Sugettu: U vutaranu in veru à Paquale Paoli quelli di Leia Naziunale?
(pudarete scrive o parlà in francese postu ch'è vo site naziunalisti, è ancu in inglese postu chì "Corsica is not France")
Introitu:
un picculu puntu annant'à i risultati di u primu giru po ci vole à fallu:
Tesi:
Una chjama à vutà Pasquale Paoli... incù scrittu sottu " mancu un votu per Macron " A videò hè à carrica contr'à Macron ma mancu una parolla annant'à Marina
Ma s'omu leghje i cummenti pare chì u missagiu - appena - piattu sia passatu binissimu :
Vutaranu Pasquale Paoli in veru? Dui elementi di riflissione torna incù a Manca Naziunale :
Stu sicondu ducumentu vene di Metapedia... Eccu u ligame di l'uriginale quì
S'è vo ne vulete sapè appena di più annant'à Metapedia cliccate quì.
Sintesi:
Davanti à tante incuerrenze avariamu da sbuccà annant'à un disaccordu prufondu trà i naziunalisti di manca è i naziunalopenisti... Ma s'e ci fidemu di e so cunsigne ci arvidimu chì l'affare hè più cumplessu cà cusì:
In un'antra videò, Leia Naziunale finisce per cappià ch'elli sò dinù contr'à Le Pen ancu sì u so nimicu maiò resta Macron.
Da l'avà ùn si sà ancu ciò ch'ellu pudarà dà stu muvimentu. U periculu maiò, hè ch'elli rieschinu à scunvince unipochi di giovani Corsi in perdita d'identità, è d'ingannalli fenduli siguità una via cuntraria à quella di u naziunalisimu corsu.
U fattu si stà chì ghjornu ch'elli piantaranu a pulitica puvaranu mandà e so videò à FR3 per pruvà una ricunversione annant'à Viastella cum'è Deschiens nustrali:
A manca anch'ella chjama chjaramente à l'astenzione: " Nè fascisti, nè patroni, autodeterminazione!"
Chjudenda:
U naziunalisimu corsu hè diversu. N'avemu torna a cunfirmazione trà i dui giri di sta prisidenziale. Da a chjama chjara di Gilles Simeoni à vutà contr'à Le Pen(cliccate quì), à quella di Jean-Guy Talamoni chì lascia a scelta à "i soi " sia di fà cum'è ellu ùn vutendu micca, sia di vutà Contr'à Le Pen (cliccate quì) , passendu per e chjame à l'astenzione di Corsica Libera (cliccate quì) , di U Rinnovu(cliccate quì) è di A Manca ((cliccate quì), ci arvidimu chì st'elezzione "chì ùn ci cuncerna micca" ùn hà ancu finitu di fà corre inchjostru virtuale annant'à i muri.
Riflittite quantunque o fratelli, chì l'astenzione hè piriculosa assai. Ùn vutà micca, o vutà "Pasquale Paoli", a cosa hè listessa, rivene à lascià a pussibilità à Marine di passà. S'è ùn andendu micca à vutà, femu a listessa scelta cà Leia Naziunale...
Marine ùn passarà pò esse micca da partuttu, ma pudemu scummette ch'ellu ùn sarà micca Pasquale Paoli u prossimu prisidente di a Francia. Eppo' chì n'avaria pinsatu ellu di st'affare. Postu chì a cunsigna a ci permette, sarà l'uccasione di parlà inglese è di chjode stu sugettu incù un hashtag: #NotInMyName
(Devu cunfissà ch'aghju arrubatu u titulu à Petra Alta.)
Accueil 
Sujet: 
Sujet: 
