u Veranu di u Foru

Aprile capricciosu è per u più alpestru ùn si pò sghisgià quandu a natura cambia d’andatura .
Avia scrittu qualcosa è casca propiu di sparghjelu, ma forse u tittulu ‘  Veranu di u foru’ ùn cunvene
è ne pudete prupone un altru !
In tantu, ghjè un tempu di rinnovu d’ùn estru frescu è zitellinu per a puesia è pocu impreme à rima o nò
per fà si sente :
« Chi ne pensate ? »

di sti tempi ùn ci sera nimu chi sente furmiculà i so sensi inradicati per prupone un scrittuciu veranile
frescu , andante è saltarinu ?

ancu di grazia Sperenza qui sopre in 'Prosa' ci manda qualcosu sottile è pueticu !
un bon estru ùn dorme mai !

eccu per noi :l'OCHJU

"Bonjour

Comme un diable au fond de sa boîte,
le bourgeon s’est tenu caché…
mais dans sa prison trop étroite
il baille et voudrait respirer.
Il entend des chants, des bruits d’ailes,
il a soif de grand jour et d’air…
il voudrait savoir les nouvelles,
il fait craquer son corset vert.
Puis, d’un geste brusque, il déchire
son habit étroit et trop court
"enfin, se dit-il, je respire,
je vis, je suis libre… bonjour !"

Paul Géraldy (1885-1983)

Cum’elle sò scuntrine e muse o Lùlù !!!L’aghju chersu qualcosa di « veranile è andante » ed eccu ciò ch’elle m’anu mandatu…un scrittu auturnale chì sente i rimpienti…Pocu veranu !!


                   Core in esiliu

Perchè mi seguitate sinu à l’esiliu amaru ?
u mo core ùn hè rusta, a passione si stanca
chì valenu e parulle quandu l’amore manca
chì valenu i diamanti i campi di denaru ?

Contru à lu vostru pettu ùn trovu più riparu
è chjode vogliu u libru di ‘ssa storia scianca ;
ùn seremu più dui à pusà nant’a panca
cum’è quandu eiu è voi ci teniamu caru.

Ùn hè luntanu u tempu chì l’amore chjamava
sempre à u vostru latu i mo ghjorni passava
di mele eranu l’ore è dolci li mumenti.

Po vense u tempurale è e crudele acquate
ch’anneganu l’anelli, i fiori d’e spusate
è lampanu e saiette nantu à i sentimenti.

                       

SPERENZA hà scrittu :
- ‘Cum’elle sò scuntrine e muse o Lùlù !!!L’aghju chersu qualcosa di « veranile è andante » ed eccu ciò ch’elle m’anu mandatu…un scrittu auturnale chì sente i rimpienti…Pocu veranu !! ’

una Musa Sola qualsianu e stagione, scuntrina à chi seguita a lingua senza imponeli ne morsu ne rime sbuchjate una à una : ti tengu appena ..assai
auturnale ùn vole dì :
« quandu vene l’auturnu è l’anima matura
u core mucatu è bizzu s’avvampa di primura
di fà u so veranu… d’una vera scrittura !

u to scrittu ci casca paru è u to ‘Ricordu d’Ellenia’ dinò
avemu tutti un veranu à mente è una sperenza à vene
nimu ùn hè sorpresu di vedeti affacà ..à tempu à tempu ! VERANU !

eccu l’Ascensione… mi spicciu… nenzu à l’alba !

Quandu u Veranu ùn pò spalancà a porta …affacca per u purtellu
Una rondina Colombiana è quella di u chjamu è rispondi hanu quantunque
mossu duie fronde !

Bellu sunettu o Sperenza , ùn l'avia micca vistu!

Circione a écrit:

Bellu sunettu o Sperenza , ùn l'avia micca vistu!

un sunettu di lacrime !...sonette d'alarme ?

Attenti o ghjente ! Sperenza è u so Cry me a river hà da annigàvvi !! Chì 'ssu ghjornu di Pentecosti vi dia forza tandu !!

Circione a écrit:

Bellu sunettu o Sperenza , ùn l'avia micca vistu!

Ti ringraziu o Maestru !

Sperenza apre un Titulu à scrittu à colpi di sunetti di bon estru è ghjè un piacè di
ritruvala à stu livellu
mi permettu di risponde in dui lochi à tempu è a mi portu per u ‘veranu di u foru’

À l'iniziu era a pace a bianca culomba <<<<<<<<<<< À principiu era a natura, unica fresca è sana,
i ghjochi d'i zitelli e stonde inzuccarate <<<<<<<<<<<fruttiva in paradisu d’una sola stagione,
oghje hè cambiatu tuttu hè fughjitu l'estate<<<<<<<<ùn cuntrastava u tempu a pace di u rughjone
disgraziata cità sott'a l'orrenda bomba <<<<<<<<<<carezzatu d’un aldu, senza alcuna buriana.

