Ghjovi santu

Ghjustu una dumanda

ind'è mè si dice:

Luni sera [z]
Marti sera [z]
Marcuri sera [z]
Ghjovi sera [z], ecc.


ma:

Ghjovi santu [s] è Vennari santu [s]

soca ci vularia à scrive ghjovissantu o ghjovissantu ùn la sò, ma dimu [s]

mi pare ch'elli mettinu sempre [s] in certi lochi, in Pumonte per esempiu (marti sera [s]) parlu sottu à cuntrollu di l'Erbaghju o di Pinzolu.

È ind'è voi cumu dite?   

ind'è  mè  si dice ghjovi / vennari santu (z)

(San Martinu di Lota)

petra alta a écrit:

ind'è  mè  si dice ghjovi / vennari santu (z)

(San Martinu di Lota)

ùn capiscu micca u doppiu s ?
eu ne mettu duii per sàbatu santu :unu per sàbatu è unu per santu !

Circione a écrit:

Ghjustu una  dumanda

ind'è  mè  si dice:

Luni sera [z]
Marti sera [z]
Marcuri sera [z]
Ghjovi sera [z],  ecc.


ma:

Ghjovi santu [s] è Vennari santu [s]

soca  ci vularia  à scrive  ghjovissantu o ghjovissantu ùn la sò, ma  dimu  [s]  

mi pare  ch'elli mettinu  sempre  [s]  in  certi lochi,  in Pumonte per esempiu (marti sera [s]) parlu sottu  à cuntrollu di l'Erbaghju  o di Pinzolu.

È  ind'è  voi  cumu  dite?   

Iè o Circiò, hè propiu cum'è tù dici.
Si capisce bè inde "dumane à sera" (scritta dumanassera (ceccaldi p.222)) ma ind'è noi, ancu par ùn esse micca incalcati, si dice cusì par i ghjorni di a sittimana :
lunissera, martissera...

Circione dumanda ma ùn risponde più   
o zitelli ci addurmintemu...

Salute
ùn ne sò nulla ma vi facciu parte di raghjunamenti ch'aghju avutu cù unepoche di parsone...

In u viculacciu si dice "lunissera" (è tutti l'altri ghjorni), è "vennarissantu", "dumanassera", etc..
Ma aghju intesu una parsona di u Sia chì dice "lunessera" "dumanessera"… cu "è"

Tandu si dumanda omu s'ellu ùn hè razza di Pater nostru cù un è cum'è ind'è: "cum'è" è "ind'è"   o "quand'è" chì in certi lochi face ì è chì tandu si scrive "quand'ì", "ind'ì"….
Tandu si pensa ch'ellu pò esse "luni è sera" o "luni ì sera"

Pè Vennari Santu si pò pinsà ch'ellu hè "colpa" di u talianu (lingua di a ghjesgia) chì ùn avendu cambierine è dicendu "Venerdì Santo" face chì u corsu si scorda di a cambierina...

A sò hè un pocu   stranu  ma parchè micca...

Po esse chì certe cose ùn si possinu spiecà è chì certi particularità sò da mantene solu  à l'urale...

Sia u benvinutu o Camusgè,

Hè una spiicazione chì mi sende quella di a lingua di a ghjesgia, spiicaria u vennarissantu ; ghjovissantu / venari sera; ghjovi sera di i nostri lochi.

altra rimarca pertinente, quella di a scrittura. Forse ci vularia à lasciallu sempre scritta vennari santu ancu quandu l'usu lucale hè di dì quantunque [s].



PS: dumanassera ( dumane à sera? ) si diciarà po dapartuttu innò?