Femuci mottu.

Citation :

« L’alba ch`e so vele hà sciolu
Pare una navicella in portu
In partanza per sponde nove
È cun ella u sole si move. »

Eccu dunque natu un spaziu novu novu cunsacratu à a lingua chì ci piace u più.

Un foru di discussione cù parechje sezzione – lingua, cultura, attualità, ecc.– apartu à tutti

L'idea hè di fanne un locu di spartera, d'amparera è di creazione, un locu induv'elli si pudarianu ritruvà i passiunati è i militanti di a nostra lingua, insignanti, pueti, scrittori, attori di u mondu culturale, è scambià incù tutti l’amatori di lingua nustrale.

Sarà dinù è simpliciamente l'uccasione di fà qualcosa in cumunu è sempre incù piacè.

Da l'avà ùn ci hè ancu nulla di fissu, tocca à ognunu à fà e so pruposte, saria una bona ch’ognunu participessi è dessi u so parè, è a squadra di l’amministratori farà à bella megliu: https://isula.forumactif.com/t53-pruposte-dumande

Eccu.
Siate i benvinuti!

Avà femuci puru mottu – s’omu si vole prisintà – è ch’ella vochi puru a nostra nave.

Mi piace 'ssa sprissione "femu ci mottu"... Ma mi si pare pocu originale di fà e prisintazione da per noi di e nostre persone allora a facciu à modu meiu. A prima dunque :


Petra alta


Petra alta, ah Petra alta... Cumu dì, cumu truvà e parolle ghjuste per prisintavvila ? Una croce, un casticu, un feu, un martoriu ? A più grande vindetta di a natura contru à l'umanità ? U nostru via croce ? Soca i nostri piccati sò stati cusì foschi è pessimi chì a redenzione passa per custì ? Pate à Petra alta.

Hè un pocu cum'è viaghjà scalzu nant'à una brusta ardente, o pusà nant'à un cactus o cacciassi i peli in pettu cù a cerra o inticcià cù u pede in u scornu pinzutu di un pede di u lettu à tempu arritu è mezu discitatu... È quale hè chì a s'appiccica ? Induvinate quale hè chì a si scunfinisce ? Noi o zitè ! Noi ! Mancu l'Egittu è e so sette piaghe ùn pò misurà ciò ch'ella hè a nostra sorte. Ma hè a nostra sorte allora accitemula.

Tittolu, ah Tittolu…... pocu cerbellu ma belle cosce … :twisted:


Sicuramente a cauzione sexy di stu foru (osinnò ùn sò micca à chì pò ghjuvà )

Salute à tutti

pierre laurent a écrit:

Salute à tutti

simplice, ma sempre efficace...

Saluta o zì.

Ghjustu un affari ch'e' vurriu sapè.

A fottò di u to avataru, hè presa in u spittaculu di Koltès ?

Ghjuvan Filici a écrit:

Saluta o zì.

Ghjustu un affari ch'e' vurriu sapè.

A fottò di u to avataru, hè presa in u spittaculu di Koltès ?

Nò , quessa ghjè A Scusa di Pasquale Paoli

cambianu culori e soni a u pede di u San Pedrone
e so i primi pulloni, à l'orlu di u stradone
A l'umbria cinque girate chi vi portanu in Erone
tandu sapete chi si piantanu, strada, chjassi e stradoni
Passatu a "Basgià cuLu", francata a croce a "San Ghjustu"
di i favi, senterete à friscura eppo di Rusiu...ogni gustu

salute a tutti
DIRUSIU

Salute à tutti.

Mi sentu quì appena timicona per micca dì rosia chjarasgina, chì i vostri talenti ùn l'aghju mancu stampa. Eppuru aghju vulsutu arrigistrà mi pè sti lochi per dì vi francu è chjaru ch'eo sò ghjunta quì in grazia di Francesca per vìa di u forucorsu induve mi ne vò di tantu in tantu à scrivacciulà un qualcusella forse aspessu sgalabatu è soprattuttu ch'eo mi campu à leghje vi. I scritti vostri è dinù quelli cupiati sò di li rigali à donu chì arreganu l'incantu à a principiante ch'eo fermeraghju per un pezzu avà !

