u Veranu di u Foru

Sperenza a écrit:

Sò una ninfa una fata
di lume d’oru nimbata
venuta à cantà Veranu
da scaccià dolu è affannu.

Cù tè cum’è fata… u veranu …l’averanu !

A foto hè ‘Kitch’ lazza e virtuale è puru per una ‘libeLulùle’ pare ‘a pompa barbie’
scappata d’inde Peter Pan !

Per l’omu u veranu hè compiu è soli a Natura è u Tempu ùn a sanu !

Veranu mezu mezu , tantu per l’ortu che per u Foru è mancu Ghjugnu ùn hà dettu di sì… da pudè scrive :

« A mo groppatella d’aprile hà levitatu à l’intornu
sumente, estri, aiccu è tuttu u vicinatu,
u sciuscettu dà à i scritti un bellu spornu,
a lingua mesce è si sparghje per u pratu
ognunu si diruzza è spula u frastornu ! »

basta pocu per un rasgiu di Veranu : pò affaccà à bon prò ….qualssia u tempu di a vita !

« Core à umbrìa,
abbrìu d’albore
d’un rasgiu di puesìa »

u veranu vene à quellu chi scrive per appruntàne d’altri
« Li pò vene…u li preghemu »

MANDU à u LETTORE

à chi sì? tù chi veni, sempre ciattu à l’ascosu
per piglià nova è scappà à tintenna tuppata,
mezu saziu d’ùn pudè leghje primurosu .
ch’un suppu di manna , da l’altri suminata .

Ùn lachi per vistica è per sola ruspata
che l’ansciu di un sguardu , lebbiu ma slaziosu
di mandà a dumane, a to prima impennata.

Da chi ghjè ? chi fermi dubitosu
di fà sente a cumuna parlata
s’ella ti vene à mente …a teni incavestrata .

Stu mottu ùn hè rimprovu ! ò caru zittu fidu :
« senza tè à l’ascolta !... mi staria rimitu ! »

Lùlù a écrit:

u veranu vene à quellu chi scrive per appruntàne d’altri
« Li pò vene…u li preghemu »

MANDU à u LETTORE

à chi sì? tù chi veni,  sempre ciattu à l’ascosu
per piglià nova è scappà à tintenna tuppata,
mezu saziu d’ùn pudè leghje primurosu .
ch’un suppu di manna , da l’altri suminata .

Ùn lachi per vistica è per sola ruspata
che l’ansciu di un sguardu , lebbiu ma slaziosu
di mandà a dumane, a to prima impennata.

Da chi ghjè ? chi fermi dubitosu
di fà sente a cumuna parlata
s’ella ti vene à mente …a teni incavestrata .  

Stu mottu ùn hè rimprovu ! ò caru zittu fidu :
« senza tè à l’ascolta !... mi staria rimitu ! »

Bravu o Lulù, ghjugni in ognilocu.

« à chi piace à CIRCIONE ..hà vintu a ghjurnata !

D’un colpu di maghjincata, chi si vale duie innacquate sì ghjuntu à assuvà ssu tastu
chi à tempu à u to rasgiu di veranu….s’hè spenciulatu per arrizzà u capu!
Aghju piacè !.... chi per fà china cù Circione o un Niulincu ci vole à stantà è mastucà una stonda ! Ma tandu hè festa !.. ghjè a STANTA DI U NIOLU

CARU LETTORE :
« sappia chi : m’era ghjuntu u primu filare è ùn truvava l’andatura, ma via via, tuttu scumbattendu per l’ortu l’aghju accunciatu à l’antica… di capu !
è forse sente appena u basilcu è u petrusellu chi eù avà… u mi tengu à ‘MENTA !
-Prima di scrive…. prova à dilla di capu è tandu ….ti senteremu :
« SE TÙ HAI a VISTA cum’è TÙ HAI a LINGUA
hai di sicuru u NASU FRUSTU DA I SPICCHJETTI ! »

Un veranu senza Sumenta di Petra Alta ..e cugliere seranu poche !
a salutemu per tenecila à vicinu

Serete stunate di truvà ssu tastu à mezu à PUESIA ? à principiu,a si valia è ghjè cascata cusi,
ma sapete, di veranu fiuriscenu ancu e cianfene,... è parechje sò belle !
è pò a Puesia ùn hè solu e rime, ma quessa a viderete
in tantu… à passà tempu : duie rime.... senza :

«Per sti filari à trè soldi
cù e so fiure à piccioli
per salutà vi vale
un paghju di stifalli
è una soma di sale
d'a mo zucca per falli,
mi basta per pagalli
di sente i vostri sciali !
                                     Lulù

Veranu, Ghjuventù,Amore, ricollanu sempre à gallu !
è postu chi simu nantu à ‘Puesia’ sciacchemuli in tantu, duie rime rinfrescate da u fiumicellu


SALTI IN BOCCA


D’un saltu sgualtru
d’un scogliu à l’altru,
ghjoca zitellu
per fiumicellu.

Per fà risate,
ò per sbaccate
tira u saltu
sempre più altu.

à stantu è straziu
a vita scorre,
mà sempre l’aziu
apressu amore
manda per nantu
versu è cantu.

Brama è razza
sempre si tene,
oghje mi vene
pensata pazza,
rifà saltate
d’e prime annate.

Di rima in rima
ancu u vechju
salta per cima
u stranu spechju :
trova zitellu
per fiumicellu !

§
Lùlù

Aghju scrittu sopra :

Un veranu senza Sumenta di Petra Alta ..e cugliere seranu poche !
a salutemu per tenecila à vicinu

-una fiurata di veranu ùn hè mai persa ! :

« tuttu vene in tempu è ora, eccucci chi ghjè ghjunta, à spalanccà un rinfrescu di veranu, vulendu tal un’apa d’un tastu à l’altru, sempre vistuta di neru misteru, passa per e case, dà camera in salla tale Barbara in un frusciulu prufumatu di toga chi si svene annebbiatu più prestu che un veranu spaventatu !

ci ferma a so ‘zampata’ di che leghje dà sopra à sottu un graspollu ‘d’uva zampina’
è di che fighjà un focu stellatu … megliu ch’un 14 di….( Lùlu ) ! »

Ci’ anderianu bè quì… e so ‘foto’ !