S'hè spentu Roccu Multedo

S'hè spentu Roccu MULTEDO stu 10 di maghju di u 2013.

Spizialistu di u mazzerisimu – era A riferenza in stu duminiu – , puetu, scrittore, omu di cultura è militante di prima sfiera di a lingua.

Una messa sarà detta in Ghjesgia Notre-Dame-de-Lourdes in Bastia u luni 13 di maghju à 10 ore di mane. L'intarru seguitarà à u cimiteriu di Bastia.

a cultura corsa hà persu unu di i so puntelli ma emu persu sopra tuttu un omu di valore, bravu, fine, à l'ascolta, cultivatu è modestu...scambia di certi chì dicenu ch'un omu cum'è ellu hà arrubatu a so legitimità ...
u mo più grande rigretu sarà d'ùn avè ti micca ascultatu per a visita chì li duvia fà.
era un amicu di u mo paese, un omu ben...pianu pianu si ne vanu tutti sti vechji chì tenimu tantu caru

fottò Storia di Corsica

petra alta a écrit:

a cultura corsa hà persu unu di i so puntelli ma emu persu sopra tuttu un omu di valore, bravu, fine, à l'ascolta, cultivatu è modestu...scambia di certi chì dicenu ch'un omu cum'è ellu hà arrubatu a so legitimità ...
u mo più grande rigretu sarà d'ùn avè ti micca ascultatu per a visita chì li duvia fà.
era un amicu di u mo paese, un omu ben...pianu pianu si ne vanu tutti sti vechji chì tenimu tantu caru

Hè vera ciò chè tù dici, u travagliu ch'ellu fece annant'à i mazzeri hè quellu di una vita, un travagliu di tarrenu, hà campatu à un'eplica chì e tistimunianze ùn mancavanu è hà avutu a pussibilità di scuntrà ghjente d'un antru seculu, d'un antru mondu, ciò chì oghje - malgradu chì certi si piglianu sempre per mazzeri per avè fattu dui sunniacci - ùn hè più pussibule. Ma u so travagliu, bench'ellu s'arrembi annant'à un studiu pricisu di l'usi nustrali in parechji paesi di Corsica ùn hè mancu appena etnocentricu; s'apre dinù annant'à l'universale à traversu paraconi incù altre culture è civilizazione cà a nostra.

Basta à vede u so travagliu annant'à Natalellu di Rusiu per vede chì e cose ùn le facia micca à midità.

Roccu Multedo era un omu di sapè, sempre prontu à riceve è à sparte, à ogni visita ch'e li feciu mi ne dede a prova è fù una furtuna per mè di cunnoscelu un suppulu.

ch'ellu riposi in pace.

ai dettu tuttu...
per disgrazia e leve attuale anu da passà accant'à i so studii è u so sapè...pianu pianu certe parte di a nostra cultura perdenu di u so interessu perchè chì omu ùn assiste più à parechje pratiche o ùn ne sente più parlà...
i mazzeri, l'ochju, u voceratu,...tutte ste cose chì parenu surtite d'un tempu scuru è chì purtantu anu fattu parte di a vita di e nostre famiglie...

M'avia dettu ch'ellu avia un libru di e so prime puesie - accumpagnate da disegni d'e marricordu bè - chì era prontu à sorte.

Spergu ch'ellu sarà editatu listessu.