Lingua è cultura corsa
 
AccueilAccueil  FAQFAQ  RechercherRechercher  MembresMembres  GroupesGroupes  S'enregistrerS'enregistrer  ConnexionConnexion  

Partagez | 
 

 I impristaticci

Voir le sujet précédent Voir le sujet suivant Aller en bas 
AuteurMessage
Circione

avatar

Messages : 2189
Date d'inscription : 27/02/2012

MessageSujet: I impristaticci   Sam 5 Avr - 19:40

Mi paria ch'ellu ci fussi un sugettu annant'à  i impristaticci... Piuttostu  cà  di  circallu hè più prestu  fatta  di  scrivelu...

Quist'annu cum'è sguasi  tutti l'anni emu avutu dirittu à i  famosi  impristaticci. Allora  ùn  hè micca una scenza  esatta  è  ùn hè  micca  à u ghjornu  vicinu, ma  i nostri  vechji  a sapianu  chì malgradu  ghjurnate viraninche cum'è quelle di quist'annu à  u mese  di marzu, accadia spessu  ch'elli vultessinu i timpurali   i primi ghjorni d'aprile.



Ind'è  noi  'ci  chì u pastore  videndu ch'ellu era  bellu tempu a s'avia pigliata anticipata per fà  a so muntagnera, à l'eplica cullavanu carchi  è  ci  vulia parechji ghjorni. A muntagnera  si facia  piuttostu  di ghjugnu  cà d'aprile, ma u pastore era chjuccutu.

L'ultimi ghjorni  di marzu si ne colla u nostru pastore dicendu :

" Marzu catarzu , figliolu di tagnone, si vale più u mio agnellu  cà  di  tè u to muntone."

Tandu marzu dumanda i ghjorni à  aprile:

"Aprile civile  imprestami trè  die, cù duie  altre  ch'e  ne aghju  faraghju pente u  falsu picuraghju."

Aprile risponde:

"Ti ne impristaraghju trè, ma u prima u tengu per mè."


A sò  chì  sicondu  i lochi,  a legenda di i impristaticci ùn  hè  sempre cusì, questa quì  a  tengu da una  vechja  zia,  in Aregnu  un vechju  a m'avia  conta è  era  à pocu pressu listessu affare ma  aprile  avia  impristatu  di più.


Allora  Lulù  è  l'altri, mittite puru custì e  vostre virsione s'è  vo l'avete.

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Lùlù

avatar

Messages : 768
Date d'inscription : 04/11/2012

MessageSujet: I'imprestaticci   Lun 7 Avr - 15:44

Circione :"Allora Lulù è l'altri, mittite puru custì e vostre virsione s'è vo l'avete."


Ghjuntu à l’ultimu ghjornu  u pastore  Marzu è Aprile sò tanti più
S’era risu di  Marzu : dicendu : camonchji unu che l’altru  
                                                                                                     
«  Marzu catarzu, figliolu d’inviglione
aghju l’agnellu chì pare muntone
è facciu brocciu tamantu pentone »
è Marzu chjama à Aprile :
«Aprile, Aprile, fratellu gentile
prestami dui dìi cù unu ch’o aghju
feraghju pente u falzu pecuraghju! »

Aprile risponde :
« Ti ne prestu trè
Ma u primu u tengu per mè ! »
Dicenu dinò :Aprile scemu è scioccu
Invece di trè li ne prestò ottu !
è sopra l’onde insunnulite
correrà u basgiu d’Aprile !

Di regula muntagnavanu di Maghju per e fiere di San Pancraziu è di Francardu
                     
APRILE

Aprile mese stranu
à groppata piglia mosca
per pienghje à mezu spannu,
stende sole è s’affosca
tene è cappia u veranu

Li trica di ghjunghje dopu,
li scappa l’infurcatura,
passu ingordu, passu zoppu
ùn inganna a natura,
u pilone l’hà Maghjone
per veste tempu è stagione !

§

Lùlù
Revenir en haut Aller en bas
Voir le profil de l'utilisateur
Lùlù

avatar

Messages : 768
Date d'inscription : 04/11/2012

MessageSujet: 'imprestaticci   Lun 7 Avr - 23:27

Avia pruvatu à mette a risposta è una puesia à cantu nantu à tuttu u spaziu
di u screnu :da quessa i punti ch'à sinò u foru scrive sopre è sottu à a seguita .
l'avia messu paru ma puru sorte listessu in catarochju ma si pudia leghje
avà ùn hà più sensu sia ch'ellu hè statu toccu sia ch'ellu s'hè imbuligliatu
da per ellu ?
a prisentazione di u foru puru di technica oghjana, hà un mezu seculu di ritardu
s'ell'ùn si pò leghje in l'unita di u screnu d'un solu sguardu quante nantu à un libru !
Face ch'ùn scrivu più puesie ne mancu a seguita d'Antulugia.
Sò chi s'omu crea un situ HTTP ci si ghjunghje è ùn aghju à nimu vicinu per fàmi una sesta chi passa in ogni lochi .
mi ne teneraghju à a prosa corta o manderaghju un liame cù una prisentazione chi mi cunvene !
l'aghju dettu dinò à Estrimei chi m'hà rispostu chi i risponsevuli di i Fori ùn li davanu
mancu capu !
Chjameraghju à Aprile ch'ellu ci mandi qualch'Imprestaticci" ch'ùn sianu micca
à l'anticogna !
ò u mo tempu à strazii ! è eù chi pensava chi u foru era un spaziu di libertà
simu appiottulati à una scrittura unica !.......................................................!
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: I impristaticci   Mar 8 Avr - 7:15

sò eiu ch'aghju ritoccu
cù i to punti è ùn si sapia s'ellu ci vulia à leghje in duie culonne o micca... ùn s'assumigliava à nulla o Lulù  risa 
cuntava di mettelu in duie culonne, a faraghju ma à dilla farnca ùn cambia tante cose per mè
o allora ci hè un raportu intimu filare à filare chì ùn vecu micca? scemu 


_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: I impristaticci   Mer 9 Avr - 13:08

Eccu o Lulù aghju fattu sicondu a to vulintà...  Wink 

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Lùlù

avatar

Messages : 768
Date d'inscription : 04/11/2012

MessageSujet: I'imprestaticci   Mer 9 Avr - 14:21

Circione a écrit:
Eccu o Lulù  aghju  fattu sicondu  a to vulintà...  Wink 

Ti ringraziu, ma vezzi o vuluntà serianu scutumia mea !
- eccu una scrittura chi si piglia tuttu u screnu di più piacente à leghje
è eccu a sesta chi ci voleria senza esse tenutu à chjamà aiutu per a tecnica!
Sumentre aghju coltu un altru mostu per i nostri 'imprestaticci'
Marzu catarzu,figliolu di pillione*(vechja parulla chi vole dì l'arghjetu,
vistu chi ghjè u Segnu di u Muntone)
aghju l'agnelli tamant'è muntoni
aghju i casgi tamant'è cantoni*(scoglioni)
è facciu i brocci tamant'è spurtoni
Aprile risponde à Marzu:
"ti ne prestu unu, ti ne prestu dui,ti ne prestu trè
ti  ne prestu quattru ma u primu u tengu per mè
è Aprile scemu è scioccu invece di quatru, li ne prestò ottu
L' Imprestaticci,più fola che fanticula ci spiega chi i ghjorni gattivi di Marzu
correnu sempre d'Aprile...
Revenir en haut Aller en bas
Voir le profil de l'utilisateur
SERRA

avatar

Messages : 981
Date d'inscription : 25/02/2012

MessageSujet: Re: I impristaticci   Mer 9 Avr - 21:06

Circione a écrit:


Allora  Lulù  è  l'altri, mittite puru custì e  vostre virsione s'è  vo l'avete.

aaah s'o capiscu ben ci serebbe Lulù e  l'altri : quelli chi sicuramente un hanu micca  avutu a  scenza  d'esse  stati  battisati  rambo
Revenir en haut Aller en bas
Voir le profil de l'utilisateur
SERRA

avatar

Messages : 981
Date d'inscription : 25/02/2012

MessageSujet: Re: I impristaticci   Mer 9 Avr - 21:11

infine eccune un antra (quella  di Pianellu)  spiegà  :

marzu catarzu figliolu di Miglioni
tu ti ne  vai , mi  lasci i mio agneloni
e i mio  brocci tamant'e  pentoni

risposta:

aprile aprile u mio fratellu  gentile
prestamine tre , cun dui ch'o un mi  n'aghju
ch'o faccia pente u  falsu pecuraghju .
Revenir en haut Aller en bas
Voir le profil de l'utilisateur
Lùlù

avatar

Messages : 768
Date d'inscription : 04/11/2012

MessageSujet: Re: I impristaticci   Mer 9 Avr - 21:31

Ghjallochju a écrit:
Circione a écrit:


