u me missaghju o averaghju sminticatu di appughjà nant'à 'envoyer'...? Avia messu una fottò di i turchinetti cum'è eiu i cunnoscu eiu, cun una spiecazione... Mi pare appena stranu chì u primu missaghju ch'o aghju u curaggiu di scrive in dui anni sparisca cusì...

dipoi quandu ci vole u curagiu per scrive quì?

In listessu tempu mi dicaiarè chì di stà dui anni senza scrive per caccià in fine un missagiu annant'à u turchinettu mirdaria ch'e u ti caccimu  

Ma ùn appia pinseri o Marilena

QUÌ missagi di regula ùn si ne caccia...

ci sarà statu un bug

o qualchissia avarà impustatu à tempu à tè è ùn ti ne sè arvista.

Accade


 

Ghjallochju a écrit:

Sperenza a écrit:

Mi piacerebbe di truvà ne una fottò. Sì qualchissia a pò impustà...

http://www.droguerie-de-marine.fr/2012/10/09/le-retour-du-bleu-pour-la-lessive/

eccu

"Bleu, Marine"  
lighjendu u  to ligame  aghju pinsatu  subitu  à una burla

Anch'eiu  quandu l'aghju lettu m'hè ghjuntu u batticore.  

Vi ringraziu à tutti per e vostre risposte. Hè appena a fine d'un mitu, cridia ch'u turchinettu era un pruduttu nustrale, inventatu da noi...u geniu d'un populu hà e so limite.

Sperenza a écrit:

Hè appena a fine d'un mitu, cridia ch'u turchinettu era un pruduttu nustrale, inventatu da noi...u geniu d'un populu hà e so limite.

ùn hè micca u casu???  allora perchè ci chjamanu u populu turchinu?  

Marilena a écrit:

Avete decisu di caccià u me missaghju o averaghju sminticatu di appughjà nant'à 'envoyer'...? Avia messu una fottò di i turchinetti cum'è eiu i cunnoscu eiu, cun una spiecazione... Mi pare appena stranu chì u primu missaghju ch'o aghju u curaggiu di scrive in dui anni sparisca cusì...

face piacè chè tù appia trovu u curagiu di scrive!  
ùn t'inchieta micca, i messagi ùn sò mai sguassati (ben intesu si qualchissia posta qualcosa di viulente ci sarà una risposta di l'amministrazione, una dumanda di spiegazione è forse una censura ma sin'à avà ùn emu mai cunnisciutu stu generu di situazione)

per contru ci sò errore di manipulazione chì facenu perde tuttu senza rendene si contu. emu persu parechji capi d'opera cusì, cummenti, puesie, scritti in prosa, fottò...u coming out di Ghjallochju  
nanzu c'era una manera di fà per ricuperà u messagiu persu ma dipoi qualchi mese l'hébergeur hà cacciatu st'ozzione  

Ghjallochju a écrit:

pfuuu quessu un è micca un affare tantu vecchju quandu adopravanu u turchinettu per richjarà e lenzole , mi n'arricordu eo (e so bellu giovanu purtantu  ) chi l'acqua di e vasche escia bleue . à dìlla franca à l'epica m'interessava ancu pocu à e vecchje chi scumbattianu in l'acque cotrate di u lavatoghju ma face piacè di vede chi e nostre giovane amiche so quì pronte à ripiglià i nostri antichi  usi e tralascià ste mascine à lavà cunsumatrici d'eletricità e generatrici di tante polluzioni .. à quandu u ritornu di a capagnula   per trascinà e bassine in capu  cume e nostre care mamone  ?

ma induve ai lettu una cunneria simile??????
caccia mi a mo mascina à lavà è viderai ciò chì t'aghju da lavà  

petra alta a écrit:

Sperenza a écrit:

Hè appena a fine d'un mitu, cridia ch'u turchinettu era un pruduttu nustrale, inventatu da noi...u geniu d'un populu hà e so limite.

ùn hè micca u casu???  allora perchè ci chjamanu u populu turchinu?  

Ma certe volte u turchinu torna verde...

Ghjallochju a écrit:

ma bon se tu cerchi piuttostu una mascina à lavà à bon pattu c'è But o puru  U Faillitaire , se tu voli u ligame ...  

Nò, chì m'aghju da mette à a bucata...

petra alta a écrit:

per contru ci sò errore di manipulazione chì facenu perde tuttu senza rendene si contu. emu persu parechji capi d'opera cusì, cummenti, puesie, scritti in prosa, fottò...u coming out di Ghjallochju  
nanzu c'era una manera di fà per ricuperà u messagiu persu ma dipoi qualchi mese l'hébergeur hà cacciatu st'ozzione  

ghje cusì chi per disgazia avimu persu tutte e fottò di u nostru PACSu cun Tittolu