Sambu : u draconu di a Gravona

Sambu : u draconu di a Gravona

I

Sò oghji più di deci anni chì sti fatti si sò passati. Ma sò di primura da capiscia a situazioni oghjinca.

Sambu campava cù u so fratellu Edù è u so babbu Arai ind’una casetta, à duii chilometri di a cità di Marani, capitali di u Riami di Gravona. Era stazzunaru Arai, à u serviziu di u Rè. Avia pirmissu à Gravona di vincia a so ultima battadda, cù armi d’una purezza scarsa. Tandu l’aviani rigalatu di middi ricchezzi, ma Arai prifiraia tenali piuttostu chì di fà a spula spula. Edù, 14 anni ùn capia micca è dicia « O Bà, ci voli à prufità avà ! Un ghjornu forsa u Rè ci hà da ripiddà tuttu ! I soldi sò nostri ! ». È Arai rispundia « Sti ricchezzi, ùn valenu nudda. A ricchezza hè d’aiutà a nostra sucità, pruteghja quiddi ind’u bisognu ».
Cù i so 12 anni, Sambu, iddu, ùn avia mancu cunsidiratu a cosa. L’animali è i fiori erani a so siconda famidda, è i soldi ùn ghjuvaiani à nudda. Tandu, parchì rifletta à cosi inutili ? Ma Edù, a sera ind’u so lettu, pinsaia à voci alta : « Voli tena tuttu da par iddu ! Voli tena tuttu ! Avemu da veda… ».
Sò cambiati l’affari quandu Arai feci donu à l’urfaniddaghja una parti di u so tisoriu. A zerga d’Edù ùn si pudia calmà. Parchì l’urfaneddi pudianu prufità di i ricchezzi, è iddu fiddolu di l’Eroi, era scurdatu. È par quissa ch’iddu abbandunò a casetta. Mentri parechji simani, Arai è Sambu si firmonu soli. A perdita di a mamma era stata un mumentu difficiuli, è avà, a famidda s’achjuculia.
Una notti, Edù intrò ind’a casa tali una vulpi, è d’una stilettata tumbeti à u babbu. Ripartì cù tutti i ricchezzi ind’una sapara chì certi cridiani magica.

Quandu Sambu s’alzeti, ùn hè micca u soli ch’iddu vissi prima, ma u corpu di u babbu, appiccatu à a porta. À mezu à u pettu curria u sangui da un tafonu. Nantu à i muri, in lettari rossi, si pudiani leghja parechji paroli disurdunati, senza simetria… Vargogna … Crepa … Opara di spiritu malatu… Traditori …
Sambu si firmò quì, sticchitu sticchitu, mentri 2 ghjorni, senza manghjà, ne beia, ne dorma. Sò i suldati mandati da u Rè chì fessini a scuperta macabra. Circhendu dodeci spadi, aviani truvatu duii corpi ghjacciati, l’unu mortu è l’altru vivu. U duttori vinse ad analisà u corpu d’Arai. U so cori mancaia. U duttori disse chì u dimoniu era intratu ind’u locu. Pinsò ancu ch’iddu s’era chjappatu à Edù. Ma Sambu ùn lu currighjì mancu. Tandu, tutti dissenu chì u fiddolu vivu era diventatu fiddolu di u dimoniu. In chì modu era sempri vivu ?
Si firmò ind’a so sapara Edù, ch’ùn pudia lascià u so tisoriu. Tutti vuliani arrubballilu. I ghjorni sfilonu è Edù si mutò. Fatta fini divintò un draconu, razza smarita dapoi più di duii seculi, quandu u Rè Pasminu a stirpò mentri a Guerra di u focu, a quidda uppunì l’umanità à i draconi. L’ultimu draconu fù tumbatu ind’a sapara duva Edù campaia avà.





II

Ind’a furesta, l’ormi di un cignali guidaianu à Sambu. Dopu à 20 minuti, vissi l’animali. Sbattò u so arcu è u tumbò d’una frezza silinziosa. Feci calchì rituali cù u sangui di u cignali, u purtò sin’à u fiumi è principiò à taddà. Ancu cù u so pesu nantu à i so spaddi, Sambu ùn facia mancu scrucchittà una fruscula. A so marchja era lebbia è assicurata.
Mentri ch’ellu facia i so affari, duii donni vensini à lavassi. Sambu si spiazzò calchì metru inghjò, da ùn scumudà i duii ghjuvanotti. Cantaianu versi scherzosi. U rè era a sibula principali di i canti.
Una manata di suldati sbarconu. L’unu s’avanzò versu à i donni : « Vi avemu ritruvatu. Siguitetici.
- Lu me caru, scurdetivi di i vostri ordini, è viniti cùn noi, ùn simu sbetichi, dissi una donna.
- Sì ùn seti micca sbetichi, surtiti di l’acqua. Cunniscimu i vostri fatti. Aveti arrubbatu parechji omi ind’i taverni di Marani. Dopu, aveti drugatu una squatra di suldati è pigliatu tutti i borsi.
- Hè vera, ùn negu micca. Ma avemu una vita difficiuli assai. Contru à un pocu di riconfortu, allibbiaremu certi borsi...
- Mai. Surtiti avà.
- Gireti omancu u capu.
- Da ritruvacci cù un stilettu trà i scapuli ? Ùn semu micca primi nati. »
Lascionu u fiumi pà a tarra è se vistini. Quandi i tucconu, quatru suldati si trafalonu. I duii altri, chì aprianu a strada, si vultonu, sbattendu i so spadi è si missini in pusizioni. Ma i latri eranu smariti.