À ringrazià vi è bravu à tutti !

Una penna di sfughjita...

Ruclinonu Solechjari a écrit:

Perchè mi pare ch'o mi devessi prisentà.

o Ruclì a poi puru fà avà


Salute o di sfughita sia a benvenuta!

DIRUSIU a écrit:

cambianu culori e soni a u pede di u San Pedrone
e so i primi pulloni, à l'orlu di u stradone
A l'umbria cinque girate chi vi portanu in Erone
tandu sapete chi si piantanu, strada, chjassi e stradoni
Passatu a "Basgià cuLu", francata a croce a "San Ghjustu"
di i favi, senterete à friscura eppo di Rusiu...ogni gustu

salute a tutti
DIRUSIU

Siate u benvenutu nant'à Isula!

petra alta a écrit:

Ruclinonu Solechjari a écrit:

Perchè mi pare ch'o mi devessi prisentà.

o Ruclì a poi puru fà avà


Salute o di sfughita sia a benvenuta!

Bene.
M'aghj'à brevamente prisentà.
Aghju parechji nomi, tanti ch'ùn sò più u quale sceglie.
Quì, aghju sceltu Ruclinonu Solechjari, è sò un "abituatu" di monda siti corsi (è altri).
È mi rallegru d'esse quì.

Salute à tutti

ghjunghju avà nantu issu novu spaziu di spartera è di cultura !

Forse certi mi cunnoscenu dighjà, sò ancu nantu u foru corsu, eiu ne aghju ricunnisciutu parechji

allora vi mandu abbracci è saluti

A Prestu

Salute à tutti...cunnisciuti è scunnisciuti...

Tocc'à mè à prisentammi, allora salute à tutti, sò Isulanu.

Vi salutu !

salute o Zifrà! face piacè di rittruvà ti quì!

è, mi piace assai u to avatar !!!!!!!!!!!!!!! chì piacè, trà Petra Alta è tè, simu tranquili avà per ciò chì tocca à i ritratti!



bon, s'è tù pudia mette u ritrattu di u to avatar in mai induve ci hè a canzone u Petti Rossu, mi feria piacè!!!

Allora eiu sò Michela
Invechjendu,fermu zitella
Perchè mi piace à amparà
È in scola sempre andà...
Certi mi cunnoscenu digià
À tutti vi vulia salutà!!!

Hè sempre un piacè tamantu
D'accoglie una socia nova
À mè mi piace u cantu
À tè ti piace a scola
Scrivi puru quant'è tù voli
Chì quì sè in casa toia

zifranu a écrit:

Vi salutu !

Salutà vogliu à Zifranu
Chì u mio estru si move
Quellu hè ghjuntu pianu pianu
Fendu ghjustu ciò chì ci vole
È per tuccacci a manu
Hà scrittu duie parolle

Tandu mi trovu cunfusu
S'e' sò statu rancicone
Oghje ghjornu ùn hè più l'usu
Di fà troppu u sbaccone
Ancu per esse curtese
Vardà ci vole à e spese

Ch'omu vardessi a spesa
Per fà prova di crianza
Quessa ùn l'avia ma'intesa
A ti dicu senza arganza
Fà puru un'antra strufata
Chì soldi n'ai abbastanza.

I prezzi di e parolle
Ùn sò micca tutti pari
Ci sò chì sò di rigalu
È ci sò chì sò più cari
Ùn facciu po' un delittu
Per ess' avaru di scrittu

Saparè chì m'hè uguale
U prezzu di a risposta
Eiu guardu ciò ch'ella vale
È micca quant'ella costa
Ma pè u Chjama è rispondi
Quì ci hè un sugettu apposta


https://isula.forumactif.com/f14-chjama-e-rispondi

"A stella di a sperenza mai si spenghjerà"...

Salute à tutti. Hè sempre un piacè di leghje vi.