Chjama à i pueti pè i chjami è rispondi di u tredeci di lugliu in Pigna.
Ghjuntu u caldu di l'estate
s'inghjallisce a Balagna
fila u mese di ghjungnu
cù la so dura bavagna
lascia a so piazza à lugliu
chi predisce un cisbugliu.
Ci predisce un cisbugliu
parlu d'impruvisazione
Ô pueti mi permettu
di mandà invitazione
pè sente a vostra rima
chi tengu in alta cima.
Hè tempu di riunione
pè l'anziani è i zitelli
di pudè cantà inseme
tarcanni cù i piulelli
hè tempu di puesia
in a più bell'armunia.
Pè u tredeci di lugliu
bramu vostra cumpagnia
in a Casa Musicale
vi aspettu, è cusi sia
per impruvisà pè ore
è cantà sinu à l'albore.
Eccu a piccula chjama ch'aghju scrittu pè i chjami è rispondi in Pigna
vi dicu à prestu spergu ?
Accueil 