Cinqui minuti dopu è à trè centi metri di u locu, riapparini. Fù u mumentu chì scelsi Sambu da fassi rimarcà : « Scusetimi, ma spiichetimi parchì vi lasciaria a vita salva ? Aghju vistu tuttu …
- Tandu, sì ai vistu tuttu, sai chì pudemu divintà invisibili è fughja, o peghju.
- Pinseti da veru ch’eu mi lasciaraghju piddà ? Cumu v’aghju siguitati d’appressu à voi ? È ùn mi fareti mali, i suldati sò soli addurmintati.
- Intarissanti, quali sì ?
- Quiddu chì vi pò purtà à u rè.
- Avemu altri surtileghji.
- Surtileghji ? Ùn mi feti rida. Sò artifizii. I suldati si sò addurmintati par chì aveti nantu à i vostri vistiti una polvara di raticciu. È da pruteghjavi di i so effetti, vi seti spalmà d’unguentu di ragnu d’argentu.
- Cunnosci i mignoculi. Sì un cacciadori ?
- Un pocu di què. Ma aspitteti… Steti à senta. Una vivverna s’avvicina.
- Una vivverna, quì ? Chì ci voli fà creda ?
- Calcosa si passa à punenti…
- Avemu da parta prima chì a vivverna s’affacchessi.
- Ùn muveti micca. Hè quì, abbramata di sangui. Hà sintitu i vostri unguenti. Ci voli à affruntalla.
- Una vivverna ? Ma sì scemu ! Ùn avemu micca l’armi nicissarii.
- Stu locu hè troppu apartu. Andemu altrò, aghju da truvà un tarrenu favurabili. Ma prima, virseti l’unguenti in stu fustu.
- Parchì duvariamu credati ?
- Hè simplici, sia ùn dicu micca a verità, in stu casu, pirdareti un arnesi inutili contru à mè. Sia dicu a verità, è ci sò tandu duii casi. Mi siguiteti è pudareti campà una alba nova. Vi firmeti quì, o ùn mi siguiteti micca, è a vivverna s’hà da tichjà. Dunqua, ancu ind’u casu duva sò un bucciardu, pirdareti soli unguenti faciuli da ottena. »

Ùn avianu mancu truvatu un locu favurebili chì u stridu di a vivverna si feci senta. Sambu piddò una manata di i capeddi unti d’unguenti è l’appicchò à una frezza ch’iddu tirò. « Avemu calchì sicondu in più, avanzemu ! » Eccu, ci era u postu chì avia da pirmetta di vincia l’animali firoci. L’arburi è i rami si facianu stretti stretti. « A vivverna s’hà da batta in tarra avà… »
Sambu piazzò i duii donni è si fruppò ind’una leccia. « Ùn muveti ! Veni ! » L’ali ripiigati a vivverna avanzaia pian’pianinu. Ma si pudia senta l’aria chì escia da u so ceffu. Duii frezzi vinsenu inficassi ind’ogni ala di a bestia. Sambu aghjusteti un ultimu tiru trà i duii ochji. U corpu di a vivverna s’acciccò.
Una donna andeti à veda l’animali. Quand’edda volsi burlassi di a vivverna, i duii masseddi a si strappò. L’altra donna mughjò. Una altra frezza s’inficchò ind’u gargastolu di l’animali. Parechji schizzati di sangui zirlonu è à pocu à pocu cambiò di culori a vivverna, ma ùn lintò micca a so preda. « L’avia privinuta a tinta … ». A viva si firmaia sticchita sticchita. Tandu Sambu a si purtò in ghjò da fughja sta maghjina.

U dolu si pudia leghja nantu à u visu di a donna : « Chì possu fà avà…
- Poi vena incù mè… rispundì Sambu
- Eranu più di deci anni chì nò tarrucavanu insemi…
- Ma v’aghju da purtà à u Rè.
- Cumu ! Mi salvi eppò dopu mi tombi ?
- Hè colpa toia. I to scrucconarii anu pruvucatu parechji liti. È cù sti liti sò morti cinqui omi. Forsa ùn circavi micca què, ma i risultati sò quì. Ogni attu tene i so cunsiquenzi. »
Ricevì una premia Sambu pà stu sirviziu, ma cum’è sempri, a riccusò.