Si sente in ogni cantu a saetta chì fromba < <<<<<<<<Ma l’omu sunniava d’una vita pagana,
vecu a mo ghjente offesa e mamme spaventate <<<<< li tricava d’impone a so scema ragione,
circà per a ciucciata u pane eppo u latte <<<<<<<<<< in brama d’un veranu è d’un novu fiurone
è Falcina ogni ghjornu scavà qualchi tomba.<<<<<<<< vulia sparte u tempu à colpi di furlana .

S'arricorda l'aranciu, a palma è l'alivu <<<<<<<<<<<< Vindetta di natura, stagione cambiarine
d'u benestà passatu è d'un amore vivu <<<<<<<<<<< u veranu giocondu, misura e so cunfine
nant'e sponde sacrate di u mare d'azuru <<<<<<<<<<di sogni è di sperenze, ùn si face pruvista.

S'infiara a Sperenza, spalanchendu a porta<<<<<<<<<Giuventù o veranu, mai ùn si riacquista,
per dì à l'omu mansu d'un versu sicuru<<<<<<<<<<<a nozza di Pulcinellu ci stalva muralista
rivenerà dumane a Pace unancu morta<<<<<<<<<< «I verani so gobbi à tempu à e statine ! »

Grazie per u cumplimentu è a to risposta in versi picci...  

Hè a Culomba ch’hà purtatu u mo estru sinu à l’alte cime, per e cunfine luminose d’a lingua inveranita.

Ma corciu ch’ellu hè ! Oghje hè rifalatu in terra è s’arricorda di quellu Albatru…

[quote="Sperenza"]Grazie per u cumplimentu è a to risposta in versi picci...  

Hè a Culomba ch’hà purtatu u mo estru sinu à l’alte cime, per e cunfine luminose d’a lingua inveranita.

Ma corciu ch’ellu hè ! Oghje hè rifalatu in terra è s’arricorda di quellu Albatru…[/quote

cumplimenti ùn a digu ! è so frizzu per e lode chi si coglienu cum’è i fiori per penciulà di capu !
solu un salutu se leghju qualcosa à pasce di tastu è di scrittura
simu quì per fà campà a lingua micca per ch’ella ci servi a suppa !
ùn simu  à ‘dite a vostra’ à fàssi valè cù ciò ch’ùn vale è passassi a manu
nantu à i capelli cum’è i pinzuti !

ne albatru ne sbiru ùn hai l’ale longhe da ùn pudè vulà è ùn si mancu Icare
chi se tu caschi sola di u veranu e to ale assestate ti porteranu più sù !
si per strada è camini…. cansati sempre se tu mi sì vicina !

in tantu chjocca torna di sunettu …era à spessu l’usu à quelli tempi !

Lùlù a écrit:

si per strada è camini…. cansati sempre se tu mi sì vicina !

Mi canseraghju à salutàtti un ci hè penseri; o sì qualchi capatoghju vitturaghju ci face scuntrà torna   ...a dicia in burle più sopra ma feria prò di tantu in tantu un paghju d’ale, per move.

Micca di cera chì u sgiò Estate hè per ghjunghje cun i so forni…è Veranu si tirerà l'usciu !!

Sperenza a écrit:

Lùlù a écrit:

si per strada è camini…. cansati sempre se tu mi sì vicina !

Mi canseraghju à salutàtti un ci hè penseri; o sì qualchi capatoghju vitturaghju ci face scuntrà torna   ...a dicia in burle più sopra ma feria prò di tantu in tantu un paghju d’ale, per move.

Micca di cera chì u sgiò Estate hè per ghjunghje cun i so forni…è Veranu si tirerà l'usciu !!

-Ci'hè sempre un veranu à mente à qualchissia

à chì ùn hà ale, li basta una penna per move qualchi scrittu

Ogni parulla hè acellu !

dopu à u bonjour di l'ochju di paul Geraldy quì sopra ....

Scrittu per Anghjulu ghjuvanu Luciani di Petralba per a prima affaccata di CAPARRITU à RCFM

            OCHJU


l’Omu pianta cù fede
leva nova è fruttetu
chi li trica di vede
spuntà l’ochju è l’insetu
è di coglie per crede
u fruttu di l’erède.

Scappa l’acqua surgente
cù  funtane surelle,
d’un spicciale putente
cerca d’embiu è paghjelle
sottu terra à l’arochju
di fà rinasce l’ochju.

