ESSE O AVÈ ?

Scusate a mio gnurenza, ma si dice piuttostu, parlendu di qualchissia, oghje mortu, chì hà avutu una bella vita, "hè campatu" o "hà campatu" ?

Grazie per una risposta.

Amparatu ùn hè natu nimu è quistione bestie ùn ci ne hè...
A spiicazione gramaticale a ti darà un prufissore ch'ùn a cunnoscu micca ma "hè campatu" ùn mi vene mancu appena è l'impiecu di l'ausiliariu "avè" mi pare ubligatoriu.

Grazie mille o Erbà.
Ne avia bisognu per un testu.

a to quistione è leghjittima nu u sensu chi oghje si sente à spessu impiecà l'aussiliariu "avè" duve l'usu anticu mettia piuttostu "esse" (sicuramente un influenza di u francese) ma in stu casu precisu un si po mete à mo sensu che "hà" . poi dì "s'è campatu(campu)" ma allora cambiemu tuttu u sensu ..

È puri à mè mi veni : hè campatu à u seculu scursu. Ma inveci 'ssu casgiu merzu m'hà campatu.

Mi sbagliu ?

Ghjuvan Filici a écrit:

È puri à mè mi veni : hè campatu à u seculu scursu. Ma inveci 'ssu casgiu merzu m'hà campatu.

Mi sbagliu ?

Mi vene ancu à mè cusì, è ci hè una puesia vechja ( ùn sò più nè u titulu, nè l'autore ) induve ellu hè dettu " Caspita, Prete Paulu, à mè m'hà campatu "

u ghjudice a écrit:

Ghjuvan Filici a écrit:

È puri à mè mi veni : hè campatu à u seculu scursu. Ma inveci 'ssu casgiu merzu m'hà campatu.

Mi sbagliu ?

Mi vene ancu à mè cusì, è ci hè una puesia vechja ( ùn sò più nè u titulu, nè l'autore ) induve ellu hè dettu " Caspita, Prete Paulu, à mè m'hà campatu "

Eiu dicu : Hà campatu

ma, mi dicerete, quale sò...

Una referenza interessante è credibule (ancu s'è nimu pò pratende di esse a Bibbia)

"Syntaxe du corse", Santu Casta, ed CRDP :

Per l'adopru paragunatu di l'aussiliarii "avè" è "esse" in corsu è in francese : paragraffi 166 à 169, pagine 56-57

Unu di i casi pè l'adopru di "avè" ch'ellu mintuveghja hè quessu :
verbes intransitifs qui impliquent de la durée . es : avianu viaghjatu..

Ubbà !
Chì dibattu ! :shock:

Ùn vi possu piattà ch'o sò assai cumossu di vede tantu primura per mè. :oops: È chì puru mi face piacè attempu.

Dunque, s'o capiscu bè, dipende di u cuntestu.
Allora, u cuntestu, ecculu :

Citation :

Gandhi, Luther King, è l’altri
Scunisciuti o famosi
Voi artigiani sgualtri
Di a pace amurosi
Per ell’avete campatu
È spessu fin’à a morte
Per quellu sonniu amatu
Di scambià a nostra sorte.

Ruclinonu Solechjari a écrit:

Ubbà !
Chì dibattu ! :shock:

Ùn vi possu piattà ch'o sò assai cumossu di vede tantu primura per mè. :oops: È chì puru mi face piacè attempu.

Dunque, s'o capiscu bè, dipende di u cuntestu.
Allora, u cuntestu, ecculu :

Citation :

Gandhi, Luther King, è l’altri
Scunisciuti o famosi
Voi artigiani sgualtri
Di a pace amurosi
Per ell’avete campatu
È spessu fin’à a morte
Per quellu sonniu amatu
Di scambià a nostra sorte.

Dunque, in stu casu precisu, cumu si dicerebbe, à u megliu ?

Ruclinonu Solechjari a écrit:

Ruclinonu Solechjari a écrit:

Ubbà !
Chì dibattu ! :shock:

Ùn vi possu piattà ch'o sò assai cumossu di vede tantu primura per mè. :oops: È chì puru mi face piacè attempu.