Bravu!hè piacente à leghje.
SAMBU! or basta tù si chì scrivi ò Pennamarina !
sog'ùn paghi micca l'inchjostru,u ti rigalanu à seppia,u polpu è u calamaghju !

Grazia !

Ind'è noi, u ciocciu hè ancu stu bellu animali !

CazzuMarinu a écrit:

Grazia !

Ind'è noi, u ciocciu hè ancu stu bellu animali !

Prima che no ci scontrimu...!

Quessa hè a ràza armata,ràza cioccia o ferraza.
Eù m'appollu nantu à i fili è ellu nantu a so cumare electrica !
Chjamatu 'ciocciu'per via di i so ochji à spessu à u butiru neru !
Ci ne vole dece mille cum'è quessu per fà vinti mill'ochji sottu mare...!

Un scrittu uriginale o Cà...

bravu


D'appressu à mè solu à rivede appena certe forme di u passatu - ma mettu e riserve in la mio currizzione chì a sò chì u passatu cambia spessu sicondu u locu:

Sbattò (infinitivu sbatta ind'è tè micca sbattà)

sceddì piuttostu scelsi ?

duii donni vissini à lavassi. soca voli dì vensini?


dopu ci sò picculi sbagli:

prifiria à tenali piuttostu chì di fà à spula spula.

aviani truvatu

guidaianu à Sambu.

Una manata di suldati sbarconu. (mai h trà c è a,o,u)


Vi avemu ritruvatu (l'accordu cù u cod ùn si face cà quand'ellu hè à a terza parsona)



è infine - s'è tù poi - scrivi piuttostu dui cà duii , hè ciò chè hè "addimessu" ancu si di una certa manera a siconda i si ghjustificheghja.

Ti ringraziu o Circiò !

Hè vera chì cù u passatu simplici/landanu di certi verbi, aghju calchì prublema.

È l'altri sbagli sò pà u più ch'ùn aghju micca rilettu bè.


Ma eiu, quandu dicu 2, si sentenu i 2 i, tandu scrivu duii. Ci hè ciò chì si chjama in linguistica credu, u "ghjattus / jatus". Cum'è quandu calchissia dice 2 / duie, si sente u i.

Quandu dicu 2, ùn micca un i allungatu.

Hà l'aghju da mette pà Chiorboli

Ti ringraziu torna.



Ps : sbarchonu ==> hè parchì avia principiatu à scrive cù i desinenzi in eti/.../etini
Guidaianu à Sambu ==> à quand'ella si tratta di una parsona

Ma sè sicuru pà sbattò ? U verbu sbattà : Caccià un'arme da a so batta: sbattà a spada, u stilettu.

CazzuMarinu a écrit:

Ma sè sicuru pà sbattò ? U verbu sbattà : Caccià un'arme da a so batta: sbattà a spada, u stilettu.

ok
avia capitu male tandu
sbattà và tandu

Per dui truvarè prestu a risposta custì:

i o ii ?

Iè pà i plurali i/ii, l'avia dighjà lettu ind'i libri di Comiti.

È dopu, pà 2, lu scrivu cusì postu ch'eu prunonziu cusì.


Di fatti, ci hè tuttu nantu à stu foru !

iè si sente forse duii... è ancu saria piuttostu un duï
ma à un mumentu datu saria forse bè dinù d'accurdà i nostri viulini...
hè per quessa chì t'aghju scrittu annant'à FB chì certe volte era una bona cosa di siguità ciò chì si prateca u più.

osinnò s'ognunu scrive à so modu, à chì vularà scrive duy à chì duï... à chì farà rivene quella j tantu bramata scrivendu duj, dopu ci lmiticaremu per sapè s'ellu ci vole à scrive duji o duj... quandu ci saremu miticati annant'à què ci tuccarà à risolve u prublema di e cambiarine, ci sarà dunque quellu chì invintarà un sistema di parentesi: mo(d)u stra(d)a ecc. - s'hè vista digià - È à a fine, ci sarà più manere di scrive u corsu cà ghjente per scrivelu, è avaremu vintu tuttu.


(iè a sò, a facciu sempre sta cacciata )

Possu capì, ma

Circione a écrit:

ci sarà dunque quellu chì invintarà un sistema di parentesi: mo(d)u stra(d)a ecc. - s'hè vista digià - È à a fine, ci sarà più manere di scrive u corsu cà ghjente per scrivelu, è avaremu vintu tuttu.

di quale (v)oli parlà , per piaecè ?

---------------------------------------------------------------------------------------------------------------------
CURREGE I MIO SBAGLII ................................ UN GHJOVA A NUNDA

da(v)a un esempiu ghjustu cusì.


perchè ai un'i(d)ea tù?

innò , era ghjstu per fà a(v)anzà a lingua ch'o faecia sta rimaerca

Cust`parli bè!

Hè vera chì 'nepochi di sachants streccianu a lingua invece certi pro(v)anu à rispetta e "regulle" scri(v)endu cum'ellu si parla.

O basta cù i sachant è i sachet ... M'arricordanu un altru foru ...