Tempu intesa a nutizia
che l’acqua hà vintu a scumessa
é l’erède a prumessa
d’esse leva é divizia,
si ralegra a famiglia
di l’ochju chi spampilla
tale a surgente stessa.

Di l’ochju riparte l’insetu
é d’a so acqua a fede !

                 § Lùlù

Culuriti è bavacciuloni l’avete forse visti di sti tempi :

Tastu è scrittura veranile
di Ghuvan Petru Ristori :


I TRÈ MUCHJI

Trè, simu trè di famiglia
Trè, è di casata Muchju.
In più d’una vaga sumiglia
Tutt’è trè stupemu suchju.

Verde cum’è si deve
Primu crescu ignilocu.
U mo fiore hè di neve
Ma per muscu vale pocu.

A fiore ruseu, scarsu
Hè u fratellu secondu.
Da valle à poghju, sparsu
Puntighjeghja u circondu.

U terzu, culor d’ogliastru,
Cù  fiore à torlu d’ovu
Gode terrenu salmastru
È anch’ellu hè di ghjovu .

À chi di capu à chi di pettu
Ognunu hà u so difettu !

…….GHJUVAN PETRU RISTORI

Bellu puema fiuritu, propiu di stagione...

Mi permettu d'aghjustà 'ssa pagina d'a Wikipedia corsa :http://co.wikipedia.org/wiki/Muchju.

Prima ùn ci’era che belle stagione !
ci vole à esse vechju per sapè :
« Ch’ùn simu fatti che per u veranu ! »

Ma :
« Un vechju melu ùn face micca mele vechje…hè sempre tempu per u novu ! »



À l’embiu di la Natura
sbuccianu  arte è passione
quandu quenta di fatttura
c’infiurisce u rughjone
di pittura è di scrittura
fàte torna creazione.

Mandatene sempre un pugnu, ingutuppatu in un pezzu di veranu chi sperienza ci n’hè…ancu per a serva *
*( prima quandu nascia a baruffa in casa dicianu : « ci n’hè statu ancu per a serva )

Veranu,amore è ghjuventù
PATCHWORK : cacciati dà i mo scritti :

sunettu ‘à umbria di u spechju’ :

Vita è natura in festa,  facenu fiure è rime,<<<<<< Vie et nature en fête, ne sont que poésie
anu a stessa sesta,  veranu o vaghjime, <<<<< sans un mot pour l’écrire,et sans langue choisie    
li corre u trimulime dà u core à a testa.<<<<< elle n’est que ce frisson, qui vous monte à la tête.

‘Tempu è ora ‘ :

Salutu a mo ghjuventù    
chi l’aghju di tupezzu,
A mo musa à l’insù  
a rima cù u versu
D’amore canta à spessu  
ora ch’ùn ci n’hè più.

‘U dirittu’ :

Nantu u ceppu norchjutu nasce u bellu insetu.
    Ancu u disgraziatu s’avvampa di primura,    
 u so amore vale più ch’u mo veranu freddu.

‘ Estru di terra croscia :

À l’inscontru di u primu basgiu <<<<<<<< Au rendezvousdespremiers désirs
u core batte u chjoccu, <<<<<<<<<<<<<< le cœur dans la fleur de l’age
tutti i sensi sò à l’asgiu <<<<<<<<<<<<<< incite les sens au plaisir
colmi d’un frizzu scioccu…<<<<<<<<<<< de butiner les corsages
muscante di machja croscia . <<<<<<<<<< aux senteurs de terre sauvage.

‘Petra frisgiata è Segni’ :

Si vede ancu a riviglia
caccià torna di veranu
un ochju chì spampilla
d’un estru paisanu.

Senza scrittura trasmessa
si sente a paghjella
à nimu sottumessa
sorge sempre nuvella .

Sò l'ultime buccate di Veranu. Da quì à trè ghjorni si tirerà l'usciu...ci firmerà u toiu, per furtuna, d'estru allegru è canterinu.
Una campa !!

Sperenza a écrit:

Sò l'ultime buccate di Veranu. Da quì à trè ghjorni si tirerà l'usciu...ci firmerà u toiu, per furtuna, d'estru allegru è canterinu.
Una campa !!

Eccu u veranu di u nostru Foru :
à SPERENZA :

È po si ghjunta feminile <<<<Et tu es venue feminine
tale a guazza sottile <<<<<<<raviver l’indolence
nantu una pratelina <<<<<<< du printemps qui lambine
<<<<<<<<<<<<< <<<<<<<<de ta rosée d’espérance