Allora  Lulù  è  l'altri, mittite puru custì e  vostre virsione s'è  vo l'avete.

aaah s'o capiscu ben ci serebbe Lulù e  l'altri : quelli chi sicuramente un hanu micca  avutu a  scenza  d'esse  stati  battisati  rambo

C'hà dettu l'Altru ?
nunda che per a scusa di salutatti ò Gallò ....è per accunsenteti per 'Pachjò'( ci n'era unu cugnomatu cusi in paese) è per l'imprestaticci di Pianellu
Revenir en haut Aller en bas
Voir le profil de l'utilisateur
Lùlù

avatar

Messages : 768
Date d'inscription : 04/11/2012

MessageSujet: l'imprestaticci   Ven 11 Avr - 9:36


Ùn’hè nunda di lampà a petra in l’onda ò Circiò !
avà ci vole à rende un tastu quentu !
Eccu per l’Imprestaticci è nantu ‘l’onde insunnulite pò corre u basgiu d’Aprile’
ùn ti ferma più che di cuntacci a fola accaduta à u falsu pecuraghju
Gallochju o d’altri a ci saperanu dì…cù e so parulle di tandu !
Revenir en haut Aller en bas
Voir le profil de l'utilisateur
Lùlù

avatar

Messages : 768
Date d'inscription : 04/11/2012

MessageSujet: I'imprestaticci   Jeu 17 Avr - 14:03

Lùlù a écrit:

Ùn’hè nunda di lampà a petra in l’onda ò Circiò !
avà ci vole à rende un tastu quentu !                  
Eccu per l’Imprestaticci è nantu ‘l’onde insunnulite pò corre u basgiu d’Aprile’
ùn ti ferma più che di cuntacci a fola accaduta à u falsu pecuraghju
Gallochju o d’altri a ci saperanu dì…cù e so parulle di tandu !

U tastu si stà per mezu ? Ch'ùn si sente un chjoccu di Circione !
Forse dopu à Pasqua,s'ellu volta di Roma ?
Revenir en haut Aller en bas
Voir le profil de l'utilisateur
SERRA

avatar

Messages : 981
Date d'inscription : 25/02/2012

MessageSujet: Re: I impristaticci   Mar 22 Avr - 21:12

Lùlù a écrit:


U tastu si stà per mezu ? Ch'ùn si sente un chjoccu di Circione !
Forse dopu à Pasqua,s'ellu volta di Roma ?

cu i consgiè ch'elli hanu i nostri amici prufessori quant'à me  stai frescu o Lulù ..  confusu
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: I impristaticci   Mar 22 Avr - 21:16

Iè era in consgè
ma scrivite puru ancu quandu ùn ci sò micca  risa 


_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Lùlù

avatar

Messages : 768
Date d'inscription : 04/11/2012

MessageSujet: I'imprestaticci   Mar 22 Avr - 22:32

Circione a écrit:
Iè  era  in consgè
ma  scrivite  puru  ancu quandu   ùn  ci sò micca   risa 


riposu o vacanza u to tastu hè da compie!
a mo risposta hè scritta ùn aspetta che à tè !
Revenir en haut Aller en bas
Voir le profil de l'utilisateur
Sumenta

avatar

Messages : 2050
Date d'inscription : 25/02/2012

MessageSujet: Re: I impristaticci   Sam 3 Mai - 21:02

Circione a écrit:
Iè  era  in consgè
ma  scrivite  puru  ancu quandu   ùn  ci sò micca   risa 


dimmi appena sò longhe ste vacance di l'Educazione Naziunale. conti di vultà un ghjornu o ùn campi più chè per candy crush?  lingua 
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: I impristaticci   Dim 4 Mai - 15:32

allora ( bench'e sia sempre in  vacanze) ....

O Lulù  chì li  saria  accadutu tandu  à u  falsu picuraghju?  Rolling Eyes

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Lùlù

avatar

Messages : 768
Date d'inscription : 04/11/2012

MessageSujet: l'imprestaticci   Dim 4 Mai - 22:03

Circione a écrit:
allora ( bench'e sia sempre in  vacanze) ....

