U rascese/ u rascesu

Mi pare d'avè digià intesu (ma ùn sò micca sicuru) a parolla "u rascese" induve noi dimu "u rascesu".
S'ella si dice ind'è voi, vi ringraziu capu nanzu di fammila sapè...

Erbaghju a écrit:

Mi pare d'avè digià intesu (ma ùn sò micca sicuru) a parolla "u rascese" induve noi dimu "u rascesu".
S'ella si dice ind'è voi, vi ringraziu capu nanzu di fammila sapè...

È hai a ragiò chì a dice cusì Petru CASANOVA ind'è u so libru MOTTI (p.248), cù u sinònimu di "draghese".

Ma chì seria allora a definizione esatta di rascese (o draghese) ?

Una leia cù traghju ? U traghju di Golu, ventulellu cutratu...

Iè hè cusì o Sperenza
ci hè ancu in sta canzona ch'e vengu di mette di i Surghjenti:
https://isula.forumactif.com/t78p20-surghjenti#4080

Erbaghju a écrit:

Mi pare d'avè digià intesu (ma ùn sò micca sicuru) a parolla "u rascese" induve noi dimu "u rascesu".
S'ella si dice ind'è voi, vi ringraziu capu nanzu di fammila sapè...

Pensu ch'e mi sò sprimatu male. A me quistione era di sapè sì calchì omu cunniscia o avia intesu a parolla "u rascese" (chì per "u rascesu" ùn ci hè prublema a cunniscemu tutti).

S'aghju capitu bè, "u rascese" ùn esiste micca
Tandu pigliaraghju a parolla "u muntese" per avè a rima!

(Ceccaldi)

???

ebbè?
a t'avia detta...

u rascese.

avà poi fà a to canzona

U rascese hè ammentatu dinù in "L'Usu Corsu" di P.Marchetti.

Circione a écrit:

avà poi fà a to canzona

Hè compia da un bellu pezzu. Eccula cambiata chì u muntese hè divintatu rascese!

È perchè ai aspittatu 4 mesi ( da u 7 di dicembre sin'à oghje) nanzu di cunsultà u Ceccaldi?

Aspittava una risposta di u foru ma...nimu ùn hà dettu a soia!!
È postu chì ci semu, Tittolu, Sidussincu (è ancu tù o sega ) cumu dite in Niolu?

in Niolu ùn ci hè mai ventu
ùn ti possu micca dì.

Tandu dimmi cum'elli dicenu i balanini...

Erbaghju a écrit:

Mi pare d'avè digià intesu (ma ùn sò micca sicuru) a parolla "u rascese" induve noi dimu "u rascesu".

Sti 2 ghjorni aghju dumandatu à d'altre parsone di u paese è mi sò avvistu ch'elli dicianu tutti "rascese" quandu eiu l'aghju sempre intesa dì (è amparata) "rascesu" da a listessa parsona!!
Eccu d'induve ellu hè vinutu u me sbagliu!

Bah... u muntese forse, ma ùn l'aghju mai intesa. C'hè dinù u scornaboi... Sò ch'aghju intesu u più, hè "tira a lupa !" ma hè una manera di parlà... Avà pò esse dinù u sensu di "u raghju" (cf. Ceccaldi), nu a spressione "u raghju di Golu" (u currente chì fala à longu à fiume).

ah... quì u ventu po ci hè


hè a so casa...

Per esse serii ti diciaraghju chì eiu u rascese ùn l'aghju mai dettu, ma forse si dice ancu ind'è noi ùn la sò.

Chì hè u rascese ? un ventu fritosu ? perchè noi pè la bise a sò ch'e dimu a zilifrina (zilivrina)

U ventu quand'ellu ci hè, tirà in ogni locu, invece chì u rascese hè un currente fritosu chì fala inde un locu bellu pricisu (un canale, un tracone...).

duv'e me "rascese" è una parolla ch'un aghju mai intesu . c'è u muntese ch'è un ventu fretu , si dice dinò "tira foce" quandu u ventu fala da a muntagna (à pocu pressu listessu sensu che muntese) e per un trattu seccu e fretosu dimu " a zifina" (chi certi hanu ancu cambiatu in "zizina" )

Ah d'accordu, allora d'appressu à ciò ch'è tù mi dici u più chì currisponde s'ellu hè quellu chì fala a sera da a muntagna hè u muntese.

Quand'ellu tira u muntese, ci ne hè par tuttu u paese o a pieve invece chì cù u rascese, u poi sente à a funtana è in piazza à a ghjesgia (100 metri più luntanu) micca.
A pensi bè ch'avia cambiatu a parolla senza troppu tradì u sensu di a puisia!!

In tutti i casi aghju amparatu una parolla...