Circione
Messages : 2212
Date d'inscription : 27/02/2012
 | Sujet: A Francia fora!  Sam 9 Juil - 11:45 | |
| L'altra sera in Bastia falemu in piazza incù u mo cuginu à bardà u macciu, Francia Islanda. Ci stallemu in tarrazza davanti à unu di i screni surtiti apposta per l'uccasione. Attavulinati appena più in là, trè Casinchesi. Vò à falli mottu, chì ne cunniscia unu, un anzianu macillaru. Voltu subitu à a mo piazza chì a partita hà da principià. È tandu cummencia a cumedia... À u tavulinu accantu ci eranu i giovani, unu in particulare, accanitu contru à a Francia, è chì a facia sapè à tutti : Mughji, ghjasteme, infine lascemu corre. À u tavulinu davanti, un antru giovanu, accanitu anch'ellu contr'à a Francia. À a minima uccasione islandese, s'arrizzava, mughjava, sbraccittava, ecc. ma ùn era micca islandese manch'ellu. Pensu ch'elli eranu corsi tramindui issi giovani, dicu pensu perchè ùn l'aghju mai intesu parlà corsu di tutta a partita. Quelli Casinchesi, elli, francese ùn ne parlavanu. Eranu anzianetti, i sintiamu, parlà è ciarlà incù isse voce forte è schiette ch'elli anu i nostri paisani. Quand'ellu s'arrizzava u giovanu, i trè vichjetti u bardavanu stupiti   , chì ùn avia tantu un fisicu di Vicchingu . Allora ùn capianu micca tantu ch'ellu fussi " à fondu " cusì. Ci vulia à vede a cumedia ch'ellu facia... Ùn la sò s'elli eranu pè a Francia i trè Casinchesi. Pò ancu esse. O saranu forse stati cum'è mè : nè pè a Francia nè contru. À dilla franca eiu saria quantunque statu appena di più per l'Islandesi perchè a billezza di u sportu hè dinù di vede piccule sguadre di picculi paesi sfidà e selezzione di paesi supposti più forti ( http://www.francetvsport.fr/football/euro/euro-2016/france-islande-le-choc-des-extremes-en-infographies-342885 ) è ancu guadagnà. Ma ci vole à dì dinù chì subitu compii l'ottesimi di finale, avia scumessu annant'à una finale Francia - Purtugalu. Si face chì in casu di vittoria contr'à l'Islanda avia una cunsulazione. Ùn pensu micca ch'elli appiinu capitu a riazzione spripusitata di stu sustenitore "islandese" i trè paisani . Eiu invece pensu d'avella capita. Esse per l'Islanda - o piuttostu contr'à a Francia - hè una cosa, falla sapè à tutti hè un antru affare: palesa un bisognu d'affissà a so "identità"è di fà vede à tutti chì malgradu l'apparenze, site corsu, perchè ùn sustinite micca a Francia. È ùn vi parlu micca di quelli chì u ghjornu ch'ella ghjoca a Francia contr'à l'Algeria tantu si stanu zitti... " Forza Algeria" da l'avà ùn l'aghju ancu à vede annant'à Facebook  . D'altronde postu ch'e parlemu di Facebook, custì hè longa a cumpagnia di quelli chì anu avutu stu bisognu di "ghjustificassi" è di pricisà chì elli, ùn eranu micca pè a Francia. Eppo' di sapè s'elli si sentenu corsi o francesi ci n'impippemu, innò? Chì n'emu da fà di e so frustrazione? Infine, lascemu corre... Eccu à ciò ch'e simu ghjunti o ghjente, una sucetà di frustrati chì cuscenti – o innò – d'assumigliassi in tuttu à i so nimichi i Francesi, risentenu u bisognu di mustrà ch'elli ùn sò micca cum'è elli.   Ne parlava digià appena dui anni fà  custì Ma vecu chì dipoi u Mundiale ùn emu avanzatu tantu...  | |
|
Erbaghju
Messages : 482
Date d'inscription : 29/02/2012
| | Sujet: Re: A Francia fora! Mer 13 Juil - 9:40 | |
| | |
|
Circione
Messages : 2212
Date d'inscription : 27/02/2012
| | Sujet: Re: A Francia fora! Mer 13 Juil - 15:25 | |
| hahaha, hè vera, ma à u ritimu ch'elle vanu e cose annant'à u foru, un sugettu riscaldatu tutti i dui anni hè a nostra vitezza di crucera !  | |
|
Sumenta
Messages : 2052
Date d'inscription : 25/02/2012
| | Sujet: Re: A Francia fora! Lun 3 Oct - 18:47 | |
| - Circione a écrit:
- hahaha, hè vera, ma à u ritimu ch'elle vanu e cose annant'à u foru, un sugettu riscaldatu tutti i dui anni hè a nostra vitezza di crucera !
Pruvemu un sugettu novu tutti i dui anni  Un foru hè propiu u cuntrariu di sta cunneria di FB. Quallà pudemu truvà assai sugetti. E letture ùn mancanu micca ma per a qualità ghjè un'antru affare. Truvemu tuttu è n'importa chè. Trà quelli chì si guardanu u billicu, e lite, e bucie, e futilità, i genii scunnisciuti emu u nostru contu. Purtantu, ogni ghjornu, ci ritruvemu nant'à sti muri puzzichi. Saremu "masò"? Ci vole à ricunnosce chì ci dà dinù a pussibiltà di scuntrà persone di qualità ma sò talmente scarse...  | |
|
Contenu sponsorisé
| | Sujet: Re: A Francia fora! | |
| |
|
