ISULA
Vous souhaitez réagir à ce message ? Créez un compte en quelques clics ou connectez-vous pour continuer.


Lingua è cultura corsa
 
AccueilAccueil  Dernières imagesDernières images  RechercherRechercher  S'enregistrerS'enregistrer  ConnexionConnexion  
-24%
Le deal à ne pas rater :
PC Portable Gaming 15.6″ Medion Erazer Deputy P40 (FHD 144Hz, RTX ...
759.99 € 999.99 €
Voir le deal

 

 2084 L'ochji di a muntagna - U Ghjudice

Aller en bas 
2 participants
AuteurMessage
Sumenta

Sumenta


Messages : 2052
Date d'inscription : 25/02/2012

2084 L'ochji di a muntagna - U Ghjudice Empty
MessageSujet: 2084 L'ochji di a muntagna - U Ghjudice   2084 L'ochji di a muntagna - U Ghjudice EmptyDim 7 Oct - 0:14

2084.

Dapoi più di quarant'anni avà, è dapoi l'avenimentu di l'autonomia, tutta a pupulazione di Corsica si cuncentreghja per a piaghja è longu e marine. Solu unepochi chì ricusavanu 'ssu mudellu di sucietà sò stati à campà in l'interiore, abbandunati da i puteri publichi è da i so paisani chì sò falati in ghjò. Un ci hè più strade per ghjunghjeci, ùn ci hè chè piste, a machja, i lamaghji avvampanu u circondu è parenu una fruntiera naturale cun u bor'di mare, induv'ellu si cuncentreghja u sviluppu, a civilisazione, u béton, l'otelli di lussi, e case di ricconi, è i casamenti, rifugii di i disgraziati.
Un ci hè più agricultura per a piaghja, tutta l'economia hè girata ver'di u turisimu, i ghjochi è i burdelli. A Corsica hè diventata u Las Vegas di u mare terraniu.


10 Ghjugnu.

Lili vene di finì di spazzà. U calore angusciante di 'ssu principiu di ghjugnu li ne face falà quattru per ochju, ma ùn hà ancu à finì, li ci vulerà à lavà i piatti, pulì i vetri, è dopu pigliassi una duscia, chì Monsieur Filippon l'aspetta in a camarona. Oghje a moglia ùn ci hè, è 'ssu vechju cuccu hè imburritu, siguramente u calore. Parechje volte, Lili vuleria ricusà, ma ùn a ci face chì Monsieur hè sempre generosu dopu à l'amore. Hè ghjunta à fassi sin'à trè volte a paca di un mese, lasciendusi andà à i capricci sessuali di u banquieru in ritirata. Hè vera chì di e volti, hè dura, e partite à trè cun a moglia, i ghjochi sadomasoscisti, e bucie ch'ellu ci vole à cuntà à u maritu, a sera in casa, parechje volte hà resu di disgustu. Ma hà sempre ricuminciatu, l'hà fatta per u ciucciu, per mette i soldi da parte per pacalli un avvene in altrò, in Francia o in America, ma micca quì à fà u servu à i ricchi, u vidore in un cabbulò, o u cruppieru in qualchì casino.

Hè surtita fora à fumassi una sigaretta, è fideghja ver'di a muntagna. A so mamma li cuntava chì quand'ella era chjuca, da a piaghja si vidianu i paesi di a Casinca, oghje ùn si vede chè machja, u salvaticume à l'infinita.
Forse chì quassù si seria campatu megliu, lenta ghjittendu a sigaretta.
Si volta è riguara u gode chì Monsieur li hà preparatu annant'à u tavulinu.
Chì vulerà fà torna cun què 'ssu porcu..

Lili s'avanza ver' di a casa, u longu di a piscina, è d'un colpu u so sguardu hè attiratu da una mansa di carne tazzata chì reghje custì.
Da u schiffeghju, hà lampatu u gode ind'è a piscina.
Monsieur Filippon hè in tarra, u colpu tazzatu, e tripe à l'infora, u capu ruzzicatu.




1mu d'Aprile. Aiacciu

In u so scagnu, u presidente di regione Paulu Camellu di Rocca Gobba suda cum'è una salciccia. Una catamansa di dossiers li facenu fronte, è in più di quessa ci vulia ch'elli ghjunghjissinu tutti oghje à rompeli e stacche.
S'incende una sigaretta è chjama u so cunsiglieru. A u capu di dece seconde, quellu entre in un pezzu.
Chì ci hè o sgiò presiden' ?
Mr Fillipon, u presidente di l'associu di e residenze sicundarie, m'hà scrittu. Si lagna chì ellu è d'altri anu avutu à soffre miraculi disguasti fatti da cignali chì falanu da a muntagna.
Ié è?
E è, un cornu volu ch'arreguleghjimu u prublema. Puttana, ùn capiscu micca li lasciemu a muntagna sana à 'ssi cignalacci, chì faleranu à facci cacà quì. A crede chì quassù ùn ci sia più nunda à rumà.
Circheremu una suluzione o sgiò presidente. Ci hè altri affari, dicenu chì i naziunalisti volenu fà una manifestazione.
E ghjura la madonna, perchè? Puttana, l'affari eranu chjari, u putere puliticu à noi, i ghjochi è u turisimu à a maffia è à elli i burdelli, ùn anu di chè lagnassi.
A sò, ma à ciò ch'aghju capitu, ùn li hè piaciutu chè vo ricusessite di lascià apre una buatta per issu Fulelli.
Ma sò conni o chè? Un ci hè più acqua,avemu bluccatu tutti i permessi di custruì per u mumentu, a sanu anch'elli. Chì volenu? Chè no collimu à circalla in muntagna?
Dicenu chì ci vole à pensacci.
S'ella fussi cusì faciule. Quale hè chì sà ciò chì ci aspetta quassù? Dimmi appena, sì solu in bureau ?
Ié o sgiò presiden' .
Sò cuntrariatu, ci vole ch'eo mi cacci a piconia, vedi...
Ié o sgiò presiden' .
U giovanu cunsigliere chjova a porta à chjave, poi passa sottu à u scagnu di u presidente, quellu hà digià sbragagliatu u so pantalone, è quandu Stefanu ingolle u so sessu, lenta un suspiru di piacè.
Revenir en haut Aller en bas
u ghjudice

u ghjudice


Messages : 200
Date d'inscription : 26/02/2012

2084 L'ochji di a muntagna - U Ghjudice Empty
MessageSujet: Re: 2084 L'ochji di a muntagna - U Ghjudice   2084 L'ochji di a muntagna - U Ghjudice EmptyLun 15 Oct - 22:16

12 d'Aprile

Kevin spenghje u so tizzone. L'odore di l'arba si sparghje in tutta a camara. S'arrizza è và à a finestra. Aspetta u ritornu di a mamma. Forse ch'ella vulterà cun una bona nutizia, forse ch'ella serà ghjunta à cunvince u merre di dalli una piazza in l'armata di a regione.
Un hè micca chì l'armata u garbi assai, ma à vinti dui anni è sempre senza impiecu, ùn hè più una vita.
Allora, quand'ellu hà lettu a settimana scorsa chì l'armata circava giovani vuluntarii per smachjà in muntagna, hà decisu di pruvassila.
A manighjà falgoni è rustaghje, ùn li face paura à Kevin. Hè ancu abituatu chì avia piantatu dui anni à fila arba. Ma cum'è i so affari facianu cuncurenza à certi grossi di u mezu, li avianu mandatu à dì di ritirassi di l'agricultura. Ciò ch'ellu fece senza mancu circà à capì.
Allora ié, cullà à smachjà a muntagna ùn li si paria tantu difficiule. Soladimente a vuluntà un bastava per esse ingagiatu, ci vulia à cunosce.

Kevin sapia chì u merre avia assai influenza in Aiacciu, a mamma chì facia a cucina ind'è ellu, a li avia detta à spessu.
Ma chì interessu ci averebbe avutu u merre, à dalli 'ssa piazza, vistu ch'elli vutavanu tutti per ellu digià?

Kevin a sapia, chì ùn era stupidu, è avia lettu dinù à Pescianguilla, l'avia lettu bè è s'arricurdava chì a mamma di Pescianguilla per rendeli serviziu s'era data à un sgiò.

Quand'ellu ne parlò à a mamma, quella fù stumacata
Ma per quale mi piglii ? Per una puttana ? Dumandammi quessa, allora chì u to babbu hè mortu chì ùn sò chè trè mesi...

Ma Kevin in più d'esse intelligente era un macchjavellu. Cuniscia e dipendenze di a mamma, sopr'à tuttu à l'arba. E decidì di taglialli e pruviste finch'ella ùn li renderia 'ssu serviziu.

I farri di a vechja vittura si spenghjenu pianamente. A mamma si varca spettinata è sbragagliata, pesa u capu è vede à Kevin chì li face un surrisu.

Preparamine unu, cumenci dumane.
Revenir en haut Aller en bas
 
2084 L'ochji di a muntagna - U Ghjudice
Revenir en haut 
Page 1 sur 1
 Sujets similaires
-
» Ciò ch'eo sò - U Ghjudice
» O sgiò Ghjudice
» Suttimissioni - U Ghjudice
» Amicizia - U Ghjudice
» Amore piattu-U Ghjudice

Permission de ce forum:Vous ne pouvez pas répondre aux sujets dans ce forum
ISULA :: Quandu l'inchjostru sumena :: Bloghi è fori literarii :: The Old Pievan Chronicle-
Sauter vers: