Un sò robba di bel'arte nemenu di bel'cantu.
Un sò robba di museu, ùn sò robba di salone, ùn sò di ciò chì si sparte in l'alta sucietà, ùn sò à u gustu di i bocchifini, nè in l'altari di i sgiò.
Un aghju nisun valore, ùn dò nisun piacè, ùn m'insegnanu in l'alte scole nè in un secretu di i ministeri.
Un sò mancu u cumpagnu di u pupulacciu techju à PMU, loto è Foir'fouille.
Un sò mancu u cumpagnu di quessi chì vanu à tende a so tambara imbuffita di camembert fracicu è di robba cancherigna à tutti i soli chì l'estate ci porghje.
Innò, quessi ùn li possu accumpagnà, chì sò sazii di a limosina ch'elli li porghjenu, sò sazii di e cunnerie ch'elli l'imponenu ogni ghjornu à a televisiò.
D'altronde, ùn passu mai à a televisiò, ùn possu avè a mio piazza trà Secret Story è Plus belle la vie.
Un sò di nisun pulitica, chì à l'omi pulitichi li facciu a paura, ùn sò à fiancu à i Melenchon d'operetta, quelli chì si volenu serve di mè, ma senza mè.
Un sò mancu à fiancu à i disgraziati, quelli chì vanu à i Restos, quelli chì dumandanu a carità,in a so casa di cartone.
Innò ùn li possu accumpagnà, perchè anu calatu e braccie.
Un sò quì per fà riflette, nè mancu per discità e cuscenze, ùn sò materia d'intellettuali.
Eo sò u mughju di l'addisperu, ma micca di l'addisperu chì si rende.
Sò u mughju chì vene quandu tuttu hè persu, quandu l'inghjustizia hè troppu forte, sò u mughju chì vene nanzu à a rivolta scatinata, sò u mughju chì vene nantu à un mondu à nasce di più bellu.
Secondu a canzona di Jean Ferrat " Je ne suis qu'un cri "
Accueil 