Dunque, s'o capiscu bè, dipende di u cuntestu.
Allora, u cuntestu, ecculu :

Citation :

Gandhi, Luther King, è l’altri
Scunisciuti o famosi
Voi artigiani sgualtri
Di a pace amurosi
Per ell’avete campatu
È spessu fin’à a morte
Per quellu sonniu amatu
Di scambià a nostra sorte.

Dunque, in stu casu precisu, cumu si dicerebbe, à u megliu ?

per ella avete (o ete) campatu

(è ùn scriveria micca cù un apostrofu : ell'avete )

Di regula per un verbu intransitivu, quand'ellu s'agisce di un'azzione l'ausiliariu hè avè, invece quand'ellu si tratta di u risultatu di un'azzione, di una mutazione o di un cambiamentu di statu, o ancu per un verbu di muvimentu, hè esse.

Dunque s'avaria da dì hè campatu

vi mettu dui esempii cusì capisciarete forse megliu:

hà magnatu, hà pigliatu, hà dettu, hà finitu, hà chjamatu...

hè ingrandatu, hè cullatu,hè ingrassatu, hè magritu, hè ingiuvanitu, hè invichjatu, hè campatu...

in lu to casu pricisu o Ruclì
s'avaria forse da lascià: "per ella ete campatu" perchè quì si mette in risaltu l'azzione, a scelta di campà pè a pace... ?

ma pensu chì a forma più curretta sia "per ella site campati" ancu sì per mè si ponu dì e duie.

Dopu hè un affare di pratica, hà campatu si sente assai mi pare.

o sarà forse forse perchè hè spessu transitivu:

"aghju campatu quì i più belli anni di a mio vita " ?

avà mi diciarete chì s'ellu si cambia u verbu è s'omu mette invichjatu, tandu pare ch'ellu s'imponghi l'ausiliariu esse.

ùn sò ciò ch'è vo ne pinsate...


eccu o Ruclì, cusì ne sai ancu menu cà prima...

Mi sò campatu à leghje tuttu què...

Eh bè !
Vi ringraziu à tramindui per sta bella spiegazione, per u male ch'e vi site datu per mè.
Pensu scrive "Per ella ete capitu", cusì serà più simplice.

s'è Circione hà a ragiò forse chì "campà" rileva di un antru sensu chè a durata ma quellu d'evenimentu
cumu si dice "hè accadutu", per un dettu ...

Eiu vecu chè vo vi campate à spillà e puce. Cum'è i vostri antenati : sò in casa meia!

Dunque, à tutti, tutti quelli chì mi leghjeranu, è chì a vulerianu, vi lampu una piccula sfida.
Ste qualche rime ch'aghju scrittu quì, cumu l'averiate scritte, voi (nant'à u stessu tema, sott'à a stessa forma).

Ruclinonu Solechjari a écrit:

Dunque, à tutti, tutti quelli chì mi leghjeranu, è chì a vulerianu, vi lampu una piccula sfida.
Ste qualche rime ch'aghju scrittu quì, cumu l'averiate scritte, voi (nant'à u stessu tema, sott'à a stessa forma).

campà per a pace? ùn ci sò chè i tonti è i niscentri... :suspect: Chì voli ch'e scrivi nantu à un sugettu simule?

Ruclinonu Solechjari a écrit:

Scusate a mio gnurenza, ma si dice piuttostu, parlendu di qualchissia, oghje mortu, chì hà avutu una bella vita, "hè campatu" o "hà campatu" ?

Grazie per una risposta.

Eiu sò d'accordu cù l'esempiu di Ghjuvan Filici.

"Hà campatu" ùn l'aghju mai intesa (micca ind'istu sensu quì vogliu dì), l'usu hè "hè campatu" par dì chì calchì omu hè mortu vechju par esempiu.
In lu to esempiu mi vene megliu "hè campatu" soprattuttu s'ellu hè mortu, ma par mè u verbu "vive" hè più apprupiatu quì.

Circione a écrit:

Di regula per un verbu intransitivu, quand'ellu s'agisce di un'azzione l'ausiliariu hè avè, invece quand'ellu si tratta di u risultatu di un'azzione, di una mutazione o di un cambiamentu di statu, o ancu per un verbu di muvimentu, hè esse.

Dunque s'avaria da dì hè campatu

vi mettu dui esempii cusì capisciarete forse megliu:

hà magnatu, hà pigliatu, hà dettu, hà finitu, hà chjamatu...

hè ingrandatu, hè cullatu,hè ingrassatu, hè magritu, hè ingiuvanitu, hè invichjatu, hè campatu...

in lu to casu pricisu o Ruclì
s'avaria forse da lascià: "per ella ete campatu" perchè quì si mette in risaltu l'azzione, a scelta di campà pè a pace... ?

ma pensu chì a forma più curretta sia "per ella site campati" ancu sì per mè si ponu dì e duie.

Dopu hè un affare di pratica, hà campatu si sente assai mi pare.

o sarà forse forse perchè hè spessu transitivu:

"aghju campatu quì i più belli anni di a mio vita " ?

avà mi diciarete chì s'ellu si cambia u verbu è s'omu mette invichjatu, tandu pare ch'ellu s'imponghi l'ausiliariu esse.

ùn sò ciò ch'è vo ne pinsate...


eccu o Ruclì, cusì ne sai ancu menu cà prima...

ùn vogliu micca cuntestà u dettu di Circione, forse si dicerà "hè campatu", forse hè più ghjustu, ma u solu difettu di u so ragiunamentu hè chì "campà", à a differenza di "invechjà", "ingrandà", o "cullà", ùn hè nè un cambiamentu di statu, nè un muvimentu, sprima piuttotu un statu cù una durata...

hè solu per fà piacè à i spillatori di puce

Addisperata a écrit:

ùn vogliu micca cuntestà u dettu di Circione, forse si dicerà "hè campatu", forse hè più ghjustu, ma u solu difettu di u so ragiunamentu hè chì "campà", à a differenza di "invechjà", "ingrandà", o "cullà", ùn hè nè un cambiamentu di statu, nè un muvimentu, sprima piuttotu un statu cù una durata...

hè solu per fà piacè à i spillatori di puce

Iè, s'ellu hè mortu ci hè un cambiamentu di statu

À mumenti, seremu obligati di riflette per scrive un corsu ghjustu.

Si sente à spessu : hà fattu u bellu tempu , aghju statu à sente una canzone, hà smaritu, ecc.A mé s'impieghu di "esse" m'introna l'arrechje. Mi pare d'avé sempre intesu piuttostu " hé fattu u bellu tempu , so statu à sente una canzone, hé smaritu....." Mà mi possu sbaglià, o ci ponu anc ´esse parechje variazione sicondu i rughjoni.a mo dumanda hé quessa: ci hé una régula, un usu, o si ponu impiegà i dui ausilarii sénza fà sbagliu ?

Scusate, vuliu scrive l'impiegu di avé m'introna.... É po i mo diti m'hanu traditu....

O Pulvaraghja, quand'è tù lampi un missagiu senza rileghjelu u poi sempre currege dopu, basta ch'è t'appoghji annant'à "Modifier", sottu à u to missagiu, à diritta.

"Citer" hè per cità un missagiu in una discussione induv'ellu ci n'hè parechji o induv'ellu ci hè parechji participanti, cusì si vede à quale ella hè indirizzata a risposta, o à chì missagiu rispondi.

Pulvaraghja a écrit:

Si sente à spessu : hà fattu u bellu tempu , aghju statu à sente una canzone, hà smaritu, ecc.A mé s'impieghu di "esse" m'introna l'arrechje. Mi pare d'avé sempre intesu piuttostu " hé fattu u bellu tempu , so statu à sente una canzone, hé smaritu....." Mà mi possu sbaglià, o ci ponu anc ´esse parechje variazione sicondu i rughjoni.a mo dumanda hé quessa: ci hé una régula, un usu, o si ponu impiegà i dui ausilarii sénza fà sbagliu ?

aviamu digià parlatu di st'affare, s'e trovu u sugettu u ti mettu quì.