O Lulù  chì li  saria  accadutu tandu  à u  falsu picuraghju?  Rolling Eyes

ti si quantunque accorsu chi ci'era dinò un chjam'è rispondi
quì à u fucone :
« -Imprestaticci intesi contà da Ghjuvan Ghjaseppu Franchi di LOPIGNA
L’aghju ripigliati di capu, à estru meu ma i truverete in :
‘L’Imprestaticci’ :  FOLE DI MAMMA :
Ghjuvan Ghjaseppu Franchi Cyrnos et Mediterranée 1981 »

                                 « A VINDETTA DI MARZU

U falzu pecuraghju chi avia stuzzicatu u vespaghju cacciendusila cù Marzu hà avutu à pentesine chi Marzu ùn hè micca solu un mese, hè dinò un stellone rossu dà quessa cugnomatu diù di a guerra !
I primi imprestaticci sò stati tremendi : tempurali è guai !
A banda era stata svilita è maladia è scarsia avianu spachjatu e pecure !
Ùn firmava che una pecurella zoppa chi u pastore si purtava sottu à u pilone per tenesi caldi unu cù l’altra.
U falzu pecuraghju ùn era più che un veru specuratu ! : amici e ghjente fughjianu ‘ssu scumunicatu chi campava cum’un rimitu.  
Qualch’anni dopu,à l’attrachju nebbiosu di un trenta di Marzu vede sorte l’ombra d’un omu scappatu d’ùn si sà d’induve.  
L’andaccianu s’era persu per sti lochi è venia chere aloghju è buccone.  
Era d’ùn pezzu chi u pastore ùn avia più parlatu cù nimu ma ùn s’era scurdatu di l’ospitalità di a Mamma : « dà u megliu di cio chi ci’hè, è u megliu di sè stessu »
face entre l’omu à scalassi è ùn truva nunda altru che di sbatte a pecurella per sparte u pastu cù u pocu di castagnina chi li firmava !
Dopu avè lacatu u so saccone à l’omu  si stà à dorme calatu vicinu à u focu.
Quandu l’alba fredda u disceta s’arizza primaticiu per fà dui passi fora
Tempu spalancata a porta, vede u chjosu biancu d’ossi è di capi sprapersi è tandu strida :
« Currite ! currite ! si passa qualcosa quì !
L’omu affacca letu letu, li mette i mani nantu à e spalle è per sopra dice :
« OSSI OSSICELLI
  PECUR’è AGNELLI !
OSSI OSSICONI
PECUR’è MUNTONI ! »
Tandu nasce un chjocculime d’ossi è di capaccie chi s’impolpanu, s’arrizzanu impicciati è braganati di lana !
Tandu, capimachja, u so segnu à l’arechja, a pecurella zoppa arreca a banda à u pastore !
L’omu era San MARTINU !
Forse per dà una murale à ‘ssu fattu, chi fole ùn’hè ! dicenu chi dicenu chi cù i primi soldi di i casgi è i brocci novi, u pastore pulitu è benvestutu hè andatu pietosu à accende un cerone per Marzu è un antru per San MARTINU !  

-BON PRÒ VI FACCI ! »....:Lùlù
Revenir en haut Aller en bas
Voir le profil de l'utilisateur
Circione

avatar

Messages : 2189
Date d'inscription : 27/02/2012

MessageSujet: Re: I impristaticci   Lun 5 Mai - 0:11

à ringraziatti o Lulù  ditone 

ùn sò s'è t'ai vistu ma ci n'hè parechje fole di Ghj Ghj Franchi custì : http://isula.forumactif.com/t223-franchi-ghjuvan-ghjaseppiu

_________________
Spunsurizatu  da l'UNESCO
Revenir en haut Aller en bas
Voir le profil de l'utilisateur
Contenu sponsorisé




MessageSujet: Re: I impristaticci   

Revenir en haut Aller en bas
 
I impristaticci
Voir le sujet précédent Voir le sujet suivant Revenir en haut 
Page 1 sur 1
 Sujets similaires
-
» I impristaticci

Permission de ce forum:Vous ne pouvez pas répondre aux sujets dans ce forum
ISULA :: Per isse sponde è da mare in là... :: À u fucone...-
Sauter vers: